منتدى أنا سوداني

من اجل بلادى شمس الدين المبارك الاقرع
ديل كانوا وين وقت السدود اشيدت
هم كانوا وين وقت الطرق اتعبدت
والمويه وصلت كل بيت عمت بلادى ونورت
هم كانوا وين؟
وكتين عزمنا على البناء وشلنا المعاول والايادى اتقطعت
وتعبنا من طول المشى اقدامنا كم اشققت
وحرسنا كل حدودنا كل زروعنا ما نامت عيونا وغمضت
هم كانوا وين؟
لمن بطونا من طول الصيام اتحجرت
ماسمعوا الصغار من طول البكاء العيون اتورمت
لكن صمدنا من اجل الوطن حتى البلاد اتصلحت
وعمت بشاير الخير ترفل فى بلادى وأزهرت
وصنعنا للسودان عزا باهرا وكل خيراتنا هاجت وامطرت
هم كانوا وين ؟
وقت الاعادى المليانه حقد اتجمعت
وتعدوا لرمز البلاد الغالى واتهجمت
لكن الشعوب الحرة قامت وشمرت
ودافعنا عن كل البلاد وجهودنا فازت واثمرت
وهم كانوا وين وقت الايادى اتشابكت
ماشافوا كيفن القلوب بعد الخصام اتصالحت
وشالت سلام انهت حروب بين القبائل وعانقت
جايين يكوسواعلى الكراسى و ياريت الكراسى اتكسرت
ماكانوا فيها من زمن وبيهم نفوسنا اتحسرت
يكفينا انو بلادنا فوق وكل القلوب اتوحدت
برضى الرب الكريم عادت نفوسنا كما بدت
وبالقائد الخاض التحدى انقذ بلادنا وازهرت

بلادى يا احلى غرام ضماه فؤادى
قصيده جميله اخى
لك الشكر

الاخ شمس الدين كلامك فعلا حقيقة البلد الحمد لله ماشه لي قدام ولا يشعر بذلك الجالسين فيها لكن نحن المغتربين نلمس هذا الواقع ونحس بهذا الشعور في كل اجازة ننزل فيها السودان مع العلم أنا انزل كل سنة ومع هذا كل اجازة اشوف فيها كبري جديد وشارع جديد ومباني حديثة جديدة نرجو من الله العزيز القدير أن يديم علينا نعمه ، علما ان النعم تدوم بالشكر وتزول بالمعاصي .فاللهم أدم علينا نعمك واحفظ لنا بلادنا من كل سوء وجزيت خيرا

الاعزاء مها وسحاب
اكركم لمروركم الكريم مع غالى التحايا ودمتم