صفحة 1 من 13
مجادعات " رسائل "
مرسل: الأربعاء 2010.3.10 12:06 pm
بواسطة waya
[grade="00008b ff6347 008000 4b0082"]هو :
عفواً ,, تلاقينا توآئم في رنين الاسم والذات الغريبة
في طرق التعفف والميول ,,
وحسبت نفسي , قدر نفسك
كنت مغروراً ..
أفقت ,,
عرفت أنك فوق ما يلد الزمان
وفوق ما تهب العقول ,,,, [/grade]
هي :
عفواً ,, تلاقينا توآئم في بحور الوجد والروح الأنيقة
في مدارات التوحد والجمال ..
وحسبت نفسي , قدر نفسك
كنت مغرورا ..
أفقت ,,
عرفت أنك فوق كل تصوري
وعند آفاق المحال ,,,
رد: مجادعات " رسائل "
مرسل: الأربعاء 2010.3.10 12:14 pm
بواسطة waya
[grade="00008b ff6347 008000 4b0082"]هو :
إذا حبيتك ..
وكان غيم الدرب بيتك ..
قلب فتح النشيد نفاج حنين ولقاني غنيتك ..
إذا دسيت هواك في إيد
مسكتك جوه , طعمت الوريد بي إيد
وفريت في السما إسمك سحابة حب وناديتك ,,
" تسوي شنو " [/grade]
هي :
أسوي شنو ؟
أضويلك دروب الليل ,,
أمازج الدهشة بي عينيك وأغنيلك
حروف الريد ,,
تقالد في فرح غايب وتجري عليك
وأفج نفاج سكون صمتك
وأوسد ريدي نبضاتك ..
رد: مجادعات " رسائل "
مرسل: الأربعاء 2010.3.10 12:19 pm
بواسطة waya
[grade="00008b ff6347 008000 4b0082"]هو :
الصباح لو يبدأ منك , يبقى باقي اليوم ده خير
والأديم الشايل أثرك , منبت الرزق الوفير
ما أنتي أصلك نور صباحنا , وهاتف الفجر البشير
يا أمل ضوى المشارق والمغارب , والأثير [/grade]
هي :
حلاة ناسا تزيد نور الصباح إشراق
وتتجمل بضحكاتهم كتير آفاق
رآسية محبتهم في الروح
وساكنين جوه في الأعماق
رد: مجادعات " رسائل "
مرسل: الأربعاء 2010.3.10 12:23 pm
بواسطة مها
هو ............
اعتاد قلبى السؤال عن احوال من يكن
لهم قلبى مكانه
وانتى اعلاهم مكانه
هى,,,,,,,,,,,,
انت يا كلى وانا
فى صوتك ....وكت يدخل مسام الروح
بيتبدد شقا الايام
وكيف الحال بلا حسك بلا صوتك
بلاك...........حياتى محال
رد: مجادعات " رسائل "
مرسل: الأربعاء 2010.3.10 12:25 pm
بواسطة waya
[grade="00008b ff6347 008000 4b0082"]هو :
لو زارنا طيف , في رسايلو جمل معنونه
فيها الكلام نغمات حنين , وأشعار كتيرة مدوزنه
نصبح أكيد في خير عظيم , موهوب من رب السما [/grade]
هي :
يسعد صباحاتك دوام , ويملأ أيامك هنا
منك نشيل نور الصباح , وتصبح حروفنا مدوزنه
وتتشابى ليك كل المواويل والغنا
لو تلقى ليك أروع وصف , يا رآقي يا تاج عزنا
رد: مجادعات " رسائل "
مرسل: الأربعاء 2010.3.10 12:40 pm
بواسطة مها
هو .......اختار السكات
هى .....
اتوه ....وارجع
ابارى الخوف ...واسترجع
حكايتك لما يرويها السكون
اكوام وجع.....سابنى ونجع
....ريحة جنون...
وانا كيف اكون؟؟؟
رد: مجادعات " رسائل "
مرسل: الأربعاء 2010.3.10 1:47 pm
بواسطة الفرح المهاجر
[align=center]جدعاتك حلوه يا جدعة
شكلك كتبتها وقاعد تحت المظلة القدام بيتكم[/align][/size]
رد: مجادعات " رسائل "
مرسل: السبت 2010.3.13 1:27 pm
بواسطة waya
الفرح,,
المظلة دي ليها تاااااااريخ وكده !!
[grade="00008b ff6347 008000 4b0082"]هو :
غلبني الشوق وقلت أجابد الكلمات
لقيت الكلمة حارقة الجوف , لهب من خوف
بيمرق زي لهيب ساخن مع الآهات
أسك الكلمة تطفش وتاني ترجع لي
أحسها دمعة في عيني , تسيل وتخطط الوجنات
عساك يا كلمة ترتاحي , وتسلمي زولنا أفراحي
وتعودي بخيرة الكلمات [/grade]
هي :
تعبت أغافل الكلمات عشان أرسل كلام مفهوم
الاقي خطوطي معوجه وحروفي تحوم
أقول يمكن عشان طبعك فريد وليك الأصالة تقوم
تخذلني قدامك حروفي وترجع تخاف اللوم
أداري هزيمتي بالكلمات وأرسل ليك قلب مختوم
رد: مجادعات " رسائل "
مرسل: السبت 2010.3.13 1:52 pm
بواسطة لبيب
[align=center]هو.............................:-
وجيت من تاني راجع ليك
على الفرح البغني دوام وساطع من رموش عينيك
اريت الدنيا تضحك لي
عشان ارتاح و اسافر في بحور الشوق تجيبني عليك .
هي.............................:-
تعال يافرحة الأعماق
تعال بالبهجة والامال وشايل فرحي بين ايديك
تعال واروي الصحاري حنين
دوام زايد حنيني إليك[/align][/size]
رد: مجادعات " رسائل "
مرسل: السبت 2010.3.13 4:37 pm
بواسطة رفقه
هو ..
قررتُ الرحيل ..
لكن لن أطيل الرحيل ..
لا أريد ان يشتاق لي احد
هي ..
انت مخطئ ..
فعندما تقلع طائرتك
تهبط في قلبي طائره الشوق ..
رد: مجادعات " رسائل "
مرسل: السبت 2010.3.13 5:06 pm
بواسطة الياسمينة
هي:-،،،
لو قلت اني بحس بيك
وبحس كمان بي فرحة اللقيا في عينيك
مرات كمان ضمن الكلام تمرق كليمة تناجي ليك
مرات كتير الشوق يفيض يوصل اليك
ومرات كده ببقي الحزن زاد سفري ليك
رد: مجادعات " رسائل "
مرسل: السبت 2010.3.13 5:43 pm
بواسطة مهاجر في البلد
انتم ..... مبدعون
وانت يا waya سيد الابداع والروعة
انا ... استمتع بالجدعات دي جد جد
رد: مجادعات " رسائل "
مرسل: الأحد 2010.3.14 12:27 pm
بواسطة waya
[grade="00008b ff6347 008000 4b0082"]هو :
لما عينيك الحنينة تكون معاي وفيها أرسى
بتمنى أنو الساعة تسرح والدقائق زاتها تنسى
والثواني تقيف تعاين للزمن قايلاهو لسه
ويبقى يوم الليلة بكرة , ويبقى كل الجاي هسه [/grade]
هي :
بحسك أنت دون الناس , كلام أحلى
فهم أحلى .. وزول تاني
وأحسك في دواخلي الجوه , زول مني
وزول حقي .. وزول بقدر أحسو وقت
يغيب عني ,,
[grade="00008b ff6347 008000 4b0082"]مها .. لبيب .. رفقة .. الياسمينة .. مهاجر في البلد
تشكراتي لمشاركاتكم الرائعة ,,
وخليكم مواصلين [/grade]
رد: مجادعات " رسائل "
مرسل: الأحد 2010.3.14 12:42 pm
بواسطة مها
هو....كعادته يتلاعب بالكلمات
هى...........
شكرا على وعد المنى
هو..........
غيرك عزف
لحنى الاخير
هى........
طول الوجع
خلانى ارجع وابتديك
رد: مجادعات " رسائل "
مرسل: الأربعاء 2010.3.17 3:17 pm
بواسطة لبيب
[align=center]هو :-
انت كل شيء جميل في حياتي
انت يارقة الانفاس
انت يا عبق الحروف المضمخة بأريج الحب الجميل.
هي :-
لو كان ماتقول صحيحا
ونابعا من فؤادك
إذا وهبتك مهجتي جهرا يا حبيبي[/align][/size]
رد: مجادعات " رسائل "
مرسل: السبت 2010.3.27 1:54 pm
بواسطة waya
[grade="00008b ff6347 008000 4b0082"] هو :
يا ريتو لو زمني العنيد بينا المسافات قصرها ,, [/grade]
هي :
ويا ريتو لو حظي البليد عرف الدروب وشال أمنياتي ووصلا
رد: مجادعات " رسائل "
مرسل: السبت 2010.3.27 3:21 pm
بواسطة بعد الزمن
جينا وسلم وما شينا
السلام عليكم ......................................
رد: مجادعات " رسائل "
مرسل: السبت 2010.3.27 6:32 pm
بواسطة بت كردفان
[align=center]لو كان عمرى فى الحياة خميلة ...
ما كنت أمنح ظلها لسواك...........
لوظل شعرى فى الوجود بعطره..
فالشعر يا دنياى بعض شذاك ....
انى تعبت من المسير ولا أرى ..
فى القلب شيئا غير ان يهواك....[/align][/size]
رد: مجادعات " رسائل "
مرسل: الاثنين 2010.3.29 3:43 pm
بواسطة waya
[grade="00008b ff6347 008000 4b0082"]هو :
رسمت ميعادك الأول على توب الغروب وردة
طفر دمع الشفق دفق وناح قلب الأفق مدة
وبي صوت الأمل ناديت وكت عصف الظروف شدة
ميعادك وين ؟
تجيني متين ؟
وعاد صوت الوله مجروح وكت رجع الفراغ رد [/grade]
هي :
يا مدائن الروعة جيتك ,, أفتحي الباب دخليني
ويا صدف ما كان في إيدك ,, من لقاهم تحرميني
في الأزل مكتوب تصدق ,, يا أجيك يا كان تجيني
رد: مجادعات " رسائل "
مرسل: الاثنين 2010.3.29 8:48 pm
بواسطة واصل الفزاري
إن بعض البيان لسحر
لا فض فوك يا waya ,,,,,, أقول شنو بس ,,إنته خليت لينا حاجة
أسمع يا خوي لو مافي زول قالها ليك أنا بقولها ليك وبالصوت العالي أنت يا سيدي شاعر ومن الطراز الفريد.... وياريت لو عندك من نفس المستوى ده بالفصحى تلحقني بيهو سريع
وللإمام
مودتي