ضحايا ( رعايا بلا سفارة ) المغتربين
مرسل: السبت 2010.4.24 4:58 pm
كلمة مغترب كانت لها شنه ورنه وللاسف ياحليل زمان.
اسمحوا لى ان انتكلم عن المغترب شويه فى هذا المنتدى الذى يوجد فية الكثير من المغتربين
لكل انسان طموح واحلام ونجد المغترب خرج من البلد حتى يحسن اوضاعه ولكن ........
هنالك مشاكل تواجه المغترب فى بعدو عن الوطن منها الاجتماعيه والنفسيه والماديه ولكل النواحى التى يتهم بها المغترب .
وهذه المشاكل لاتجد حل من قبل الحكومه المصغرة (السفارة)لا اهتمام بالمواطن السودانى ولا بتعليمه ولا بثقافه نجد ان السفارة عبارة عن مكتب لسند القبض من المواطنين الغلابه الذين تركوا اولادهم واخواتهم وامهاتهم لكسب عيش افضل.
هنالك بعض الاسئلة لابد الاجابه عليها من قبل السفارة او اى مواطن صالح يعرف السودان واهل السودان .
1-اين السفارة من المواطن السودانى الذى يقيم خارج بلده؟
2-اين مدارس لتعليم الابناء خارج الوطن؟
3-اين الثقافه السودانيه التى نعلم بها ابنائنا؟
4-اين السودانى المميز الذى يعرفه الخليجين؟
5-اين السفارة من المسائل القانونية والاخلاقيةالتى شوهت سمعه السودان؟
كل سودانى يحب السودان عليه الرد.