منتدى أنا سوداني

رزان كتب:

يسلم فمك وايديك جبت التايهة
+
طبعا ابشع قرار اتخذ فى تاريخ البشرية السودانية هوا تعريب التعليم
بالله عليكم ياناس جامعة طول وعرض والناس فيها بياخدو كل علومون فيها بالعربى

عايزنها تنافس كيف هو زاتو كتر خيرون انهم دفشوها وختوها ليكم ضمن التصنيف العالمى ده

اتخيلو خريج جامعة الخرطوم لايفقه من الغة الانجليزية شيئا وخريج الجامعات التانيه ناس زعيط ومعيط
كمان ديلك راقدين سلطه..اللغة الانجليزية اليوم مفتاح زر المنافسة العالمية وللاسف نحن لانمتلك هذا

الزر او الاداة بسبب تدمير حكومة الانقاذ للتعليم بقرارات عشوائية ودونية ولاترتقى للتطور وزيادة المعرفة باى صلة بل زادة الشعب السودانى جهلا علا جهل..حديكم مقارنة بسيطه اعملو مقارنة بين خريج اى جامعة سودانية قبل حكومة الانقاذ شوفو مستواه الاكديمى بيكون عااالى والثقافة عندو غير محدودة وبيتغن اللغة الانجليزية خير اتغان وفيهم ناس بيتكلمو لغات اخرى دا غير ان فالوكت داك الحكومات كانت دااعمة التعليم والطالب ماعليهو الا يركز فى تحصيلو واستزكارو يعنى موفرين ليهو السكن الجامعى والترحيل والبعثات التعليمية للدول الغربية المتقدمة واساتذة على اعلى مستوى وكمان فوق ده بتصرف عليهو.. الحاجات دى كلها ختو تحتها مية خط احمر

يلا تعالو نشوف حال الطالب الجامعى فى فترة حكومة الانقاذ اولا مغلوب علا امرو بيطبقو فيهو نظريات من ماهو فالروضة مره يقولو يدخلو من 7سنين ومره يقولو المادخل من 6سنين مابنقبلو سيبكم من لعب شفع الروضة ده كدى اكبرو وخشو المدرسة هنااك تشوف اللعب علا اصولو يشيلو ويغيرو فالمقررات كل سنة

دا غير الحزف والمواد الاضافية البدخلوها للشفع ديل لحدى مابقو مكنت تفريغ يشحنوهم شحن جد ويفضو فالامتحانات دا غير ان الطالب بخش المرحلة الثانوية وهوا غير مكتمل النضج والفكر العقلى السليم

يمشى هنااك يخلعو بال21 مادة يفقد المنطق كلو كلو وطبعا دا كلو والجماعة مسطحين فى للغة العالم اللغة الانجليزية . هااوبهنى بهنا يلقو روحم خموهم ودوهم الجامعة وقاعدين يبرطعو فساحاتا اها مستنين شنو ياخوانا من جامعات بيجوها ناس غير مؤسسين من الاساس فحتنافسو كيف بلاهى عليكم

اعيدو النظر فتعليمكم اما هنتى ياسودان زمان كان الطالب السودانى فكل مكان فالعالم بيشيرو ليه بالنبوغ والبلاغة وحسن المعرفة وكان الطالب الجامعى السودانى او السودانيين اكثر العرب معرفة واجادة للغة الانجليزية وبغية الامة العربية كانو فى ثبات جهل عميق

تعالو الليلة شوفو المصرين شفعون بيتكلمو 3 لغات طبعا الانجليزية اللغة الاساسية عندهم الله يازمن مش ديل الكنا بنتريق عليهم فاللغة الانجليزية>> فيس مستغرب بيقول اوماال هون حيقعدو يتفرجو عليكم

ولا تعالو شوفو الخليجين الكانو مثال للغباء اليله هم مثال للتكنلوجيا والانفتاح العلمى فجامعاتهم
>> فيس متحسر بيقول اها واحنا وضعنا شنو من الاعراب بعد مالناس فاتونا بسنين ضوئية