منتدى أنا سوداني

أنا أكبر غلطة كانت حبي ليك
من أول مرة أنا شفتها فيك
بهرني جمالك وسحر عينيك
وأكبر غلطة إني ما سألت عليك
جات الصدمة وكانت قاسية علي كتير
هدمت أحلامي وجرحت قلبي الكان بخفق ليك
رحلت بعيد عشان أنس ظلمك لي وبرضو خيالك مطاردني محل ما مشيت
يذكرني الماضي وينبش ألامي الكنت قايل ليها نسيت
وجاية اللية تقولي أرجع ليك
أرحلي وسيبيني أعيش لحظة سعادة بعد ضياع عمري بين إيديك
أنا أكبر غلطة كانت حبي ليك
أنا أكبر غلطة كانت حبي ليك



هذه لـ عمر الأمين عبدالقادر
يعمل بإتصالات
وهذا للعلم
أتمني أن تنال إعجابكم
وخصوصا ذوي القلوب الجريحة
مع تمنياتي لها بعاجل الشفاء
أرجوا منكم وضع رد!!

جميله جدااااااا وعايزه انسان يكون عاش نفس القصه

ابيات جميلة ومؤثرة مع انها حزينة جدا
وتوجع للول قلبه
الله يعين عمر وكل الزي عمر يارب
مشكوووور ايها القائد

غلطة كانت غرامى ليك
واااااا خسارة دموعى فيك


مجرد غلطة وياريت تتصلح

شكرا على مروركم الجميل كلكم

لأنو بصراحة حبيت أشوف إيه شعور أي واحد لما يقرائها إيكون شعوره شنو؟

وبضيف :

في غلط بيتصلح وغلط مابتصلح..................

بس أقول لك دافنشي كود:

الدنيا ما بتقيف عند إنسان واحد

ولازم نعشها إلى الأجل الذي كتبه الله لنا

وشكرا لكم

f

ممكن توريني السبب ؟!!
أنا بعرف القسمة ونصيب
وآمنت بالقضا والقدر
يصلك يجيك بلا تعب
وعارف إرادة ربنا
هي الباقية لو طرت السما
ولا احتميت تحت الترب
آمنت تب ...
بس داير أطرح لك سؤال
ممكن تقول لي كيف قدر
قلبك يطاوعك وتنسحب
براحة من غير ما أحس
ترميني في نص الدرب
وبى كل بساطة تقولا لي :
بّطل خلاص .. ما داير نحب ؟!!
بالغت يا الكلك نظر ....
بالغت يا القلبي اصطفاك
حباك ومن دون البشر
أهداك عصارة ريدو ليك
وبادلتو بي نفس القدر
والليلة بتسيبو وتفوت ؟
لا سبة لا قول لا عزر ؟
دايرني بعدك شن أقول
يا الله لزمني الصبر ؟!!
ما الصبر مرحلة أصبحت
لا بتجدي لا قاعد تضر ..
ما شفت حالتي أنا بي وراك
والله ما الحالة التسر
أحكيلك الحاصل على ؟!!!
أحكيلك الحاصل على
رغم إنو ما غابيك خبر
أحكيلك الشقا والعذاب
أحكيلك النار والجمر
ما شان تحن ترجع تعود
ما شان تعود ... ما إنت حُر..
شان تطرا قلباً ليك حب
إتذكر الريد الصعب
إتذكر العشق الزمان
جبناهُ بي قطع القلب
وأتذكر الحب والحنان
الكنت كابّيو ليك كب
ما كنت قايل يوم يطل
يلقانا كل زول في درب
هو أنا عندي من غيرك درب ؟؟
يا ربي بس إيه الحصل ؟
يا ربي هل أنا زول كعب
الشي البعرفو أنا ما كعب
أنا كان بشيل الليل بكا
وألقاك ولسع بنتحب
تسألني مالك أقول فراق
عينيك أمس كان لي صعب
ما بقدر أستحمل بعادك
ثانية لمن تحتجب
برضك تخليني وتفوت ؟
كونك تخليني وتفوت
خليتني فوق نيران لهب
لكن سكاتك ياجميل
هو القاعد يزيد النار حطب
أنا ما بغصبك يا ملاك
عشان توريني السبب
أنا كنت بس داير أقول
إنو البعاد بالجد صعب
ولو درت ترجع لي تعود
أنا صدري أرحب من رحب
ولو كان دا ليك آخر قرار
أرحل أمش وأنا لي رب !!

أشكركم جزيل الشكر على تفاعلكم مع الموضوع

وأتمنى أن أرى مزيداً من إبداعاتكم

شكرً على الكلام الحلو ومر وشايفة تفاعل من ذوي القلوب الجريحة

إبنة النيل كتب:شكرً على الكلام الحلو ومر وشايفة تفاعل من ذوي القلوب الجريحة

المعاناة تولد الأبداع

مشكورين جدا جدا

ممكن إبداعات جديد

للقلوب الجريحة والغير جريحة

وريني ليها
ماحخليا
ديمني دي
حا أشاكلها ليك
كلم عمر قول لي يشتغل في مرنجان ما دام
الخرطوم جابت كدي
أكيد عرفتني