منتدى أنا سوداني

نهر المحبه كتب:

خطوه جميله منك انك تعتزر اخي بلبل
بس ياريت لو الجميع تكون صدورهم واسعه مافي داعي للضيق
ان شاء الله الناس الزمان كلهم يرجعو
وترجع الراكوبه زي ماكانت
وترجع الايام الجميله
ومافي زعل لانه الواحد فينا بيدخل عشان يوسع صدره لمن يدخل ويلقى الناس صدورها ضايقه بيتخارج طوالي
وان شاء الله تاني مافي شي

بلبل2 كتب:

السلام عليكم ورحمة الله تعالى وبركاتة

اخوتى اعضاء منتدانا الغالى انا سودانى
هذا توضيح واعتزار فى نفس الوقت لجميع الاعضاء عن بوست شباب جدة
كما تعلمون جميعا نحنا والحمد لله كلنا اخوة ويعم بيننا الاخاء والصداقة
والحب والود والاحترام والتقدير
عنى وعن جميع الاعضاء اللذين زكرت اسمائهم فى البوست

الاخ الغالى السودانى الاصيل
الاخ الغالى جراح
الاخ الغالى ود الذوحى
الاخ الغالى فارماس
الاخ الغالى احميدى
الاخ الغلى حبيب الناس
الاخ الغالى هندسسسسسسسة

[motr1]توضيح للجميع ..[/motr1]

نحنا نزلنا البوست ده وكان الهدف منو الونسة والهظار فقط لا غير
والبوست ده لا يختلف عن البوستات السابقة الكنا بنعملها وبنشارك فيها

بوستات الجمعيتين للاخ قرفان ديمة وايناس محمد والسودانى الاصيل
والبوست بتاع ود الزوحى وهنايييييييييييييية ..
وايضا بوست تكل الجرسة للنجم وايا وافتكر البوست ده قريب منو شديد

السبب الخلانا ننزل البوست ده غياب نجوم امثال ود ابعوف و وايـــــــــا وهوومى
والكثير الكثير من النجوم وقصدنا ونسه ونلم الشمل ذى زمان وبس
لكن للاسف الناس فهمو البوست قلط وافتكرو اننا عامليل البوست ده لغرض تانى
وافكارهم مشت لبعيد جدا وكبــــــــــــــرو لينا الموضوع.
انا ما عاوز اطول واتكلم كتير وافتكر الجميع بعرف
ادهـــــــــم وبعرفو فارمـــــــــاس وبعرفو ود الزوحـــــــــى وبعرف احمــــــــــيدى .........الخ
ونحنا كلنا اخوووووووووووووووان وبنحب بعض جدا جدا وبيناتنا عشرة طويلة

وبنعتز للعضو رءوف والعضوة رغودة
وبنقول ليهم والله اسفين جدا جدا على الهظار وان شاء الله ما حتتكرر الحركه دى

خالص
ودى وحبى واحترامى وتقديرى
للجميع

ادهم كتب:

السلام عليكم ورحمة الله


الاخوان والاخوات الكرام
انا ايضآ بدورى اعتزر لكم وارجو ان تتقبلو اعتزارى
قد نكون تعدينا خطوط حمرا لم نعتقد ان لها وجدو بيننا ولاكن للاسف يوجد مليون خط
كثيرآ ماكنا نتمنى ان تكون لنا صداقات تحمل معانى كثيره اخوة بمعنى صادق
ولاكن للاسف تتكرر نفس المشاهد
ع العموم اخوتى اعتزر لكم مرة اخرى
واوعدكم بعدم كتابه اى اسم عضو او عضوة فى اى مشاركه لى

تحياتى ليكم جميعآ

أبو صديق كتب:

بداية أهنئ نفسي بأنني تعرفت علي شباب أمثالكم وفي عمر أبنائي (( ما تفرح كتييير )) ولم اري قط
حرف تجريح في كتاباتهم وإنما كان قصدهم رسم بسمه صافية وخلق روح الدُعابه وحقيقة تهللت أساريري
لهذا البوست الفرايحي بيد أن سؤ الفهم الذي ساد عكر صفو اللحظات الممتعة بين مجادعات جدة ودبي ولكن
طالما أوضح كل منكم وجهة نظره ومقصده وتوج الأخ الحبيب بلبل2 والغالي أدهومي حديثهما باعتذار لكل من اساء الفهم أو الظنّ بهما وحلّقت لغة المحبة في سماء البوست ترفل في محراب الأخوة والصداقة، فما علينا إلا أن نمد الإيد ونتسالم وعفي الله عمّا سلف والعفو والصفح من شيم الأكارم والإعتذار شجاعة وإقدام
فهنيئا لنا بمعرفتكم ولنرفع شعار (( خوة بلا حدود ))

ادهم كتب:

عارف اكتر شى عجبنى (فى عمر ابنائى) لا بجد دى خطيره

طب نتكلم بجديه شويه
اول حاجه يابو صديق احنا فى غربه وامكن انتو اغلبكم عايش بره السودان
شوقنا للونسه السودانيه بتخلينا نتكب مواضيع من مافى ونلم فيها الحبايب
والله العظيم انا بعد مادخلت المنتدى بطلت اطلع من البيت لانى لقيت الشى الناقصنى
لقيت اخون واخوات لقيت موده وحب بين الناس واحترام متبادل
شفت الشهامه والرجوله فى كتير من الاعضاء وقوفهم مع بعض وقت الضيق
حبيناهم فى الله

طب بعد حبنا ده كلو للناس دى نلاقى منهم صد وهجوم بطريقه دى
ع العموم يابوصديق لا انا ولا بلبل عندنا اى عداوة مع اى عضو
والناس دى فامه غلط ماكتر

انا بشكرك كتير
والله احنا لينا الشرف يابو صديق نكون قربين منك

أبو صديق كتب:

والله والشهادة لله لو إنت أوبلبل أو الحبيب رؤف ولأ بنتي رغوودة كلكم الناس بتعرفكم
بخفة دمكم وروح الفُكاهه وردودكم المميزة(( البننتظره بشوووق )) وكتييير من الإخوة وبنياتيييي البعرفوكم عن قرب
ما حا إقولو غير كدا ، بس يا حبيب الدنيا مشغوليات والناس ظروف و الواحد ما طول الوقت بكوون
بمزاج رائق ، عشان كدا لازم نقدر ونختلق الأعذار لحبايبنا وفي الآخر الشغلانية ونسة وهظار ودّعابة
ولو شخص تضايق أو لم يقبل ممكن بكل بساطة إنبه صاحبو بكلمتين في الخاص ويادار ما دخلك شـــر.

وفي الآخر ما يصح إلا الصحيح

عاشقة النيل كتب:الله ياعمو كلامك كلو حكم ....

يلأ عمو عمو
يا بتي نحن قاعدين نهدي في النفوس
وإنتي شغاله لي عمو عمو

عشوقة التوقيع البفتح النفس ده غيرو لينا
كل ما أشوف توقيعك أمشي المطبخ هههههاي

أبو صديق كتب:

يلأ عمو عمو
يا بتي نحن قاعدين نهدي في النفوس
وإنتي شغاله لي عمو عمو

عشوقة التوقيع البفتح النفس ده غيرو لينا
كل ما أشوف توقيعك أمشي المطبخ هههههاي

هههههه شنو ياعمو دا من احترامي وتقديري ليك...طيب دايرني اقول ليك شنو ؟؟خالو؟؟ ؟

نبع الاحساس كتب:

بلبل وادهم ومجموع العقد الفريد
سلام
في البدايه اعذرونى لتدخلي ولكن يعلم الله انى احبكم في الله
البوست لوكان القصد منه الهظار انتوا مشيتوا فيه بعيد شويه
يعنى سير العلاقات ماليها لازمه وفى الفاظ برضو ما حلوه
حتى الهظار ليه حدود فصارحه انتوا زودتها شويه لاحظوا انه
معاكم اخواتكم بيحبوكم وبيحترموكم كتير فى كلام ما بيصح يتقال
فى وجودهم وعموما برضوا انتوا اعتذرتوا ودى بادره جميله جدا
منكم مافيها شى الناس لازم تهظر وتضحك بس فى حدود المعقول
وياريت كلامى ما يتفهم غلط ما قصدته منه الا التوضيح وانى احب
اسمع واشوف ليكم كل خير وماتقولوا دى جات من وين جيت عشان
بحبكم واحبكم دائما تكونوا دائما محبوبين سامحونى لتدخلى ولكم حبى وتقديرى

عاشقة النيل كتب:هههههه شنو ياعمو دا من احترامي وتقديري ليك...طيب دايرني اقول ليك شنو ؟؟خالو؟؟ ؟

لو خالو صحيح ابعتيلي توقيعك الحلو ده
تشكري علي رقة إحساسك ياذوق..
بث ما إقومو إقولو علينا بنكسر تلج وجليد و. و ههههههههاي

أبو صديق كتب:[overline]

لو خالو صحيح ابعتيلي توقيعك الحلو ده thumbup.gif
تشكري علي رقة إحساسك ياذوق..
بث ما إقومو إقولو علينا بنكسر تلج وجليد و. و ههههههههاي

[/overline]

اوكي خالو من عيوني ...
يعني انت حسي عجبك اسم خالو من عمو؟ ؟؟؟

عاشقة النيل كتب:اوكي خالو من عيوني ...
يعني انت حسي عجبك اسم خالو من عمو؟ ؟؟؟

إسلمو عيونك
الخال حنّين وأنا عندي بنات أخواتي ماشاء الله في عمرك تقريبا وأكبر شويتين
لكن كلو ماشي عمو خالو
والبوست الحلو ده لحق أمّات طه
معليش يابلبل2 حبيب الكل خربنا الرصه

ادهم كتب:

مشكوره الاخت الكريمه
ونتقبل منك الرأى
ولو سمحتى لى بكلمة
كثيرأ مايدحث مزح من قبل الاعضاء معنا وكنا نتقبل بصدر رحب برغم رفع الحدود
فلماذا الان ينقلب الامر علينا اوليس الذى كانت امزح معه بالامس هو نفسه اليوم
هل كل واحد منا له مشكله فى حياته الواقعيه يجب ان نتحملها نحن بكلمات جارحه منه
لا والله ياختى الكريمه فهم الامور من قبل بعض الناس جعلتنا نضع حدود فيمابيننا
ويجب من الان ان يعرف الجميع كل كلمه تكتب محسوبه عليه
اشكرك على كلماتك الطيبه