منتدى أنا سوداني

مرسل: **الأحد 2010.3.7 1:24 pm**

وضعت جميع الأحزاب برامجها الطموحة لرؤية السودان في أبهى حلل النماء، التطور، التعليم ، الوحدة و الصحة.

وكل حزب يرى الآخر مخالفا لما أعده،،،

والجميع يدعي مصلحة الوطن،،، والمواطن ،،،

السؤال:

لماذا لا تجتمع كل الأحزاب على الأجندة الكبرى المكونة من برامجهم مجتمعة؟

أم الرئاسة هي الهم وليس البرنامج؟

إن كان الهم السودان وأهله لقنعت الأحزاب بأن ترى برامجها تتطبق دون السعي لمجد السلطة وقهر الآخر.

في معظم الأحيان عند سماع برامج الأحزاب يكون الإختلاف ليس على البرنامج ،،، ولكن على من يحكم ،،،

لماذا لا تحكم جميع الأحزاب المتقدمة في آن واحد ،،، ويكون الهدف الأسمى هو السودان وأهله ،،،؟

وعليهم وقتها الوصول إلى طريقة للحكم المشترك لتحقيق هدف واحد دون الحاجة لقيام انتخابات ،،،

=====

نسأل الله الهداية لأهل السودان لما فيه خير دنياهم وآخرتهم ،،،

وصلي اللهم وسلم وبارك على سيدنا محمد وعلى آله وصحبه ،،،

مرسل: **الأحد 2010.3.7 1:29 pm**

فعلا ..لكن المشكلة إنه الهم هو السلطة مش الهم هو السودان.. ربنا يهديهم ويجعل الخير في الرئيس القادم ..

مرسل: **الأحد 2010.3.7 2:17 pm**

اللهم آمين ،،،

مشكورة على التعقيب ،،، رغودة ،،،

مرسل: **الأحد 2010.3.7 2:49 pm**

يا قلبنا والله انت ملك ...

غير النظارة الوردية .. بلاش نقول سودا خليها رمادي شان خاطرك ..
وزيد وكتر في الدعوات الصالحات عسى تصدف لحظة إجابة ..

ياتو وطن ؟؟ نحن أصل البلاء عندنا الذاتية .. والله المستعان

وبعدين زمان قالوا رئيسين غرقوا المركب فما بالك ب 10

حسبنا الله هو نعم المولى ونعم النصير

مرسل: **الأحد 2010.3.7 3:50 pm**

حبو ،،، لو اجتمعو على أجندة واحدة تبقي زي

تبقى زي الوصوف الوظيفي ،،، للتنفيذ فقط ،،،

لقيتيني كيف ؟

مرسل: **الاثنين 2010.3.8 12:16 pm**

تعريف مختصر للاحزاب السودانية الرئيسية

حزب المؤتمر الوطني :
حزب الامة :
حزب الاتحادي الديمقراطي :
الحزب الشيوعي :
الحركة الشعبية :
المؤتمر الشعبي :

مرسل: **الاثنين 2010.3.8 12:41 pm**

[glow=ffff99]

فعلا ده هو المهم السودان واهلو

بس للاسسف المنافسة على الرئاسة والسلطة

حب الانسان الازلي السلطة واللله يكون في عون

اهل السودان والسودان

[/glow]

مرسل: **الاثنين 2010.3.8 1:56 pm**

omar babikir كتب:تعريف مختصر للاحزاب السودانية

حزب المؤتمر الوطني :
حزب الامة :
حزب الاتحادي الديمقراطي :
الحزب الشيوعي :
الحركة الشعبية :
المؤتمر الشعبي : ..

نسأل الله أن يوحد كلمتها للمصلحة العليا ،،،

شكرا omar babikir على التعريف

مرسل: **الاثنين 2010.3.8 2:00 pm**

دكتورة jasmina

أرجو أن يتغير حب التسلط إلى حب الآخر ،،،

شكرا دكتورة ،،،،

مرسل: **السبت 2010.3.13 9:49 am**

القلب الملك كتب:

لماذا لا تجتمع كل الأحزاب على الأجندة الكبرى المكونة من برامجهم مجتمعة؟
أم الرئاسة هي الهم وليس البرنامج؟
إن كان الهم السودان وأهله لقنعت الأحزاب بأن ترى برامجها تتطبق دون السعي لمجد السلطة وقهر الآخر.
نسأل الله الهداية لأهل السودان لما فيه خير دنياهم وآخرتهم ،،،
وصلي اللهم وسلم وبارك على سيدنا محمد وعلى آله وصحبه ،،،

القلب الملك بعد إذن سيادتك اخترت بعض العبارات في الاقتباس

وزي ما قلت (كل حزب بما لديه فرحون)

قبل فترة ليست بالطويلة . مصادفة تابعت برنامج في قناة النيل الأزرق . تابعت من النص تقريباً عشان كدة ما حقدر أمد باسم البرنامج ولا باسم الضيف. ولكن ممكن أسلط ضوء على بعض ما تابعت من الحلقة:
كان الضيف يتبع لجهة دون أن أسميها . لكن أعرف هدف هذه الجهة.

هذه الجهة مختصة بوضع الخطط والاستراتيجيات لكل النواحي التعليمية ، الصحية، التنموية، زراعية، صناعية، تجارية،...الخ الخ الخ

تضع هذه الخطط والاستراتيجيات بما يعرف مثلاً بخطة استراتيجية خمسينية. وهذه الخطة نفسها تتقسم لخطط أقل أو قصيرة المدى لتنفيذها تصاعدياً .

ومن ضمن اختصاصات هذه الجهة متابعة الحكومات ومراقبة أداءها على تنفيذ هذه الخطط بالصورة الموضوع والمخطط لها.

وفي سؤال موجه للضيف: عن ما اذا كانت هذه الجهة تابعة للحكومة الحالية أو الحزب الحاكم؟
كانت الإجابة أن جميع الأحزاب على إطلاع على هذه الجهة وهناك اتفاق عليها ولم تجد اعتراض من أي حزب أو جهة.

بل وأن -وما زال الكلام منقول على لسان الضيف- هذه الجهة واحدة من اختصاصاتها الوقوف على سير الانتخابات الدورية ومن ثم تسليم السلطة للحكومة الجديدة ثم متابعة سير هذه الحكومة في تنفيذ الخطط والاستراتيجيات.

فقط. هذا ما خرجت منه من خلال المتابعة القصيرة. وعلى ما يبدو أن الفكرة وليدة المنشأ وقيد الدراسة والطرح على كافة ألوان الطيف السياسي المتنافسون على الظفر بالسلطة والفرحون بما لديهم
وبرأيي أنه دة هو الشي المطلوب ويتفق مع ما ذكرت بأن ليس مهم من يحكم ، المهم هو أن تكون هذه البرامج قيد التنفيذ بالصورة المطلوبة. وهذا هو ما ينبغي أن يسير عليه السودان للتقدم والسير في الاتجاه الصحيح مستقبلاً.

مشكور القلب الملك على إتاحة الفرصة

نسأل الله الهداية لأهل السودان لما فيه خير دنياهم وآخرتهم ،،،
وصلي اللهم وسلم وبارك على سيدنا محمد وعلى آله وصحبه ،،،

مرسل: **السبت 2010.3.13 11:06 am**

الحمد لله في تفكير زي دا في البلد ،،،

لكين ما جهجهتني بعدم ذكرك للجهة ،،،، انا ما متابع ،،،،

قولها على الخاص لو في مشكلة؟؟

مشكور يا راقي على مشاركاتك المتميزة ،،،

مرسل: **الاثنين 2010.3.15 3:10 am**

القلب الملك كتب:
الحمد لله في تفكير زي دا في البلد ،،،

لكين ما جهجهتني بعدم ذكرك للجهة ،،،، انا ما متابع ،،،،

قولها على الخاص لو في مشكلة؟؟

أولاً شكراً مرة تانية يا قلب يا ملك

وعدم ذكري للجهة هو كان لعدم متابعتي للحلقة من البداية. يعني ما بسبب تحفظ لأسباب أمنية أو إعلامية وما إلى ذلك.

لكن استفدت من بعض ما اذكر في الحلقة وعملت بحث عبر الشبكة العنكبوتية ولقيت اسم الجهة (المجلس القومي للتخطيط الاستراتيجي) واسم الضيف هو د. تاج السر محجوب واسم البرنامج التلفزيوني بقناة النيل الأزرق (بالتفصيل).

والهدف من هذا المجلس الذي يضم زمرة من الخبراء والدكاترة المتخصصين كل في مجاله وضع خطط استراتيجية شاملة . وعزل التنمية والأمن عن الصراعات السياسية قدر المستطاع. بمعنى اذا تناوبت الحكومات في السلطة أن لا تأتي الحكومة الجديدة وتبدأ من الصفر . أو تلغي جميع الخطط التنموية الموجودة في الأرض وتأتي بخطط جديدة الأمر الذي من شأنه أن يضر بالبلد بشكل عام ويجعله متقوقعاً في أقصى درجات التقوقع .

الأمل أنه يكون الكلام حقيقي وقبول كافة ألوان الطيف السياسي يكون عن اقتناع حقيقي. ما زي التعداد السكاني والانتخابات كل فترة نسمع عن جهة بعد الموافقة تجينا برأي جديد .

لك الشكر القلب الملك

مرسل: **الثلاثاء 2010.3.16 6:47 pm**

ممتاز ،،، عسى الله أن يكلل جهودهم بالنجاح ،،، وحن معهم بما نستطيع ،،،

مشكور معتز على الإضافة القيمة ،،،

مرسل: **الأحد 2010.3.21 11:22 am**

omar babikir كتب:تعريف مختصر للاحزاب السودانية الرئيسية

حزب المؤتمر الوطني :
حزب الامة :
حزب الاتحادي الديمقراطي :
الحزب الشيوعي :
الحركة الشعبية :
المؤتمر الشعبي :

( الشجرة ) ..... المؤتمر الوطنى
ام ( الشاكوش ) ... الحزب الشيوعى
ام ( الهلال الذى بداخله حربة ) ..... حزب الامة
ام ( العصاية ) ... الاتحادى الاصل
ام ( النجمة التى بداخل المثلث .).. الحركة الشعبية
ام ( قرص الشمس ) ... المؤتمر الشعبى
ام ( الجرس ) ... المستقلين
ام ( الطمبور ) .. التخالف السودانى

افضل الاتحادى (الاصـــل)

يوعدوكــ بانو صوتك بذرة لشجرة ح تجنى انتة ثمارة.. وفى النهاية تاخد شاكوش ع راسكــ.. وتطعن هلال احلامك حربة الجشع والمطامع الشخصية.. امسك العصاية من النص.. عشان ماتشوف النجمة نص النهار وتتحبس فى زنزانة مثلثة.. وماتشوف قرص الشمس تانى.. ومهما تدق جرس... تبقى عليك غنوة الطنبور..
(ديل مالين الدنيا ملى
ديل قالين الخلق قلى
باسم الدين و..........
اى عوج مبدى ومتموم
صوتنا هناك وهنى مكتوم
ومافى فرق فى الوقت الراهن بين واشنطن والخرطوم)
هذة وجهة نظرى (مش فى دمقراطية)

سالنى فردتى :: اسى عليك الله الايام ايام انتخابات والموية قاطعة..

ضحكت وبدون مايعاين ليهو قلت ليهو::
- معليش ياولد اصلو المواسير الايام دى مشغولة بالحملة الانتخابية.. وانا خايف تفتح الماسورة يجيكـ (صووط)
خخخخخخخخخ

^_^

^_^

مرسل: **الأحد 2010.3.21 11:37 am**

hamaada كتب:( الشجرة ) ..... المؤتمر الوطنى
ام ( الشاكوش ) ... الحزب الشيوعى
ام ( الهلال الذى بداخله حربة ) ..... حزب الامة
ام ( العصاية ) ... الاتحادى الاصل
ام ( النجمة التى بداخل المثلث .).. الحركة الشعبية
ام ( قرص الشمس ) ... المؤتمر الشعبى
ام ( الجرس ) ... المستقلين
ام ( الطمبور ) .. التخالف السودانى

افضل الاتحادى (الاصـــل)

يوعدوكــ بانو صوتك بذرة لشجرة ح تجنى انتة ثمارة.. وفى النهاية تاخد شاكوش ع راسكــ.. وتطعن هلال احلامك حربة الجشع والمطامع الشخصية.. امسك العصاية من النص.. عشان ماتشوف النجمة نص النهار وتتحبس فى زنزانة مثلثة.. وماتشوف قرص الشمس تانى.. ومهما تدق جرس... تبقى عليك غنوة الطنبور..
(ديل مالين الدنيا ملى
ديل قالين الخلق قلى
باسم الدين و..........
اى عوج مبدى ومتموم
صوتنا هناك وهنى مكتوم
ومافى فرق فى الوقت الراهن بين واشنطن والخرطوم)
هذة وجهة نظرى (مش فى دمقراطية)

سالنى فردتى :: اسى عليك الله الايام ايام انتخابات والموية قاطعة..

ضحكت وبدون مايعاين ليهو قلت ليهو::
- معليش ياولد اصلو المواسير الايام دى مشغولة بالحملة الانتخابية.. وانا خايف تفتح الماسورة يجيكـ (صووط)
خخخخخخخخخ

^_^

^_^

كولن رائع , يسلط الضوء , على الصورة , الواقعية التى نعيشها وبشكل كوميدي ,معبر,
احسنت اخي , لانوا هذا بيحصل , الا اذا كان هنالك , من نزلة عليه وطنية واهتم بالسودان
قبل مصالحة الشخصية .................

مرسل: **الأحد 2010.3.21 11:48 am**

القلب الملك كتب:
حبو ،،، لو اجتمعو على أجندة واحدة تبقي زي

تبقى زي الوصوف الوظيفي ،،، للتنفيذ فقط ،،،

لقيتيني كيف ؟

اخر مؤتمر الذى اجتمعت فى المعارضة جوبا وان بثق عنه ما يسمى بمؤتمر جوبا,حيث تم وضع اجندة للمرحلة القادمة ,ومضمن الاجندة , التحالف ضد الكيزان فى الانتخابات القادمة , وايضا على ذمة الصادق
المهدي ,قال : نحن سوف ندخل الانتخابات الرئاسة فردا , حتى نجبر البشير على خوض مرحلة
ثانية , ثم يقوم تحالف جوبا اي المعارضة , وتختار لها مرشح واحد ,فى المرحلة الثانية ,ويكون
مجمع عليه من الجميع ليخوض المرحلة الثانية ضد الكوز ود الشير .............
اللهم وفق المعارضة , لتنتشل السودان , من هذه العصابة القاتلة والمغتصبة والمفسدة,
عاش السودان حرا ابيا وسقطت رايات الاعداء

منتدى أنا سوداني

كل حزب بما لديهم فرحون ،،،

كل حزب بما لديهم فرحون ،،،

رد: كل حزب بما لديهم فرحون ،،،

رد: كل حزب بما لديهم فرحون ،،،

رد: كل حزب بما لديهم فرحون ،،،

رد: كل حزب بما لديهم فرحون ،،،

رد: كل حزب بما لديهم فرحون ،،،

رد: كل حزب بما لديهم فرحون ،،،

رد: كل حزب بما لديهم فرحون ،،،

رد: كل حزب بما لديهم فرحون ،،،

رد: كل حزب بما لديهم فرحون ،،،

رد: كل حزب بما لديهم فرحون ،،،

رد: كل حزب بما لديهم فرحون ،،،

رد: كل حزب بما لديهم فرحون ،،،

رد: كل حزب بما لديهم فرحون ،،،

رد: كل حزب بما لديهم فرحون ،،،

رد: كل حزب بما لديهم فرحون ،،،