اسرع زواج في العالم يتم في قطر حتى ليلة الدخلة في نفس اللحظة

[ودرغوه]

اقدم رجل سوداني للسفر بالقطار وذلك للسياحة والترفيه والاستمتاع برحلة القطار
فعندما ركب القطار وتحرك القطار لزم كل شخص مقعدة وكان السوداني صاحبنا هذا يجلس بحوار اسرة
مسافرة ايضاً لظرف عمل خارج البلاد وكان عندهم بنت جميلة شافها اخونا وسحرته بجمالها وبدون مناسبة قام داخل فيهم شمال وتعرف عليهم وكانت الاسرة كريمة اخونا اعجب بهم شديد ونسى كل السياحة
ودخل معاهم باطراف الكلام وكانه يعرفهم او احد اقاربهم لكنه لم يتعرف بهم الا في القطر اعجب بالبنت وقال ليهم والله انا اعجبت ببنتكم دي بنت حلوه ومؤدبة مشاء الله عليكم
تداول معهم الكلام والضحك ونسه اسرية ممزوجة بحنان تلك الاسرة الطيبة والطيب اهلها واصلها
شفتو ياناس زولنا قام سرح مع البنت بعييد في ان يطلبها من ابوها كيف ومتين وكيف اعرف ليهم مكان بعد
مايصل القطر المحطة الاخيرة
حتى لفت انتباه سرحانه وتوهانه ابو البنت فقال ليه مشيت وين ياشيخ شايفك سرحت فرد مخلوع لا لالا ان سارح معاكم هنا زولنا تلعثم في الكلام وتغيرت حالته التي بداء
بها الونسة معهم وكان يجلس احد بجوارهم مراقب صاحبنا وعرف ان صاحبنا ده مشغول بالبنت دى
فقام همس لصاحبنا براحة في ازنه فقال ليه منتظر شنو ماتكلم ابوها طوالي قبل تصل ياشيخنا وتريح نفسك من التوهان ده فقام علي طول وبدون مايشعر بنفسه وجد ان نفسه كلمة ابوها بدون وعي منه
زولنا ماانتبه الا بعد ما سمع ابو البنت يقول له يازول اديناك ليها مبروك وتاري الزول الجمبهم كان مازون
قام داخل شمال طوالي قال ليهم منتظرين شنو انا مازون علي اكتب ليكم كتب الكتاب الحين وكان ابو البنت شهم وافق علي طول تم كتب الكتاب وبعد ان تم كتب الكتاب قام صاحبنا ماسك البنيه من يدها وساقها منهم يفتش ليه في محل في القطر حتي حصل ليه غرفة فستاجرها وجاهم راجع كلمهم انا اجرة لي غرفة عاوز ادخل فيها ابو البنت قال لي ام البنت قومي زيينيها ليه وودييها ليه الغرفة امها مشت بيها الحمام الله يكرمكم زينتها ليه ومكيجتها تمام وساقتها القرفة ليه وهي في منتهى السعادة والفرح وعلي طول تمت الدخلة زولنا انبسط وكل واحد في القطر انبسط من ابو البنت البسيط لعظمته
هكذا تمت الخطوبة في القطر وكتب الكتاب في القطر والدخلة في القطر للعلم رحلة هذا القطر استقرقت تسعة ساعات

[بكور]

و الله حلو جدا ... ده اسرع من زواج محمد نعيم

[عاشقة النيل]

معقووول؟؟
والبت ماصدقت؟؟؟

[نهر المحبه]

والله تمام التمام
ياريت الناس يرجعو للبساطه دي
عشان نخلص من مشاكل العزوبيه الملت العالم
مشكور اخوي ود رغوه

[لمار]

يشرفني انو اول مشاركه لي في اول منتدى اشارك فيو في حياتي تكون في موضوعك اخوي ودرغوه
وما اقول غير عبااال الما اتزوجو وعباال المخطوبين الي ما اقول ليهم سنين مخطوبين الا قرون انو الله يتتم ليهم على خير.. وتقبل مروري

[انفلونزا الحب]

بصراحة حلوة شديد يسلمووووووووووو

[فــتى الفلامنكو]

والله شي عجيب ههههه


يعني بساااطه مبااالغه


يعطيك العاافيه ودرغوه

[حضرمي عسل]

يابخنه والله نصيبه
انا من بكره بسافر في القطار وادورلي على عائله عندهم بنت حلوه

[الفرح المهاجر]

[align=center]دا زول عجيب وربنا يكون وفقو
والشغلانة قسمة ونصيب

شترة
ياخوى زول دى ما دخلو موسعة
قنس للارقام القياسية فى اسرع زيجة[/align][/size]

[أبو صديق]

بكل المقاييس فقد فكر الجميع بالقطار قبل أن يفوووووت


خيالك خصب أخي ود رغوة بس ما تنسي المحطات
إمكن تلقونا واقفيين في الصف....

[شكواوة]

ما بصدق معقول

[أبو أحمد]

دة كلام عجيب والله

[مجدى محمد الامين]

ده كلام غريب وشى عجيب الزمن ده بقى اى حاجه كلفته على السريع- بس ما افتكرتها وصلت للعرس كمان

[ودرغوه]

في واحد قال لي ده ما اسرع زواج في العالم قال لي ان اخوه مشى عشان يخطب
بنت من ابوها قبل ان يستشير اهله فعندما دخل عليهم واستضافوه وقدمو له العصير
قال له ابو البنت انشاء الله خير فقال له خيرُ وبركة فقال ابو البنت مادام موضوعك خير
قوم نتوضأ الصلاة لا تفوتنا فقال له انا معي وضؤ توضأ انت انا منتظر تعجب ابو البنت من الشاب
وارتاح له فقال له يا ابني اني ارتحت لك فوربك قل لي موضوعك علي ان ادعو لك في هذه الصلاة خيراًوكانت صلاة الظهر فقال الشاب اني اطلب يد بنتك فلانه علي كتاب الله وسنة رسول الله فرح ابو البنت
من ذلك الشاب الطاهر في جسمه والطاهر في دينه ان يطلب بنته فقال له ان اعطيتك بنتي علي كتاب الله وسنة رسول الله استعد هيا المسجد وبعد الصلاة مباشرة قام ابو البنت في المسجد ودعي كل من في
المسجد بعدم المقادرة الا بعد عقد قِران كريمته فما كان من الشاب الا ان يلزم الصمت تم عقد القران وخرجو الي البيت واخبرة البنت بانها تم عقد قِرانها الحين في المسجد فطلب ابوها الخروج لتراء زوجها وتتعرف به ذهبت البنت الي الشاب كي تتعرف به في الصالون فلما دخلت عليه وجلست بجواره تعرفت من اسمه واهله وكيف عرفها هو اللهم تم التعارف بينهما في ربع ساعة وكانو طبعاً لوحدهما في الصالون فسالها الشاب هل لك راى او اي اعتراض فقالت له لا مبروك لنا فقام الشاب واقلق باب الصالون
عليهما فقالت له لماذا اقلقت الباب فقال لها انا ما زوجك؟ فقالت نعم زوجي افتخر بك
فقال لها لايوجد شي حرام مادام خلوئ بك كزوج قبلها وداعبها وهي علي الكرسي حتي امسك بها وقادها الي السريروضاجعها وبدون اي تجهيزات وبدون اي شي سوى عقد القِران
وهكذا تم الزواج خلال ساعة ونصف تم الخطوبة وعقد القران و زولنا دخل علي البنت
وتم الزواج
وتم الزواج
فما الناقص بعد الدخله؟ هل ينقص الزواج شي بعد كتب الكتاب؟
هل في ذلك شي حرام؟ افتونا يا شباب

[مهند الطاهر على حيدوب]

اللذيذة قال امها فى القطر دخلتها الحمام وضبتها جدادة هى والا كمونية نحن ندعو للتيسير ولكن المباااالغة دى مابتفوتنا ولك تحياتى وشكلك كدة عامل رغوة

[مهاجر في البلد]

اكيد دا قطار الشوق الغنو ليهو البلابل

[بسمة الحياة]

معقولة اهلها عايزين يتخلصو منها بالسرعة دي

لكن انت متاكد دي حقيقة ولا كنت بتحلم

[القلب الملك]

زي حال الصحابة رضوان الله عليهم


هسا الإجراءات في كل شي ،،، لحدي ما بقت الامور خارج السيطرة ،،، وظهر الفساد في البر والبحر بما كسبت ايدي الناس ،،،




لكين ما قولت لي ،،، القطر دا خطو وين ؟

[saare]

[align=center]ايوه كده
يسرؤا ولا تعسرؤا

لو الدنيا كده والله حتكون بخير ما جيب وافعل وسوى لغاية الراجل عينه تطلع[/align][/size]

[saare]

زي حال الصحابة رضوان الله عليهم


هسا الإجراءات في كل شي ،،، لحدي ما بقت الامور خارج السيطرة ،،، وظهر الفساد في البر والبحر بما كسبت ايدي الناس ،،،




لكين ما قولت لي ،،، القطر دا خطو وين ؟

[align=center]شنو يا القلب الملك داير خط السير حق القطر ده والله انشاء الله توصلو عشان نفرح بيك[/align][/size]