منتدى أنا سوداني

نهر المحبه كتب:

أنا شايل أفراحي وبجيك...
يالفي الخاطر دوم مشتهيك...
جاييك شان نبدأ من جديد..
ونعيش أيامنا كل يوم عيد..
بطراك ياحبيب وانت بعيد...
بطراك وأتمنى انك في بعدك تكون سعيد...
بطراك يازولي البريد..
وبدعي ليك رب العبيد..
بدعي ليك ربي يجازيك..
على الزرعته في قلب البريد..
ومهما يكتب الزمان إنك تكون مني بعيد..
واحد مننا في المدينه والتاني في الصعيد..
حأشيل أفراحي وبهجتي وبجيك..
وأملى عليك دنيتك فرح وزغاريد

..



دي تاني محاوله لي وتاني شخبطه في عالم الشعر..
في انتظار ارائكم واقتراحاتكم

اركمانيه كتب:جميللللللللل جددددددا
وفي انتظار المزيد
واصلي يا نهر المحبه
كتاباتك ذات طعم مميز
تسلمي.

weliz كتب:كلام جميل جدا وفي انتظار الجديد يا نهر المحبه
وربنا يزيدك دائما..........

مها كتب:الغاليه نهر المحبه ...
كلماتك جميله واحساسك مرهف
ودائما ما تدهشينى بعمق احساسك
واصلى عزيزتى
اتمنى ان ارى دواوينك قريبا ياذن الله
لك ودى

حبوبة كتب:نهرنا .. صباح الورد والياسمين

كلماتك مرهفة واسلوبك متفرد في الكتابة ..

قبل ما تعتبيها المسودة الأخيرة أقري كلماتك ع نفسك بصوت عالي
لأنو الإيقاع ما بنضبط إلا ع السمع .. أوزنيها ع سمعك وهي ح تظبط بإذن الله

عندك كتابات في حاء وباء إيقاعها ظبط (معاي) أكتر من هنا ..

إياك توقفي الكتابة فالقلم يصدأ .. وفي انتظارك يا محبة .. بشويش علينا وحبة حبة ..

أرجو اني ما أكون ضايقتك ... واعفي لي