منتدى أنا سوداني

مرسل: **الجمعة 2010.3.12 8:34 pm**

انت وسام امل السودان وحلم الاستقرار والامان وبي اذن الله ستجلس علي كرسي الحكم وتجعل السودان واحد

واعلم يا صادق المهدي ان اجيال السودان معك والمشايخ

مرسل: **الجمعة 2010.3.12 8:48 pm**

نداوي كتب:انت وسام امل السودان وحلم الاستقرار والامان وبي اذن الله ستجلس علي كرسي الحكم وتجعل السودان واحد

واعلم يا صادق المهدي ان اجيال السودان معك والمشايخ

الاخت نداوي لكي التحية

الحمد لله ربنا اداني عمر طويل وعايشت 4 حكومات مرت على السودان والصادق المهدي كان حاكم البلد قبل كدا.

سؤالي لكي.... ماذا قدم الصادق المهدي حتى نديهو اصواتنا او حتى نبارك له اجيبيني من فضلك

مرسل: **السبت 2010.3.13 2:27 am**

الاخت نداوي لك التحيه ... اقولها وبصراحه انو هزا الصادق اسؤ رئيس مره علي السودان ... واين نحن الان من زمنه .. في نعمه والحمد لله .. . وللحقيقه والتاريخ انو في زمن حكمه كان هزا الشعب مثل مساجين قونتينامو ........ولكل انسان وجهة نظر
ولولا اختلاف الاراء لبارت السلع
مره اخري لك التحيه

مرسل: **السبت 2010.3.13 10:11 am**

لا تعليق لا تعليق لا تعليق ،،،،،،،،،،،،،،،،،،،،،،،،،،،،

مرسل: **السبت 2010.3.13 8:05 pm**

[quote="نداوي"]انت وسام امل السودان وحلم الاستقرار والامان وبي اذن الله ستجلس علي كرسي الحكم وتجعل السودان واحد

واعلم يا صادق المهدي ان اجيال السودان معك والمشايخ[/quote]

بصراحة وجهة نظرى ان الصادق المهدى من المستحيل ان يجلس على كرسى الحكم ذى مابتقولى هو اللرئيس الوحيد الذى ليس له علاقة بالسياسة الصادق المهدى عاوز يعيش زمن المهدية والامبراطورية والمفروض يعيشها فى كتاب التاريخ بدل الحلم الهو فيهو دة
بصرااااااااااااااااااااااااااااااااااااااااااحة ياندوية دى وجهة نظرى

مرسل: **السبت 2010.3.13 8:46 pm**

بصراحه
مع احترامي لشخص الصادق المهدي ولوجهة نظرك اختي ندى
ومع اني من منطقة المهديه والانصار(الجزيره أبا)
ولكني بالفعل لا ارى ان السيد صادق المهدي هو رئيسا مناسبا للسودان
لا يوجد لدي اي توجهات سياسيه
ولكن الشعب عادة يبحث عن الذي يحقق له اماله وطموحاته
الصادق المهدي ذو لسان ومنطق
ولكن في فترة حكمه لم يظهر شيء مميز يخوله بان ينتخب للمره الاخرى

مرسل: **السبت 2010.3.13 9:15 pm**

محمد نعيم كتب:
الاخت نداوي لكي التحية

الحمد لله ربنا اداني عمر طويل وعايشت 4 حكومات مرت على السودان والصادق المهدي كان حاكم البلد قبل كدا.

سؤالي لكي.... ماذا قدم الصادق المهدي حتى نديهو اصواتنا او حتى نبارك له اجيبيني من فضلك

قام بعمل واحد , هو زيادة عدد البراين والثرثارين , كان يبيع الكلام , وكلنا بمنعرف كيف خلف
ابوه وزور الدستور علشان عمر كان قصير , وحكومة الاحزاب التى كان رئيسها , عملت
شنوا ..., زادت الطين بلة ,...............

مرسل: **السبت 2010.3.13 9:36 pm**

[size=5]هذا الموضوع انا لم اكتبة لي يكون بيننا اى نقاش والذى يريد ان يصوت لي اي شخص مرشح نفسة واجب علية ان يبحث عن معلومات اجابية ونبعد عن السلبيات وانا ليس موظف اعلانات لي اقنع الشعب لي التصويت لي اى مرشح
وايضا اذا نريد ان نتكلم من فعل ومن لم يفعل لي السودان والان من الواقع
1هل تم حل مشاكل الجنوب
2 هل تم حل مشاكل الغرب
3 هل تم حل مشاكل المغتربين
4 هل تم حل الدعوة المحكمة الجنائة لي محاكمت البشير
5 اين كانت حكومت البشير عندما دخل المتمريدين لي ام درمان
6هل تم حل مشاكل المياة التى تسبب امراض الكلي
7هل تم تصليح المدارس
8 هل تم حل مشاكل الفقر ورفع الاسعار
9 كيف وانت سوداني تذهب لي السودان وتئتى بي عاملة منزل جنبية وهيا من اصل سودانى اين كرامتك
10 هل تم حكم السودان من قبل حاكم يحب السودان وينمى السودان كلها
واكبر دلليل هل يوجد في سواكن باكملها كهربة ومياة شرب

بجد انت بتكلمة كيف وسودان اكثر من نضفها بتعانى من الظلم قبل ماتفكرة فكرة في مصير الجنوب التى تريد الفصل وفي الطريق اتية الغرب
وانا غرباوية[/size]

مرسل: **السبت 2010.3.13 11:31 pm**

يانداوي ويابنوتة عسل ما لك ومال السياسة ووجع القلب؟؟؟ مش استار اكاديمي احسن

وعموما رايي ومن غير زعل المؤمن لايُلدغ من جحر مرتين ....واحمدى اللة انك من جيل الانقاذ يعني سد مروى....البترول...ثورة التعليم...السلام...طرق وجسور ...الفضائيات.ووووو ....وعولمة التواصل بيننا ..ومعزورة لانك ماشهدتى الطوابير ونداءءءءالسودان ولبن الاغاثة ومشاكل التمرد في الجنوب والغرب لمن كان البسطاءبيتداوو بحفنة تراب اثر قدم الاسياد...ولو أقر الجميع بالحقايق اولا وبعدين ذكرو السلبيات لاكتملت الصورة وكنا قلنا عفي اللة عما سلف ..لكن سياسة هلال مريخ الضيعت القومي دي المشكلة!!!! واخيرا لو اختار الشعب الصادق اوحتى عرمان اكيد حنبارك

بس ياريت يكملو ما بداهو البشير ..وما يبقي نشيدنا القومي..لوحتى نبدى من الصفر الريدة لازم تستمر

...ويسلمووووو

مرسل: **السبت 2010.3.13 11:44 pm**

لا خير في هذا ولا خير في ذاك

كل من مر علي كرسي الزعامة وكل من يمر لا فائدة منهم

وهذه طبيعة شعب تنفس التراب بما يحمل من تلوثات

ولا يمكن تغييرها مهما تجددت الظروف او ساءت الاوضاع

والصادق المهدي ليس لدية الكفائة علي ادارة مدرسة وما بالك بحكم

شعب يقطن المليون ميل مربع كما ذكروا الاخوة من قبلي هو كان حاكم

فماذا حدث في عهدة ؟؟

والاسئلة كثيرة ولاكن لاجدوي منها ولا نفع وفي الاول والاخير فما نحن الا كلاب ضالة

تبحث عن عظم ناشف لتصبر به صغارها لحين صيد الغزلان

مرسل: **الأحد 2010.3.14 12:33 am**

دي الحالة

نداوي بنت عمرها 17 سنة من غرب السودان ولدت في زمن الانقاز
لكنها من خارج الوطن سمعت ورات اهلها يشردون في المعسكرات
وسمعت الحروب والدمار والاغتصاب والتهب والتطهير العرقي
لكنها لم تتبين هل هذا حقيقي ام مؤامرة تحاك ضد الوطن
لماذا لا نتشاور ونرجع الى العقل نحن الشباب
ناتي بالذي لم يستطع عليه ساستنا الكبار
لماذا لا نجعل النقد بداية للطريق الوطني الذي يسع الجميع ونحاول التغيير للاحسن
نحن ابناء وطن واجد لماذا لا نعتبره مثل بيتنا الكبير
ونسعى كلنا للم الشمل والمعايشة بروح الوطن الواحد
حتى لا نترك هذا الوطن الجريح مثل الجيفة تتخطفه صقور الاستعمار والصهيوينة
لماذا دائما الحساسيات هي سيد الموقف في كتاباتنا وفي نقاشاتنا الشفهية
لماذا .. نسخر من بعضنا البعض ...

ياريت كلنا اي واحد يصوت للدايرو وياريت البفوز يعمل من اجل مصلحة الوطن وليس مصلحة البطن

نداوي تحب الصادق واخرون لايرون انه الشخص المتاسب وفارماس لا يرى خيرا في كل ودي وجهة نظر زول صريح وواضح
اقول ليكم شيء
دعونا نحب الوطن ولا ننظر الى الجنس ولا القبيلة ولا اللون لان هذه الاشياء هي التي ولدت الاحقاد والكراهية وهذا ما نجح فيه المستعمر حتى يشغلنا في انفسنا بدل الانشغال بالتنمية والتطور

وفي الآخر قولو آمين

اللهم ولي فينا من يخافك ويتقيك ويكون قويا امينا على هذا الوطن وارضنا بما كتبت لنا
اللهم وحد كلمتنا واعلى هامة بلدنا واجعلنا اخوة متحابين
اللهم ابعد عنا وعن وطننا الفتن والمحن والدسائس
اللهم طهر البد هذا من الفساد والمحسوبيات وحب النفس

آآآآآآآآآآآآميييييييين

ويا مصطفى التهامي ود الزوحي زي اخوك الكبير منداوي زي اختك الصغيرة مافي داعي نزعل ونسيء لبعضنا خاصة اخوتنا الكبار يجب ان نحترمهم
ويا فارماس سيب التشاؤم وانر الى الكوب في نصفه الممتليء
ويا نداوي الشغل كان للاجنبي برة بلدو او لي ود البلد او بتو في بلدو برضو ما عيب
في النهاية دا اكل عيش
واحنا كلنا شغالين في مصالح ناس يعني شغالين تحت ناس
وبرضو في السعودية شغالين تحت الكقيل ودا ما زل دا اكل العيش داير كدا
ويا نداوي ما تزعلي وخلي الامور لله

وزي ما قت ليك ملك الورد وام اياد السياسة بتعمل وجع القلب احسن نبعد منها ومن ناسا
انتي في عمر الزهور عمر الهنا 17 سنة برضو بحي فيك روح حب الوطن وتمني الفوز للشخص الذي ترينه مناسبا لنا جميعا
والله المستعان

مرسل: **الأحد 2010.3.14 1:56 am**

مهاجر في البلد كتب:دي الحالة

نداوي تحب الصادق واخرون لايرون انه الشخص المتاسب وفارماس لا يرى خيرا في كل ودي وجهة نظر زول صريح وواضح
اقول ليكم شيء
دعونا نحب الوطن ولا ننظر الى الجنس ولا القبيلة ولا اللون لان هذه الاشياء هي التي ولدت الاحقاد والكراهية وهذا ما نجح فيه المستعمر حتى يشغلنا في انفسنا بدل الانشغال بالتنمية والتطور

وفي الآخر قولو آمين

اللهم ولي فينا من يخافك ويتقيك ويكون قويا امينا على هذا الوطن وارضنا بما كتبت لنا
اللهم وحد كلمتنا واعلى هامة بلدنا واجعلنا اخوة متحابين
اللهم ابعد عنا وعن وطننا الفتن والمحن والدسائس
اللهم طهر البد هذا من الفساد والمحسوبيات وحب النفس

آآآآآآآآآآآآميييييييين

ويا فارماس سيب التشاؤم وانر الى الكوب في نصفه الممتليء

والله المستعان

الاخ مهاجر في البلد لك الاحترام والتقدير

ان هؤلاء امثالهم كثيرة في بلادنا لدرجة اننا لا نثق في اخواننا ولقد اصيبو بمرض الجهوية

والانطباعات التي لا يحمد عليها وجميعهم لا يتحدون الا لمصلحة شخصية ضيقة وبعيدة كل

البعد عن مصلحة الوطن والمواطن الغلبان علي امرة ويعاني ما يعانية من افعالهم به

وهم لا يفعلون شيء غير المتاجرة بنا وبيعنا في الاسواق الدولية بأبخس الاثمان

الاخ مهاجر دعنا نقول شيئاً بسيطاً اذا قدر الامام او الرئيس كما يطلقون عليه ذالك

أن يعيش قرن كامل لتمني ان يكون جالساً علي الكرسي لسبب بسيط لانه تربي علي ذالك

لأن امثال هؤلاء تغيب عنهم افكار التنمية ولا يراعون للمواطن بما فرضوه عليه من جبايات

ونفايات وخزعبلات لا انزل الله بها من سلطان وهذا كله ناتج عن عدم ثقافة المؤسسية

رغم ان الزمن قد عفي عن امثال هؤلاء لكن المصيبة تكمن في الهتفنجية والتبعنجية

العمياء التي لازالت تجثم في صدورنا .

لقد نظرت في ذاك الكوب واصبت بالعمي العقلي الذي اصاب مجمل اهل الوطن

وكما يقولون العثرة تصلح المشية ولكن هذه عثرات جما لما لا نري التصليح

والله يصلح الحال

مرسل: **الأحد 2010.3.14 4:30 pm**

الاخت نداوى .......تحياتى...
والله انتى قلتى وجهة نظرك وليها احتراما وتقديرا من قبل اى عضو فى المنتدى
بغض النظر اذا اختلفنا او اتفقنا....
بس انتى لسه ما عرفتى الاعضاء كويس ديل ناس محترمين وبحبوا يتناقشوا فى اى حاجه
بس مافى داعى للزعل انتى او ملاك الود كلنا اخوات واصدقاء ولا شنو؟؟؟؟

مرسل: **الأحد 2010.3.14 4:35 pm**

[align=center]لا خير فى هذا ولا ذاك كلهم حرامية
شردو الشعب ونهبو ثروات البلد بسالك بالله
اى رئيس مر على السودان او زير اومدير واغيرهم
مافى حد ما ممكن نفسو والشئ الاغرب والى من ولايات السودان
عندو شركة فى الدوحة باسم قطرى شركة عقارات ونقل كبيرة
مافى محاسبة من اين لك هذا والعجب استثمار البقية الباقية فى ماليزيا ماليهو عدد
الله يستر الشعب مغلوب على امرة[/align][/size]

مرسل: **الاثنين 2010.3.15 12:44 am**

شباب مساء الخير عليكم

بإختصار شديد جدا

فترة حكم الصادق المهدي كانت 3 سنين و 8 شهور
تنفيذ الكبري الجديد ( الفتيحاب ) كان براهو 3 سنين

فهل دي فترة تناقشوها وتحاسبو سيدها
اضف ان الصادق المهدي الفترة ديك ما جا براهو او عمل انقلاب

جا وفقآ لى تصويت شعب كامل وانتخابات نزيهه جدا
وكانت الديمقراطية ال3 للسودان والكل يعلم ذلك

وصراحة شايف الناس بتقارن ما بين حكم الانقاذ وحكم الصادق المهدي
طيب متي بدأت انجازات الانقاذي الملخصة فى كباري وسد وجامعات خاصة ومدارس خاصة وحكومية .. !!

سنة 1992 مثلآ بعد انقلابها بى تلاتة سنين ؟؟؟؟؟؟؟؟؟؟؟؟؟؟؟

تحياتي

مرسل: **الاثنين 2010.3.15 3:44 am**

السلام ورحمة الله على كل الإخوة والأخوات

وقبل كل شي استأذن من أختنا نداوي ، لمحاولة رد على مداخلة أخوي الشاب مجدي عكاشة

مجدى عكاشه كتب:شباب مساء الخير عليكم

بإختصار شديد جدا

فترة حكم الصادق المهدي كانت 3 سنين و 8 شهور
تنفيذ الكبري الجديد ( الفتيحاب ) كان براهو 3 سنين

فهل دي فترة تناقشوها وتحاسبو سيدها
اضف ان الصادق المهدي الفترة ديك ما جا براهو او عمل انقلاب

جا وفقآ لى تصويت شعب كامل وانتخابات نزيهه جدا
وكانت الديمقراطية ال3 للسودان والكل يعلم ذلك

وصراحة شايف الناس بتقارن ما بين حكم الانقاذ وحكم الصادق المهدي
طيب متي بدأت انجازات الانقاذي الملخصة فى كباري وسد وجامعات خاصة ومدارس خاصة وحكومية .. !!

سنة 1992 مثلآ بعد انقلابها بى تلاتة سنين ؟؟؟؟؟؟؟؟؟؟؟؟؟؟؟

تحياتي

أولاً خلينا نسميها فترة الديمقراطية الحزبية أو التعددية. لأنه الصادق المهدي كان ليس وحيداً وإنما كان شريكاً لمجموعة من الأحزاب.

والمقارنة قائمة في ظل تلاتة سنوات مقارنة مع أول تلاتة سنوات في عهد الحكومة الحالية.

الثلاث سنوات في الفترة الحزبية للأسف الأزمات لحقت بكل شيء، كل السلع الضرورية انعدمت وأصبحت أحلام يومية بالنسبة للمواطن الحصول على الرغيف والسكر وصابون الغسيل وحتى الأزمات طالت الكبريت في بعض الأحيان
والكراسات والكتب في المدارس (أحياناً يُقسم الكراس عرضياً لنصفين ليكفي مادتين) (وأحياناً أربعة طلاب يكونوا مشتركين في كتاب واحد فقط).
هذه الأزمات كان لا وجود لها في عهد الحكومة التي سبقت الأحزاب . أي حكومة الراحل جعفر نميري رحمة الله عليه.
والشاهد على ذلك خلافات كثيرة جداً كانت تحدث داخل أروقة الجمعية التأسيسية بخصوص هذه الأزمات ولكن للأسف كانت خلافات كلامية والوضع مستمر وكما هو، قائم بالنسبة للمواطن.

وإذا كان الكلام دة ما صحيح . فعددوا لينا إنجازات تمت في عهد حكومة الأحزاب في خلال الثلاث سنوات؟ ونتمنى تكون بلغة واضحة وكلمات بسيطة يفهمها كل مواطن

وهذه الأزمات اختفت مباشرةً من أول عام بعد ذهاب الحزبية التعددية الثالثة.

عن الجامعات نعم بدأ إنشائها منذ عام 1992 وربما قبل ذلك. لكن في السنة الأنا دخلت فيها الجامعة، أذكر كان العام الدراسي 1992-1993 كان حدث توسع في الجامعات وظهرت جامعات جديدة وزاد عدد الاستيعاب للطلاب المقبولين في الجامعات. وربما لو ما كان كذلك (كنت ح اعيد امتحان الشهادة الثانوية تاني وتالت والله أعلم).

عن الطرق والكباري . معروف بعد داك وفي بدايات الحكومة التالية وبفضل سياسات الترابي وقتها تعرض السودان لفرض عقوبات اقتصادية شديدة. وبفضل هذه العقوبات جعلت العمل تنموياً صعب ومع ذلك مضت الحكومة في إنشاء أول كبري وهو كبري أم درمان الجديد أو كبري النيل الأبيض. وفي نفس الوقت العمل على محاولة استخراج النفط . وبعد نجاح استخراج النفط انفرجت أزمات تمويل المشاريع التنموية وأصبحت الكباري والجسور تُنفذ بصورة أسرع مما كانت عليه في التسعينات.

هل في قصور في تحقيق الإنجازات؟ نقول نعم لأننا دائماً تطلعاتنا وآمالنا وما نتمناه للسودان أكثر من ذلك.

عشان كدة رأيي الشخصي وأملي الخاص للحكومة التالية بإذن الله أياً كانت أن تمشي على نفس النمط أو تزيد . وأن لا تكون التعددية في الحكومة مصدر لقلق المواطن مرة أخرى. لأن الديمقراطية وحرية التعبير عن الرأي ليس هو الذي ينمي بلدنا ويوديها لقدام.
نحن بلدنا دي للأسف الثابت لينا العكس التعددية هي بتقود بلدنا للخلف.

خالص الدعوات أن يرى الجميع مصلحة البلد وازدهارها وتطورها ووضعها في قمة الأولويات ، وما عدا ذلك ما بكون في مشكلة إن شاء الله.

مرسل: **الاثنين 2010.3.15 6:29 pm**

بعد الزمن كتب:قام بعمل واحد , هو زيادة عدد البراين والثرثارين , كان يبيع الكلام , وكلنا بمنعرف كيف خلف
ابوه وزور الدستور علشان عمر كان قصير , وحكومة الاحزاب التى كان رئيسها , عملت
شنوا ..., زادت الطين بلة ,...............

هو من ناحية الكلام كان فعلاً كلام وسياسي محنك ولكن نحن كشعب عايزين انجازات وعايزين تطور

مرسل: **الثلاثاء 2010.3.16 4:37 pm**

الشكر للجميع
ليفز الاجدر والاحسن فلنبارك من ياتي باصوات الشعب من يكون وهل سيفوز صادق المهدي
هل قدم السيد الصادق اعتذارا للشعب السوداني بعد ان فرط فيما امنه
الشعب بانتخاب ديمقراطي حر ونزيه هل اعتذر الصادق بتجويعه الشعب
السوداني الذي ابدع وابنكر كيف يحول من البلح سكرا ومن قشر البصل شاي
اليس المجاعة بام عينها هل اعتذر الصادق ما بدر من قتل ونهب لسكان الخرطوم
في وضح النهار وهم في بيوتهم من عاصر تلك الحقبه لن يفكر في لحظه واحدة
ان يصوت لهذا السيد

مرسل: **الأربعاء 2010.3.17 9:22 pm**

مجدى عكاشه كتب:شباب مساء الخير عليكم

بإختصار شديد جدا

فترة حكم الصادق المهدي كانت 3 سنين و 8 شهور
تنفيذ الكبري الجديد ( الفتيحاب ) كان براهو 3 سنين

فهل دي فترة تناقشوها وتحاسبو سيدها

تحياتي

والله جاني ضغط من الردود السطحية والمتأثرة بخطاب الكيزان ورأيت أن لا أدخل في أي نقاشات لكن لا بأس من إقتباس هذا الرد والإشاده به ...

مرسل: **الأربعاء 2010.3.17 10:43 pm**

مبرووووووووووووووك للصادق المهدي الذي جازف بتاريخه العريض بالنزول للانتخابات التي ستثبت انه جنرال بلا جيوش نبارك له هذه الخطوة المتهوره التي ان دلت على شى انما تدل على وصوله الى مرحلة الخرف المبكر فله الشكر لاننا بعد هذه الانتخابات سنرتاح من ثرثرته وكلامه الكثير.

منتدى أنا سوداني

باركوا لي الزعيم صادق المهدى من الان

باركوا لي الزعيم صادق المهدى من الان

رد: باركوا لي الزعيم صادق المهدى من الان

رد: باركوا لي الزعيم صادق المهدى من الان

رد: باركوا لي الزعيم صادق المهدى من الان

رد: باركوا لي الزعيم صادق المهدى من الان

رد: باركوا لي الزعيم صادق المهدى من الان

رد: باركوا لي الزعيم صادق المهدى من الان

رد: باركوا لي الزعيم صادق المهدى من الان

رد: باركوا لي الزعيم صادق المهدى من الان

رد: باركوا لي الزعيم صادق المهدى من الان

رد: باركوا لي الزعيم صادق المهدى من الان

رد: باركوا لي الزعيم صادق المهدى من الان

رد: باركوا لي الزعيم صادق المهدى من الان

رد: باركوا لي الزعيم صادق المهدى من الان

رد: باركوا لي الزعيم صادق المهدى من الان

رد: باركوا لي الزعيم صادق المهدى من الان

رد: باركوا لي الزعيم صادق المهدى من الان

رد: باركوا لي الزعيم صادق المهدى من الان

رد: باركوا لي الزعيم صادق المهدى من الان

رد: باركوا لي الزعيم صادق المهدى من الان