منتدى أنا سوداني

مرسل: **الجمعة 2006.12.8 9:14 am**

المغتربين في السودان بنتعامل بطريقه خاصه طريقه غير السودانيين °ˆ~*¤®§(*§*)§®¤*~ˆ°
كاننا عملنا ذنب كبيير لمن اغتربنا
هم فاكرين انو احنا فرحاننين و احنا بعيدين من الوطن اللي في كل لحظه نسمع زول بيتكلم عن الوطن بنحس بحنيين و شوق كبير لاننا نقول الكلمه العذبه دي
ده غير انو احنا ما بنكون بحريتنا ما بنتكلم بحريه لانو بنعمل حساب لكل كلمه بتتقال لانو انا بعكس صور لبلدي
غير كده الالام اللي بنعاني منها كل سنه لمن نجي نفارق اهلنا و اصحابنا واحبابنا ولمن نحضنهم و احنا بنودعهم و ما بنكون عايزين نسيبهم لكن بنسيبهم مضطرييييين و بعد كل البيواجهنا ده يقومو يعاملونا معامله غير المقيمين في السودان و يريت معامله فيها انصاف لينا على سبيل المثال انا السنه دي ممتحنه ثانويه عامه من السعوديه وبعد ما اتعب في تحصيل الدرجات و اجتهد عشان اجيب نسبه تدخلني الطب و اسهر ليل نهار و اعد الايام والشهور عشان اترمي في حضن وطني الحبيب (السودان) القى اولاد بلدي ما منصفني انا عايزه كل واحد يتكلم بزمتو عن البقولو ده القى الناس ينهشو فيني و ابناء جلدتي من المغتربين على اساس انو احنا مخزن القروش الماسي و الحساب المفتوح سبيل اللي لازم كل زول يخطف و يجري و السبب انو احنا القروش دي لقيناه مرميه في الارض (ده في اعتقادهم طبعا) و لو جات على القروش كان هين المصيبه انهم بيشيلو من نسبنا اللي بنجيبها بعد طلاع الروح و السبب في كده انو مناهجنا اسهل من مناهجهم في حين انو منهج ثالث ثانوي بتاع السودان اللي هي اصعب سنه عندهم هي ثاني ثانوي في السعوديه و نصا زي ما هي اللي هي اسهل سنه عندنا هنا و اول ثانوي بتاعت عمان هي نفسها ثاني ثانوي في السودان ده غير انو هم بيعاقبونا على ذنب احنا ما ارتكبناهو الا وهو انو احنا قرينا في المكيفات في كتب نضيفه و.و...و..... انا بس عايزه اعرف(احنا حنكون مغتربين برا بلدنا و جواها كمان مشكوووووور والله يعطيف الف عافيه
وعايزا اي زول يقرا موضوعي يرد علي بضميرو و عايزاكم تدعوا لي ربنا يوفقني

مرسل: **الجمعة 2006.12.8 8:08 pm**

الابنة قمر السودان
فى الاول الف مرحب بيك معانا فى منتدى كل السودانين...فى الخارج والداخل
حبابك عشرة...والبيت بيتك.
اشكرك كذلك على مشاركتك ...وعلى صراحتك الجريئة للظلم الذى يعانى
منه ابناء وبنات المغتربين فى مواصلة الدراسة فى السودان.
الموضوع يهم الجميع ...آباء...امهات ...والطلبة...لذلك نرجوا ان نسمع
آراء كل الاخوة فى مناقشة الموضوع مناقشة جادة نستفيد منها جميعا
وعاوزين نسمع رأء الشباب فى داخل السودان

مع تحياتى

مرسل: **السبت 2006.12.9 8:45 am**

[font=Arial Black]قمر السودان

ما تزعلى كتير لان الموضوع حق المغتربين وابناءهم موضوع يعانى منه قطاع كبير من المغتربين ان لم يكن كلهم
وخاصة مشكلة تعليم حاملى الشهادة العربية لما فيها من ظلم كبير لا يستند الى اى منطق او لغة.....
المشكلة ننظر لها فى التعامل مع المجتمع السودانى من جهتين:

اولا : تعامل عامة الناس فى السودان مع المغترب
ثانيا : تعامل الجهات الحكومية مع المغترب

بالنسبة لموضوع التعليم وهو ما يؤرقك تكلمنا فيهو كتير على المستوى الاسرى وعلى مستوى مجالس الجاليات وعقدت مؤتمرات للمغتربين داخل وخارج السودان.................... ولكن لاحياة لمن تنادى
الموضوع لا يرتبط بنوع المادة العلمية التى يدرسها ابنائنا فى الخارج لانى انا شخصيا عرضت بعض كتب الرياضيات والفيزياء التى يدرسها ابنائنا فى الثانوية السعودية وافادنى بعض اساتذة الجامعات فى السودان ان نفس المناهج تدرس فى المرحلة الجامعية.
المشكلة باختصار شديد انو التوسع فى التعليم فى السودان وميزانية الجامعات تعتمد اعتماد شبه كلى على القبول الخاص وبالتالى توضع العراقيل امام ابنائنا لدفعهم الى دراسة ما يحبون من كليات عن طريق القبوا الخاص ودا بيحصل عن طريق اقتطاع نسب عالية جدا من مجاميعهم وصلت فى بعض السنين الى 13%

ولنا عودة[/font]

مرسل: **السبت 2006.12.9 1:05 pm**

الاخ احمد والابنة قمر السودان...!

تحية طيبة....الحقيقة انا لما رديت على المشاركة ما عندى فكرة عن المشكلة شنو بالضبط؟؟؟؟
ارجوا ان تفيدونى؟؟؟؟؟؟؟

هل المشكلة فى مستوى التعليم فى الدول العربية؟
او هل المشكلة فى اجرأت تسجيل السودانين فى الجامعات السودانية؟
ام المشكلة فى معادلة الشهادة؟؟؟؟

مع تحياتى

مرسل: **السبت 2006.12.9 1:13 pm**

الاخ صلاح
المشكلة تنحصر فى ظلم ابناء المغتربين حاملى الشهادة العربية
يتم تقديم شهادة الثانوية فى سفارات السودان بالخارج او مكتب قبول الجامعات فى السودان
يتم معادلة الشهادات العربية ويتم خصم نسب غير ثابته من اجمالى المجموع متوسط الخصم حوالى 11%
يعنى الطالب الحاصل على 99% لا يستطيع ان يدخل اى كلية من كليات القمة مثل الطب والهندسة الا بمصاريف خاصة تصل بالنسبة لكليات الطب من 5000 دولار الى 8000 دولار حسب الجامعة سنويا

مرسل: **الأربعاء 2006.12.13 7:21 pm**

«®°·.¸.•°°·.¸¸.•°°·.¸.•°®»بعض الناس يعتقد ان كل مغترب مرتاح وده كلام غلط في ناس مغتربين وحالتم مايعلمبها الى الله وده الشفناهو عن طريق قناة السودان في برنامج ساعة شباب لمن اتجرأت وحدة مالزم نذكر اسما وقالت : نحن بنحسبا بالكندشة اي يعني الفي السودان معتقدين المغتربين ديل مقابلن المكيفات وده كلام غلط واردو من الاخوة الاعضاءء المشاركة بهاذا المر «®°·.¸.•°°·.¸¸.•°°·.¸.•°®»

مرسل: **الأربعاء 2006.12.13 7:53 pm**

شكرا جميعا على مشاركتكم فرحت شديد لمن لقيت اللي يفهم معاناه المغتربين شكرااااااا كتيير على مروركم الكريم

مرسل: **الأربعاء 2007.1.17 8:01 pm**

مساء الخير ..!!
طبعاً دي مشكلة كبيرة جداً بعاني منها الاخوة المغتربين و للاسف الشديد الناس
بتعبر المغترب عبارة عن خزنة من القروش المتحركة انا اسف طبعاً علي التعبير و لكن
هي الحقيقة لانوا في الزمن العلينا دا بقي المغترب و السودان واحد لانوا نفس الظروف
البتواجه المغترب بتواجهك انتي في السودان بالعكس المغترب بتكون عليها مليون حاجة هي غربة
و شتياق كبير للاهل و للوطن و احساس الحرمان بالحظات و سط الاهل و الاصدقاء
في المناسبات الاعياد او المناسبات الخاصة ....
انا الحمد لله ما جربت الاغتراب لاني رافض المبداء من اساسوا حقيقي انا ما بقدر علي الغربة
و اني اكون بعيد من الاهل لكن بس بقول للمغتربين ربنا يكون في عونكم و ربنا يرد غربتكم
و انشاء الله نشوفكم في السودان قريب لانوا العمر محسوب علينا يعني اليوم البمر عمروا ما بجي تاني
عشان كدة لازم الواحد يستمتع باي لحظة فرح بتمر عليه مع الاهل و الاصدقاء ..

مرسل: **الجمعة 2007.1.19 12:12 am**

والله انا مغترب ومرتاح ماعندي اي مشكلة في الغربة وممكن اقعد عشرة سنين ولا اجي السودان؟؟؟مالي ومال الباعوظة والحر؟؟؟ هنا قاعد لي في مكيف يضرب صباح وليل..؟؟؟...؟؟؟...

مرسل: **الجمعة 2007.1.19 1:05 pm**

الايام احتفالات كبيرة في دبي بمناسبة مهرجان دبي للتسوق

مرسل: **الجمعة 2007.1.19 1:23 pm**

صور القرية العالمية وامطار في دبي والشارقة؟؟؟؟؟؟؟؟

مرسل: **الجمعة 2007.1.19 11:03 pm**

~*¤ô§ô¤*~*¤ô§ô¤*~المشكلة انو في الدراسة في السودان تجي ينقصوك عشرة درجات ليه يعني انا داير اعرف السبب شنوا يا اخوانا قول مثلا لا قدر الله جبته 58 من 100 يعني ينقصوني عشرة درجات امشي وين يعني اعيد السنة؟؟؟؟؟؟؟؟؟؟؟؟؟؟؟؟؟؟؟؟؟؟~*¤ô§ô¤*~*¤ô§ô¤*~

مرسل: **الجمعة 2007.2.9 9:33 am**

ردي يمكن يزعلكم لكن حأقولو
بصراحة انا درست من أولى إبتدائية حتى إتخرجت من الجامعة في السودان وفي كل المراحل أبناء المغتربين والشهادات العربية في الترتيب الاخير( الطيش) يعني بلييييييييد. ماعارف لية؟.وحتي في الشارع العام بقية الاطفال يغشوه (يعني هو غبي) ويدقوه(يعني هو خواف) كل هذا في المراحل الاولية. اما في الجامعة هو الحنكوش ومصدر رزق طلاب الداخليات وسجاير من لايملكون حق السجاير وقد يعلموه التدخين.
وبعد ان إغتربت بنفسي وضح لي السبب وسأحكيه لكم.
انا أعمل بمستشفى في مدينة دبي.دخلت صباحاً كعادتي فأخبرتني زميلتي الهندية ان هنالك مريضا سودانياً. فسألتها بشغف أين هو؟ فأخبرتني برقم غرفته. فزهبت اليه.كان شاباً طويلاً في عمر22 عاماً حاولت ان أتحدث اليه وأخفف عنه ولشوقي الشديد للسودانيين أكثرت من الحديث وسألته من اي المناطق في السودان؟ وماذا يعمل هنا؟. للأسف كانت إجاباته إجابات طفل في عمر 6سنوات .وهو يتألم بشدة من الإبرة المغروسة في يده .وبعد قليل جاءت أمه وأخبرتني انه من مواليد الإمارات ولم يزور السودان مطلقاً فعرفت السبب وعذرته . إن كان قد لعب مع الاطفال هوي لبلب لكان قد عرف كيف يرد بسرعة وكيف يهرب من الأجابة ولو كان لعب شليل لما خاف من الليل مطلقاً وإذا تعرض لشوك (الكتر) لما أثرت فيه الإبر البلاستيكية وإذا إستعمل النبلة في صيد القماري لعرف كيف يقدر المسافة بينه وبين هدفه ولعرف الفرق بين طعم لحم الطير الذي يطهية الاطفال تحت الاشجار وال(جكن برياني).
ختاماً أبناء المغترين غلبيتهم يعيشون بين أربعة حوائط ويجيدون الالعاب الالكتروني الحديثة فقط وبصراحة أكاديمياً وثقافيا هم أقل ممن درس وترعرع في السودان لذلك لا أرى في خصم الدرجات الا عدلاً ولمصلحتهم . ما تزعلو مني ً

مرسل: **الأحد 2007.2.11 4:03 pm**

المشرف العام السلام عليكم لقمر السودان طبعا موضوع الشهادة الثانوية تعانى منها جميع الاخوة المغتربين اقول معاناة حقيقية بمعنى الكلمة من الناحية النفسية والمعنوية والمادية اولا كل الاخوة المغتربين لم يكلفو الدولة اى اعباء سواء مدرسين او مدارس بل يدفعو ضرائب دون الاستفادة من تلك الاموال التى يدفوعها للدولة حت عند حضورة للاستمتاع من وقت الاجازة اول شىء يفكر فية المطالبات الكثيرة من ضرائب وذكاء ورسوم اية المهم هناك امور كثيرة تمنع بعض المغتربين من الحضور الارض والوطن المهم فى الموضوع سالف الذكر نرجو من شئون المغتربين ايراعو اخوانهم فى الغربة وتقو اللة وان يعطو فرصة الابناءهم بمواصلة الدراسةالجامعية مادام لم يكلفو الدولة اى اعباة فقط فى الرحلة الاخيرة اخذو مبالغ رمزية ولاتقطعوا ظهورهم ودمتم

اخوكم SNGAM

مرسل: **الأربعاء 2007.3.21 5:43 pm**

الرد لي أخوي أسامة
بالله عليك الله دكتور شنو إنت ؟؟؟
نبلة وحليل وينو وكمبليت ونبلة تاني !!!!! في شنو يا أخوي
يا خي الرئيس بوش ده ما قاعد يهرش بلدنا دي كل يوم
وبلير ده ما عامل لينا بعبع وكاسر شوكتنا
والخواجات الدرست من كتبهم الطب ديل إنت فاكرهم لعبو حليل وينو
وإصطادوا بالنبلة ولا بوش ده إنت فاكرو فته !!!!!!
بالله أرحمنا وأرحم نفسك وما تجيب لينا كلام وتلصقوا لينا أنحنا القاعدين في السودان ده .
إنت إحتمال يكون عندك موضوع بتاع حقد لناس دبي الجيتهم حسع .

الفكرة يا دوك ما حقوا تلعب بالطين وتشيل نبله وتركب ركشة علشان تكون تفتيحة
وما حقوا تضرب زول بونية وتسف صعود علشان بعدين تبقى بلدك ليها هيبة
وبعدين لو إنت عملت كلو ده كان حقوا تكون كمساري بالقضارف

والله لو كانو دكاترتنا بيفكروا زيك فنحن نقول عليه العوض ومنو العوض

بالمناسبة أنا برضو بسف والسبب هو علشان أقدر أقرا وأستحمل فلسفة أفكاركم الغريبة دي
لأنو بالجد كده في كتييييييييييييييييييييير منك وبدون زعل
وعليك الله ما تشتغل بي كتير ولكن راجع نفسك وراجع فلسفتك والكلام لكل من يؤيد دكتور أسامة

وهنيا لذلك الأبن بخروج الإبره من إيدو وقريبا حيكون مديرك لأنو مواليد دبي

عذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذاب

مرسل: **الأربعاء 2007.3.21 11:22 pm**

السـلام عليكم
انا حقيقتن من السودان
واعاني من الغربه الذباحيه في السعوديه
بس الصراحه السعوديين ظريفين كثير
لقد اسعودوني كثيرن
بس الغربه صعبه جدا جدن
بارده جدا واحيانا مثل الحريق
ذبحتنا حبها وحرها واشواكها وغرامها

نحن سعداء جدا
في السعوديه السودانيه << يعني اغتراب :(

مرسل: **الخميس 2007.3.22 2:13 pm**

والله راجل يا علي الحلفاوي

مرسل: **الجمعة 2007.3.23 12:22 pm**

والله يا دلوعة لو أسامة أخوي قرأ تعليقك ده طوالي حيكسرني عديل كده
ويا دلوعة غيتو شكلك كده كنت ممغوصة من تعليق أسامة شديد لكن بالجد كده
ولد دبي ده برضو مش بيمقص وينشف الدم عليك الله يقعد يورينا في صور عرباتو
ومكان سكنو وكمان أرقام العربات بتاعتو وبيقول ما بيرجع لينا ولو إجازة

عذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذاب

مرسل: **الجمعة 2007.3.23 5:14 pm**

Ali al7alfawi كتب:الرد لي أخوي أسامة
بالله عليك الله دكتور شنو إنت ؟؟؟
نبلة وحليل وينو وكمبليت ونبلة تاني !!!!! في شنو يا أخوي
يا خي الرئيس بوش ده ما قاعد يهرش بلدنا دي كل يوم
وبلير ده ما عامل لينا بعبع وكاسر شوكتنا
والخواجات الدرست من كتبهم الطب ديل إنت فاكرهم لعبو حليل وينو
وإصطادوا بالنبلة ولا بوش ده إنت فاكرو فته !!!!!!
بالله أرحمنا وأرحم نفسك وما تجيب لينا كلام وتلصقوا لينا أنحنا القاعدين في السودان ده .
إنت إحتمال يكون عندك موضوع بتاع حقد لناس دبي الجيتهم حسع .

الفكرة يا دوك ما حقوا تلعب بالطين وتشيل نبله وتركب ركشة علشان تكون تفتيحة
وما حقوا تضرب زول بونية وتسف صعود علشان بعدين تبقى بلدك ليها هيبة
وبعدين لو إنت عملت كلو ده كان حقوا تكون كمساري بالقضارف

والله لو كانو دكاترتنا بيفكروا زيك فنحن نقول عليه العوض ومنو العوض

بالمناسبة أنا برضو بسف والسبب هو علشان أقدر أقرا وأستحمل فلسفة أفكاركم الغريبة دي
لأنو بالجد كده في كتييييييييييييييييييييير منك وبدون زعل
وعليك الله ما تشتغل بي كتير ولكن راجع نفسك وراجع فلسفتك والكلام لكل من يؤيد دكتور أسامة

وهنيا لذلك الأبن بخروج الإبره من إيدو وقريبا حيكون مديرك لأنو مواليد دبي

عذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذذاب

علي الحلفاوي هرشتني عديييييييييييييييييييل كدا
مابراحة علينا
انا عارف الحلفاوين مابيعرفوا يجاملوا بختوها ليك في وشك كان ترضا ولا كان تزعل
وكمان لقيت ليك زول مساند . كويس يا دلوعة الإمارات
وانا مافي زول معاي ولا كلكم مغتربين وأولاد مغتربين؟؟

مرسل: **الأحد 2007.3.25 2:07 pm**

غيتو دلوعة الإمارات دي مغتربة لكن أخوك علي الحلفاوي عايز ليو فيزا وعايز المخارجة ولا مانع لديه من ترك النبلة ولحم الطير والصعود من أجل الإستمتاع بمستشفيات دبي أو هنود أبوظبي أو خيول الدوحة ولا مانع لدي من تعلم إشلونكم وإشلونهم وإشلونا
والقصد يا دوك ما كان هرشة بل كان تعليق على موضوع إنت قلت بيزعل وبالجد زعلني مع إني ما مغترب لكن بحبهم لله في لله وإنت برضو حبيتك لما كتبت إنك شغال في مستشفى دبي بي شحمو ولحمو وبتكون ممتع نظرك بالحلوين وأنا أحلف ليك إنو غفير المستشفي زاتو بيكون بفتح النفس
ونقول الأداكم بالحلة يديني بالمعلقة
ولك حبي يا بن لادن

منتدى أنا سوداني

مغتربين جوا وبرا؟؟؟؟؟!!!!!!!!

مغتربين جوا وبرا؟؟؟؟؟!!!!!!!!

رد: مغتربين جوا وبرا؟؟؟؟؟!!!!!!!!

رد: مغتربين جوا وبرا؟؟؟؟؟!!!!!!!!

رد: مغتربين جوا وبرا؟؟؟؟؟!!!!!!!!

رد: مغتربين جوا وبرا؟؟؟؟؟!!!!!!!!

رد: مغتربين جوا وبرا؟؟؟؟؟!!!!!!!!

رد: مغتربين جوا وبرا؟؟؟؟؟!!!!!!!!

رد: مغتربين جوا وبرا؟؟؟؟؟!!!!!!!!

رد: مغتربين جوا وبرا؟؟؟؟؟!!!!!!!!

رد: مغتربين جوا وبرا؟؟؟؟؟!!!!!!!!

رد: مغتربين جوا وبرا؟؟؟؟؟!!!!!!!!

رد: مغتربين جوا وبرا؟؟؟؟؟!!!!!!!!

رد: مغتربين جوا وبرا؟؟؟؟؟!!!!!!!!

رد: مغتربين جوا وبرا؟؟؟؟؟!!!!!!!!

رد: مغتربين جوا وبرا؟؟؟؟؟!!!!!!!!

رد: مغتربين جوا وبرا؟؟؟؟؟!!!!!!!!

رد: مغتربين جوا وبرا؟؟؟؟؟!!!!!!!!

رد: مغتربين جوا وبرا؟؟؟؟؟!!!!!!!!

رد: مغتربين جوا وبرا؟؟؟؟؟!!!!!!!!

رد: مغتربين جوا وبرا؟؟؟؟؟!!!!!!!!