الحق سريع موضوع ساخن للمتزوجين فقط
مرسل: الجمعة 2010.6.11 1:10 pm
اليوم عندي موضوع في غاية الاهمية وهو الخلافات الزوجية هل هي ملح الحياة الزوجية كما يقولون ام هي قنابل موقوتة اذا انفجرت ادت الي ما لا يحمد عقباه ابغضها الطلاق .المهم انا عايز اي عضو في المنتدي يطرح تجربتو ويعرض المشاكل والحلول بكل (شفافية ) حلوة شفافية دي ! وسوف ابدا بنفسي
معروف انو اي علاقة تبدا بين كل طرفين بنظرة فابتسامة فلقاء أو خاطبة وخطوبة وزواج بعد داك يا سعادة مؤقتة تنتهي بانتهاء مراسم الزواج وشهر العسل وتبدا المشاكل بتفاصيل صغيرة سرعان ما تكبر ككرة الثلج المتدحرجة . وبقولو زواج تقليدي او حديث ما بفرق لانو اكيد حتعقبو مشاكل صغيرة كانت او كبيرة بمختلف التفاصيل وقالو الشيطان في التفاصيل!
اها اخوكم بعد تمت مراسم الخطوبة سجلت رقمها في هاتفي وسميتها حبي ورقيتها قلبي وبعد الزواج وبداية التقيد وفقدان الحرية السابقة سميتها في الهاتف ناس البيت وبعد اصاب كلينا الملل سميتها هوء شديد ومن الطريف انو واحد صحبي لمن يوم تلفوني رن قالي الهواء دي منو قلت ليه دي الحكومة ضحك وقال لي انت لسه مستجد ليك 4 سنة زواج انا حكومتي ساميها (العدو) وضحكنا وقلت ليه والله العدو شركات الاتصال العاملة شي يوم بجنيه وخدمة الرقم اعلاه يتصل بك في حالة عدم المسكول الله غالب !
نرجع لموضوعنا ما هو برأيكم سبب فتور الحب الكبير بعد الزواج بعام او اقل حسب الجينات العدوانية للطرفين ؟ لماذا لا تسيطر بنات حواء علي اعصابهن وكذالك الرجال ومشاكل لاتفه الاسباب ؟ كيف نسترد المشاعر الجميلة التي كانت قبل الدخول في القفص الحديدي !اقصد الذهبي! ذهبي ايه بلا نيلة!
المهم ادونا رايكم والقضية مطروحة للنقاش .وسفينة الزواج سترسو يوما ما علي حل يرضي الطرفين.
هل انت معي انو اغلب المشاكل سببها الاتي:
1/ما كان في تصور واضح للحياة الزوجية للطرفين وزي ما قالو( القدامنا ما حزرونا والورانا ما نصحونا)
2 / منهج الاسئلة المتكرر يوميا ماشي وين؟ انت وين ؟ جاي متين؟ التقول مباحث.
3/ الغيرة المرضية من الطرفين بسيط منها حلو.
4/ الظروف الاقتصادية ودي اس المشاكل .
5/ الزوج البخيل الاناني
6 / الزوجة النقناقة الحوامة اللوامة دي كان وقعت فيها يحلك الحل بلة!
كدي ادونا رايكم وادونا خاطركم ................... وللحديث بقية يتبع ...
معروف انو اي علاقة تبدا بين كل طرفين بنظرة فابتسامة فلقاء أو خاطبة وخطوبة وزواج بعد داك يا سعادة مؤقتة تنتهي بانتهاء مراسم الزواج وشهر العسل وتبدا المشاكل بتفاصيل صغيرة سرعان ما تكبر ككرة الثلج المتدحرجة . وبقولو زواج تقليدي او حديث ما بفرق لانو اكيد حتعقبو مشاكل صغيرة كانت او كبيرة بمختلف التفاصيل وقالو الشيطان في التفاصيل!
اها اخوكم بعد تمت مراسم الخطوبة سجلت رقمها في هاتفي وسميتها حبي ورقيتها قلبي وبعد الزواج وبداية التقيد وفقدان الحرية السابقة سميتها في الهاتف ناس البيت وبعد اصاب كلينا الملل سميتها هوء شديد ومن الطريف انو واحد صحبي لمن يوم تلفوني رن قالي الهواء دي منو قلت ليه دي الحكومة ضحك وقال لي انت لسه مستجد ليك 4 سنة زواج انا حكومتي ساميها (العدو) وضحكنا وقلت ليه والله العدو شركات الاتصال العاملة شي يوم بجنيه وخدمة الرقم اعلاه يتصل بك في حالة عدم المسكول الله غالب !
نرجع لموضوعنا ما هو برأيكم سبب فتور الحب الكبير بعد الزواج بعام او اقل حسب الجينات العدوانية للطرفين ؟ لماذا لا تسيطر بنات حواء علي اعصابهن وكذالك الرجال ومشاكل لاتفه الاسباب ؟ كيف نسترد المشاعر الجميلة التي كانت قبل الدخول في القفص الحديدي !اقصد الذهبي! ذهبي ايه بلا نيلة!
المهم ادونا رايكم والقضية مطروحة للنقاش .وسفينة الزواج سترسو يوما ما علي حل يرضي الطرفين.
هل انت معي انو اغلب المشاكل سببها الاتي:
1/ما كان في تصور واضح للحياة الزوجية للطرفين وزي ما قالو( القدامنا ما حزرونا والورانا ما نصحونا)
2 / منهج الاسئلة المتكرر يوميا ماشي وين؟ انت وين ؟ جاي متين؟ التقول مباحث.
3/ الغيرة المرضية من الطرفين بسيط منها حلو.
4/ الظروف الاقتصادية ودي اس المشاكل .
5/ الزوج البخيل الاناني
6 / الزوجة النقناقة الحوامة اللوامة دي كان وقعت فيها يحلك الحل بلة!
كدي ادونا رايكم وادونا خاطركم ................... وللحديث بقية يتبع ...