منتدى أنا سوداني

غريبة الدنيا والايام.
غريبة ليالي حب بتمر.. زي الاحلام.
غريب الحب ..
غريب وجعو وغريب عنب اليمن فيهو
..وغريب ياغالية بلح الشام .
وانا الفي الريدة ما لقيت لا يمن لا شام.
لا اتهنيت ولا قدرت انتهيت ونسيت ..
لا غرق القلب افراح ولا الروح اتملت الام .
معلق بين سما وواطة ..ومعذب بالهوى الظلاّم .
أنا ياغالية اخترتك تكوني معاى ..
معايا براى ..
وانتي اخترتي انو تكوني لى لكن معايا سواي.
وفي زحمة مشاعري الليك وغيرتى الفاتت الحد انتظرت سلام .
وطلعت شمسي قبال ماتقولى سلام .
ومرت يا حبيبة عليّا ليلة انكسار الروح بدون ما تقولى ايّ كلام .
مرت زي تقول مليون ومليون عام .
والقلب الهواك ياغالية كان بالجد عليك قلقان .
ومليان خوف وشوق وغرام.
مساهر في انتظارك لا غمض لا نام .
ولمن اذن الاذان .. لا طليتى لاجيتيهو قلتى سلام .