منتدى أنا سوداني

مرسل: **الأحد 2010.5.2 6:38 pm**

قائل ///
عاوز أهااااااااااجر لبلد تاني أحقق فيهو أحلامي وتسعد فيه أيامي ......!
بحكم التجارب والخبرات عاوز دراسة جدوة أو أقل شيئ نصايح أمش عليها
فهل من معين ؟؟؟؟ *

مرسل: **الاثنين 2010.5.3 8:46 am**

يا اخوي مالك ومال العذاب احسن ليك تقعد في بلدك ......... والله الغربة بلا الشقاوة ما فيها حاجة ........ اصبر في بلدك ...........

مرسل: **الاثنين 2010.5.3 9:06 am**

الدغري شوية شوية على النورس المهاجر وهو مهاجر قبل لايهاجر ....

زكرتني قصة اخ كان بطلب من اخيه ان يرسل له فيزا وعايز يهاجر واخوة كل مره يقول ليه مالك ومال

العزاب والشقاوة والبلد بقت مازي زمان والامو ر كلها ملخبط وقصة الكفيل وماادراك ماالكفيل واخوه

مااقتنع واصر انه يجي

وصاحبنا توكل وعمل ليه الفيزا وعمل اجراءاته وجاه

واول

مادخل البيت جابوه ليه البيبسي العائلي ( قبل مايكون معروف فى السودان ) واخوة لما رجع لقاه خلاص

على القارورة وقال شوف يقولي لي البلد مافيها شي شوف البيبسي حقهم قدر كيف:D ....

ولما جلس فترة وعرفت الورطه اللي تورطها قال ليهم والله ماقايلناها كده نشوفكم تجونا فى السودان

نضاف وشايلين الشنطة والله خدعتونا .... ( الواحد لو ماجرب بنفسه مابقتنع )...

مرسل: **الاثنين 2010.5.3 5:03 pm**

خليك أمين على نفسك وعلى عرضك وعلى شرفك

المغرياااات كتيره وهي اللي بتجيك قبل ماتفكر إنك تمشيله

مااا تكوووون طيب ولا واااثق لي درجه المبااالغه

وزي ما بقووولووو أمسك العصى من الوسط

مرسل: **الاثنين 2010.5.3 10:51 pm**

النورس المهاجر كتب:قائل ///
عاوز أهااااااااااجر لبلد تاني أحقق فيهو أحلامي وتسعد فيه أيامي ......!
بحكم التجارب والخبرات عاوز دراسة جدوة أو أقل شيئ نصايح أمش عليها
فهل من معين ؟؟؟؟ *

[align=center]والله نصيحتي ليهو : بقوول ليهو خليك في تبرووقتك ,وعنقريب السعف الهباااب في ضل القشاشة ام نساما علييل, اخير ليييييك من غربة مجهولة الامد وتشيل نوومك في عز الليل.دي نصيحة من زول مجرب وعاااايش العذاب والويل,,

[/align][/b]

مرسل: **الثلاثاء 2010.5.4 12:57 am**

ماتهاجر لبلاد تانيه ..!
بلدنا ناسا طيبيين وموشحه بالظلال حانيه
نصيحه :
أذا لم تجد ماتحب فحب ماتجد
وأذا كان قدرك سيئاً فأصنع لنفسك ومن حولك قدراً جديداً

مرسل: **الثلاثاء 2010.5.4 7:54 am**

نصيحة مني لا تهاجر من البلد كمل دراستك وقوي نفسك بالعلم وأشتغل في البلد انا عن نفسي ان شاء الله
كلها مسألة وقت وأرجع لبلدي ... الهجرة كلها شقاء وعذاب وغربة وانت في غنى عن هذا كله السودان
في تتطور ملحوظ وسريع وان شاء الله كل مغترب يرجع لبلده معزز مكرم تحياتي لك.

مرسل: **الثلاثاء 2010.5.4 6:26 pm**

الدغري كتب:يا اخوي مالك ومال العذاب احسن ليك تقعد في بلدك ......... والله الغربة بلا الشقاوة ما فيها حاجة ........ اصبر في بلدك ...........

أشكرك استاذي الدغري على النصايح الغالية ومختصرة
لك ودي حتى يتعب

مرسل: **الثلاثاء 2010.5.4 6:28 pm**

المرسال كتب:
نصيحة مني لا تهاجر من البلد كمل دراستك وقوي نفسك بالعلم وأشتغل في البلد انا عن نفسي ان شاء الله
كلها مسألة وقت وأرجع لبلدي ... الهجرة كلها شقاء وعذاب وغربة وانت في غنى عن هذا كله السودان
في تتطور ملحوظ وسريع وان شاء الله كل مغترب يرجع لبلده معزز مكرم تحياتي لك.

شكري موصول لمن طبعه الوصال بالمرسال ( مرسال شوقي ليك دايرو يوصل؟؟)

مرسل: **الثلاثاء 2010.5.4 6:33 pm**

امرأه نخلة كتب:ماتهاجر لبلاد تانيه ..!
بلدنا ناسا طيبيين وموشحه بالظلال حانيه
نصيحه :
أذا لم تجد ماتحب فحب ماتجد
وأذا كان قدرك سيئاً فأصنع لنفسك ومن حولك قدراً جديداً

درر نصائحك قوت يقتات به المرء في فتات الأيام الغابرات وعابرات
( أذا لم تجد ما تحب.............. / أصنع لنفسك ...........)
لو كانت شعارات ومسارات لكل من ينوي الهجرة لما عشنا المعناة بالهجرة والمهاجرة ( غربة)
أشكرك فاضلتي ولك ودي

!!

مرسل: **الثلاثاء 2010.5.4 6:40 pm**

الأسيد كتب:
[align=center]والله نصيحتي ليهو : بقوول ليهو خليك في تبرووقتك ,وعنقريب السعف الهباااب في ضل القشاشة ام نساما علييل, اخير ليييييك من غربة مجهولة الامد وتشيل نوومك في عز الليل.دي نصيحة من زول مجرب وعاااايش العذاب والويل,, [/align][/b]

استاذي العظيم عظمة تراب بلدي وتبرقتها وقشاشتها وعنقريب الهباب ...
هيجت في شجون وخاصة أنني من أبناء الريف .( أدمعة عيني لتلك الأشياء الثمينةالأصل والمعنى والتي حرمنا منها سنين عددا )
أسأل الله أن يرد غربتنا ويجمعنا بما نحب ونهوى عاجلا غير أجل
كان الهدف تبرئة ذمة حتى لا يخدع الغير بهذا الزيف والتزيف المادي الذي يفتقد لعالم

الإنسانية ولك امتناني .

مرسل: **الثلاثاء 2010.5.4 6:42 pm**

فــتى الفلامنكو كتب:خليك أمين على نفسك وعلى عرضك وعلى شرفك

المغرياااات كتيره وهي اللي بتجيك قبل ماتفكر إنك تمشيله

مااا تكوووون طيب ولا واااثق لي درجه المبااالغه

وزي ما بقووولووو أمسك العصى من الوسط

أشكرك على النصائح الغالية للذي هو بالغربة والقصد من الموضوع عكس الصورة لمن ينوي الإغتراب
أكرر شكري ومحبتي الصادقه يافتى

مرسل: **الثلاثاء 2010.5.4 6:48 pm**

الشامخ كتب:الدغري شوية شوية على النورس المهاجر وهو مهاجر قبل لايهاجر ....

زكرتني قصة اخ كان بطلب من اخيه ان يرسل له فيزا وعايز يهاجر واخوة كل مره يقول ليه مالك ومال

العزاب والشقاوة والبلد بقت مازي زمان والامو ر كلها ملخبط وقصة الكفيل وماادراك ماالكفيل واخوه

مااقتنع واصر انه يجي وصاحبنا توكل وعمل ليه الفيزا وعمل اجراءاته وجاه واول

مادخل البيت جابوه ليه البيبسي العائلي ( قبل مايكون معروف فى السودان ) واخوة لما رجع لقاه خلاص

على القارورة وقال شوف يقولي لي البلد مافيها شي شوف البيبسي حقهم قدر كيف:d ....

ولما جلس فترة وعرفت الورطه اللي تورطها قال ليهم والله ماقايلناها كده نشوفكم تجونا فى السودان

نضاف وشايلين الشنطة والله خدعتونا .... ( الواحد لو ماجرب بنفسه مابقتنع )...

الشامخ معذتي تدوم لك وأنت تدعم الموضوع بقصص من واقنا المرير
لك محبتي ودمت شامخ شموخ بلادي

مرسل: **الأربعاء 2010.5.5 6:00 pm**

الغربة حارة ياخوي نحنا جربنا
وإنشاءالله نرجع سالمين للوطن
الغالي..آآآآآآآمين يارب

مرسل: **الأربعاء 2010.5.5 9:48 pm**

النورس المهاجر كتب:قائل ///
عاوز أهااااااااااجر لبلد تاني أحقق فيهو أحلامي وتسعد فيه أيامي ......!
بحكم التجارب والخبرات عاوز دراسة جدوة أو أقل شيئ نصايح أمش عليها
فهل من معين ؟؟؟؟ *

اخي النورس طبعا انا بنصحك و بقوليك كان لقيت وظيفه افضل سافر لكن ياحبذا لو كانت دوله عربيه
لكن المشكله انك بتكون بعيد من الاهل والاحباب وعلي طول بتكون زهجان واخلاقك ضيقه وبتفكر علي طول والله شويه كدا وتجن بس خليك ايمانك بالله قوي وتمسك بي كتاب الله مابجيك عوجه

مرسل: **الخميس 2010.5.6 11:59 am**

النورس المهاجر كتب:قائل ///
عاوز أهااااااااااجر لبلد تاني أحقق فيهو أحلامي وتسعد فيه أيامي ......!
بحكم التجارب والخبرات عاوز دراسة جدوة أو أقل شيئ نصايح أمش عليها
فهل من معين ؟؟؟؟ *

عزيزي ..
إذا كنت تقصد الهجرة لدول الخليج فأخير تقعد في محلك لأنه اللي هنا بقوا لاعبين في الزمن الضايع والخليج لم يعد له ذلك البريق الحامل للتمنيات .. أما لو عايز تهاجر لدول الصقيع للدراسة فهذا حق مشروع ليك ..
في كل الأحوال تمنيات بالتوفيق لمان ترسى على حل ..

مرسل: **السبت 2010.5.8 8:23 am**

أولاً // أشكر الجميع على المرور الطيب والإضافات المطلوبة لهذا الموضوع
ثانيا// يانس قطر والدوحه والخليج عموم ( لكن أحسن من بلاد العجم دينيا لا قروووووووشيا ...)
شكلكم طفشاااااااااااانين وغرفانيين من الغربة وهذا حالنا وحال كل سوداني يعز ناسو وبلدوالقصد من الموضوع أن نحس ونسارع الخطى نحو البلد نحن من بالخارج
والأهم عكس الصورة الحقيقية لمن يرغب في الهجرة
هنالك محاااااااسن والأغلبية مسااااااااوي
أتمنى الشرح بذكر التجارب للوجهين لتأتي القناعة بـ ........
أما الهجرة أو .............. ؟؟

مرسل: **الأحد 2010.5.23 1:24 pm**

يازول لا تنجع,

مرسل: **الاثنين 2010.5.24 9:40 am**

والزوله تنجع يعني ؟؟؟

بعد الزمن أشكرك على الاتحاف

مرسل: **الاثنين 2010.5.24 11:54 am**

الاخ الرائع النورس المهاجر لك التحية لطرح هذا الموضوع الهام والذي قد تجد فية الحلو والمر وكما قلت لكي تعم الفائدة اطرح تجربتي الشخصية وعلي ذلك قس
كنت في السودان في وضع مالي جيد قد يكون فوق الوسط ولكن نسبتالطموحات الشباب في ذالك الوقت في الهجرة وتحسين الاوضاع وبعد تهئية مصادر دخل ممتازة لاسرتي في غيابي وانا ذاهب الي مجهول لاعرف مواعيد رزقة حضرت الي المملكة وقابلت اهلي واصدقاءي وهم مندهشين من حضوري الي المملكة لوضي الجيد في السودان وقال لي واحد منهم مقولة لم انسها طيلة حياتي (ياابو الشباب الجابك شنو السعودية بقت ذي حفلة واتفرتقت نحنا بلم في باقي الكراسي ورجعين ) المهم حصلت لي معاهم كم كرسي كدة وظبت الوضع من سيارة وقطعة ارض في السودان واحضرت اسرتي الصغيرة وقلت ياولد ما باضت ليك في قفص كدي شوف اخوك التعبان دة عرس لي وشوف اختك دي الراجلنا دخلو قليل ابني ليها الحيطة دي وسوي ليها مطبخ وياولد امك بتموت فوق الرسول ودايرة الحج المهم دي الحاجات الحلوة البنفتخر بيها نحن السودانيين ويعني الحجات دي عملناها من باقي الكراسي مع الجماعة ومن الذمن داك بنتمني نسمع لينا صوت حفلة عشان نلملم كراسيها مسمعنا لانو السعوديين ذاتم بقو منتظرين ذينا وفرضو علينا ندفع في الشهر مبلغ وفي السنة عند التجديد مبلغ وهاك ياتامين صحي ويجار والتزامات مدارس يعني واللة ورطة والحمد للة وبقت امي تقول هي يولدي تعال انشوفك قبل مااموت والاخت واللة انا ببيع بقرتي وبرسل ليك بس تعال انشوفك واولادك ليهم حق الحنية قاتلاهم خمسة سنة ماشافو ولدهم والولد ينزل كيف لافي حفلة ولاكراسي نلملما ودمت بخير اخي النورس

منتدى أنا سوداني

من ينوي الاغتراب عاااااجلا بماذا تنصحنه ؟؟؟

من ينوي الاغتراب عاااااجلا بماذا ننصحه نحن قبيلة المغتربيين ؟؟؟

رد: من ينوي الاغتراب عاااااجلا بماذا تنصحنه ؟؟؟

رد: من ينوي الاغتراب عاااااجلا بماذا تنصحنه ؟؟؟

رد: من ينوي الاغتراب عاااااجلا بماذا تنصحنه ؟؟؟

رد: من ينوي الاغتراب عاااااجلا بماذا تنصحنه ؟؟؟

رد: من ينوي الاغتراب عاااااجلا بماذا تنصحنه ؟؟؟

رد: من ينوي الاغتراب عاااااجلا بماذا تنصحنه ؟؟؟

رد: من ينوي الاغتراب عاااااجلا بماذا تنصحنه ؟؟؟

رد: من ينوي الاغتراب عاااااجلا بماذا تنصحنه ؟؟؟

رد: من ينوي الاغتراب عاااااجلا بماذا تنصحنه ؟؟؟

رد: من ينوي الاغتراب عاااااجلا بماذا تنصحنه ؟؟؟

رد: من ينوي الاغتراب عاااااجلا بماذا تنصحنه ؟؟؟

رد: من ينوي الاغتراب عاااااجلا بماذا تنصحنه ؟؟؟

رد: من ينوي الاغتراب عاااااجلا بماذا تنصحنه ؟؟؟

رد: من ينوي الاغتراب عاااااجلا بماذا ننصحه نحن قبيلة المغتربيين ؟؟؟

رد: من ينوي الاغتراب عاااااجلا بماذا ننصحه نحن قبيلة المغتربيين ؟؟؟

رد: من ينوي الاغتراب عاااااجلا بماذا تنصحنه ؟؟؟

رد: من ينوي الاغتراب عاااااجلا بماذا تنصحنه ؟؟؟

رد: من ينوي الاغتراب عاااااجلا بماذا تنصحنه ؟؟؟

رد: من ينوي الاغتراب عاااااجلا بماذا تنصحنه ؟؟؟