منتدى أنا سوداني

مهاجر في البلد كتب:الاخ عاشق ضياء

هنالك صناعات عديدة في السودان

بداية بالصناعات النفطية ومشتقاتها
صناعة الادوية والعقاقير الطبية
صناعة السكر ومستخلصاته
صناعة الايثانول كمستخلص من مولاص القصب
صناعة التجهيزات العسكرية
صناعة الاقمشة والاقطان ومشتقاتها
صناعة المشروبات والماكولات
صناعة الاتصالات

والعديد من ضروب الصناعة

يمكنك ان تبحث عنا منفردة في محركات البحث المعروفة
وسوف تجد في الرابط التالي بعض المقتطفات عن صناعة السكر

صناعة السكر في السودان

م/المسيكتابي كتب:

حبيبنا عاش ضياء
السلام عليكم
انا عندي ليك موقع من خلاله تقدر تتحصل علي اي مرجع انت عايزو
اسم الموقع : الفور شير
الفكره: يتيح ليك فرصة للحصول علي اي مرجع في العالم وايضا من خلاله تستطيع ان تتشارك مع غيرك في الملفات وكمان الصور والمقاطع
الطريقة كيف :
اول حاجه اكتب علي قوقل 4shared
ادخل علي اول نافذه
تجد كلمة تسجيل
تدخل الايميل واي رقم سري
تفتح معاك صفحة ممكن تغير اللغة عربي انجليزي
في هذه الصفحة يمكنك تحميل المراجع من جهازك لقايمة المفضله حتي تستطيع في اي وقت واي مكان ان ترجع لهذه الكتب والملفات الموجوده في المضلة
كيفية البحث عن مرجع؟
في اعلا القايمة تجد كلمة بحث اعمل كلك
تجد خيارين بحث في العام وبحث في المجلد الخاص بيك
اعمل كلك في البحث في العام
ادخل اسم المرجع
تفتح معاك نافذه اخري عليها مجموعه من المراجع اختار المرجع العايزو واعمل تحميل
تجد خيارين تحميل علي الجهاز او الفتح
ويمكنك ان ترسل المرجع لحسابك في الفور شير
وعندما تدخل في اي مكان علي حسابك تجد المرجع الانت قمتة بالبحث عنة موجود

ما تنسي حمل من جهازك المراجع الموجوده عندك عشان غيرك لمن يبحث عن مرجع يلقي المرجع عندك
الفكره بسيطة وسهله
ومريحه جدا
خلي صفه الفور شير في المفضله علي جهازك وفي اي لحظة ممكن تبحث عن الكتاب العايزو

الفكره ببساطة تبادل الملفات
منك ومن غيرك وتكون ليك صدقة جارية

ح ارفق ليك رابط حسابي وانت ممكن تبحث من خلالو لو كسلان من التسجيل
http://www.4shared.com/dir/4553802/82d7 ... aring.html

شكرا لك واتمني ان اكون قدمته لك جزء من المساعده

عاشق ضياء كتب:مشكور يا عبد الله التجاني

ودي المحريه فيك

شكلك عارفني كسلان


ولك فائق الشكر والتقدير يا ود المسيكتاب

معتز سيد كتب:

الحبيب عاشق ضياء

الموضوع بسيط وما في اي شي يستدعي الكسل كلها زيارة اولية لمكتبة السودان بجامعة الخرطوم في شارع الجمهورية وتشيل معاك فلاش وقرشين للتصوير. ح تلقى مادة معتبرة تغنيك عن السؤال.

وكلما تمر على الأستاذ المشرف وتعرض عليه ما جمعت وتسفسر منه وتستمع لنصائحه بتكون المهمة ساهلة جداً وفي نفس الوقت بتدي المشرف انطباع الاجتهاد والمثابرة و حيديك تقييم مرضي للبحث في النتيجة النهائية.

كلها فترة تلاتة أسابيع خلالها بتكون تلاتة أو أربعة مشاوير فقط لثلاث مكتبات مع وزارة الصناعة مع مرور أسبوعي على المشرف (بعد المحاضرات يعني ما عايزة ليها اي مشوار). وح تلقى نفسك قطعت شوط كبير جداً اذا ما أكملت تماماً البحث.

بالتوفيق إن شاء الله