حلم الجعان عيش
مرسل: السبت 2010.5.29 8:26 pm
أحلام فار
الفار وقف ....
جنب القفص....
سافر خيالو سرح بعيد
لو أكرمو رب العباد
جكسوية واحدة من الجداد
يتزوجا...ويعيش سعيد
تكفيهوا لاشركا يصيدو
ولاكديس
تحميهو من حظو التعيس
فطورو بيض_._.
وغداهو بيض_._.
وعشاهو بيض_._.
أحلامو بيض_._.
صاحبنا مااتردد وقال:
قال لي الجدادة تعالي جاي
أنا عندي ليكي كلام كتير
قالتلو أها يالفار أخوي
إن شاء الله خير
قال ليها خير
بس منكسف!!
قالتلو قول ما تنكسف
الفار رجف ...
طقطق أصابعينو ووقف
قال للاسف
أنا مابقول !!؟؟
إحساسي واضح
ومشاعري ما عايزة الفضول
الجدادة أستغربت
أتنفضت وأتهوززت
قاتليهو :
ياخ ماتقول يافار
صاحبنا قام
قال ليها طمعان في الجوار
قاتليهو هيه ما أنت جار
الفار سرح
راح الكلام منو ووقع
قال لي الجدادة بلاش دلع
لو جاكي فار طالب القرب
طالب يديك
طالب الغرام من مقلتيك
رايك شنو؟؟؟؟؟؟؟؟
قاتليهو إييييييييييك
مايسمعك في الحلة ديك
الفار كضم شمى الوضع
شتت مشي
وعيونو من كتر الزعل
ماشايفة حاجة مطششة
ومشاعرو كيف متخربشة
حرد الفطور
حرد العشا
ورسم علي جدار الزمن
صورة الجدادة و نقشة
وقال الجدادة قست علي
وعملت علي متحنكشة
باكر بعرس ستها
تمسح دموعي تقشقشا
الفار وقف ....
جنب القفص....
سافر خيالو سرح بعيد
لو أكرمو رب العباد
جكسوية واحدة من الجداد
يتزوجا...ويعيش سعيد
تكفيهوا لاشركا يصيدو
ولاكديس
تحميهو من حظو التعيس
فطورو بيض_._.
وغداهو بيض_._.
وعشاهو بيض_._.
أحلامو بيض_._.
صاحبنا مااتردد وقال:
قال لي الجدادة تعالي جاي
أنا عندي ليكي كلام كتير
قالتلو أها يالفار أخوي
إن شاء الله خير
قال ليها خير
بس منكسف!!
قالتلو قول ما تنكسف
الفار رجف ...
طقطق أصابعينو ووقف
قال للاسف
أنا مابقول !!؟؟
إحساسي واضح
ومشاعري ما عايزة الفضول
الجدادة أستغربت
أتنفضت وأتهوززت
قاتليهو :
ياخ ماتقول يافار
صاحبنا قام
قال ليها طمعان في الجوار
قاتليهو هيه ما أنت جار
الفار سرح
راح الكلام منو ووقع
قال لي الجدادة بلاش دلع
لو جاكي فار طالب القرب
طالب يديك
طالب الغرام من مقلتيك
رايك شنو؟؟؟؟؟؟؟؟
قاتليهو إييييييييييك
مايسمعك في الحلة ديك
الفار كضم شمى الوضع
شتت مشي
وعيونو من كتر الزعل
ماشايفة حاجة مطششة
ومشاعرو كيف متخربشة
حرد الفطور
حرد العشا
ورسم علي جدار الزمن
صورة الجدادة و نقشة
وقال الجدادة قست علي
وعملت علي متحنكشة
باكر بعرس ستها
تمسح دموعي تقشقشا
