صفحة 1 من 2
عيدالحب او valantine day
مرسل: الخميس 2010.2.11 1:02 pm
بواسطة همسه
رايكم شنو في عيدالحب
وهل تحتفلون به ام لا؟؟؟؟؟
وعندما تحتفلون به"هل لانكم تحبون الشخص الاخر او لانه تقليد؟؟؟؟؟؟ 
رد: عيدالحب او valantine day
مرسل: الجمعة 2010.2.12 1:05 am
بواسطة امل الحب
بتعتبر مجرد مناسبة او تذكرة مش عيد لأنو أعيدنا معروفة كمسلمين
وقالو انو حرام عشان كدا ما بحتفل بيه
رد: عيدالحب او valantine day
مرسل: الجمعة 2010.2.12 5:08 pm
بواسطة بنت الاصول
للهاذا العيد قصه او اسطورة حقيقيه
وهي
تتلخص هذه الأسطورة في أن الرومان كانوا أيام وثنيتهم يحتفلون بعيد يدعى (عيد لوبركيليا) وهو العيد الوثني المذكور في الأسطورة السابقة، وكانوا يقدمون فيه القرابين لمعبوداتهم من دون الله تعالى، ويعتقدون أن هذه الأوثان تحميهم من السوء، وتحمي مراعيهم من الذئاب.
فلما دخل الرومان في النصرانية بعد ظهورها، وحكم الرومان الإمبراطور الروماني (كلوديوس الثاني) في القرن الثالث الميلادي منع جنوده من الزواج لأن الزواج يشغلهم عن الحروب التي كان يخوضها، فتصدى لهذا القرار (القديس فالنتين) وصار يجري عقود الزواج للجند سرا، فعلم الإمبراطور بذلك فزج به في السجن، وحكم عليه بالإعدام.
وانا عن نفسي الي يحب شخص باخلاص كل يوم يمر وهم مع بعض يكون عيد بالنسبة ليهم
احبو بصدق فتكون كل الايام اعيادكم .
تقبلي مروري
رد: عيدالحب او valantine day
مرسل: الجمعة 2010.2.12 5:22 pm
بواسطة مهاجر في البلد
في هذه المناسبة المسماة بعيد الحب بجيني احباط من شبابنا قبل شاباتنا
الاولاد في مقتبل العمر والواحد تلقاهو طول وصحة ونص النهار لابس فانيلة او بلوزة حمراء
وبنطلون احمر وشايل دبدوب احمر ماشي يودي للجكس
والبنت الغبيانة لابسة طقم احمر زي النازل فيها بشير الحبشي
وشايلة شوكلاتة غلافا احمر ووردة حمرا وماشا تتقدل عشان تقابل الحنان في الحديقة
اما ناس المولات تلقى الولد لابس برموده نص استواء حمرا واشارب احر
وتي شيرت احمر مجبص وشايل دبدوب خاتي في صندوق قطيفة احمر
والبنية زي عروس المولد إلا لبسا مجبص فيها شديد
دي كلها اوهام ...
الحب شيء جميل ومهم جدا في حياتنا الا ان الاحتفال بعيد الحب يعتبر من البدع السيئة التي لا تفيد ولا تقدم الامم كثيرا خاصة مثل اممنا ... وطبعا الراعي واعي
وشكرا
رد: عيدالحب او valantine day
مرسل: الجمعة 2010.2.12 5:28 pm
بواسطة مها
انا مع مهاجر فى البلد دى حاجات ما بتشبهنا وانا عن نفسى بعتبره ده كلام فارغ
ما فى اى داعى ليه,,,,,
الحب اسمى من كده ....
رد: عيدالحب او valantine day
مرسل: الجمعة 2010.2.12 6:10 pm
بواسطة mis.silent
وانا معا مها ومهاجر في البلد في القالوه
في كمان حاجة قريتا قبل كده عن الفلانتاين انه في واحدة من الدول كان الاحتفال باليوم دا يتم بانهم يجمعوا كل الشباب والشابات الما متزوجين وتتعمل قرعة بحيث تكتب اسماء كل الشابات
وبعدين كل شاب يأخذ ورقة والبت البيطلع ليه اسمها يصاحبها لمدة سنة وتكرر القرعة دي كل سنة
رد: عيدالحب او valantine day
مرسل: الجمعة 2010.2.12 6:11 pm
بواسطة ريناد
انا وحده من الناس مابحتفل بيهو ولا عندي اي شغله بيهو اول حاجه هو حرام وتقليد اعمى احنا الحمد لله عندنا اعيادنا وبعدين لو حبيبي بس بحبو في عيد الحب ده يبقى مااسمو حب ده يبقى غباء بصراحه اتمنى من شباب المسلمين انو يبتعدو عن الحاجات دي لانهم ارقى منها بكتييير
رد: عيدالحب او valantine day
مرسل: الجمعة 2010.2.12 6:19 pm
بواسطة عاشقة النيل
انا عن نفسي الحمد لله ماعندي الكلام دا
رد: عيدالحب او valantine day
مرسل: الجمعة 2010.2.12 6:34 pm
بواسطة أبو أحمد
وهو الحب عاوز ليهو زمن أو مواعيد عشان يحتفلوا بيهو؟
إذا كدة ... يبقى دة ما حب ولا حاجة.
رد: عيدالحب او valantine day
مرسل: الجمعة 2010.2.12 6:55 pm
بواسطة بت كردفان
[align=center]كلام فارغ وتقليد أعمى وتخلف ما اكتر
وربنا يهدينا ويهدى الجميع
تحياتى[/align][/size]
رد: عيدالحب او valantine day
مرسل: السبت 2010.2.13 11:40 am
بواسطة همسه
شكرا ليكم ولاراكم ومروركم
رد: عيدالحب او valantine day
مرسل: السبت 2010.2.13 4:41 pm
بواسطة نسمة الفجر
السلام عليكم ورحمة الله وبركاته
سئل فضيلة الشيخ عبد الله بن جبرين رحمه الله وأسكنه فسيح جنانه
انتشر بين فتياننا وفتياتنا الاحتفال بما يسمى عيد الحب (يوم فالنتاين)وهو اسم قسيس يعظمه النصارى يحتفلون به كل عام في 14 فبراير، ويتبادلون فيه الهدايا والورود الحمراء، ويرتدون الملابس الحمراء، فما حكم الاحتفال به أو تبادل الهدايا في ذلك اليوم وإظهار ذلك العيد جزاكم الله خيرًا.
فأجاب رحمه الله:
أولاً: لا يجوز الاحتفال بمثل هذه الأعياد المبتدعة؛ لأنه بدعة محدثة لا أصل لها في الشرع فتدخل في حديث عائشة رضي الله عنها أن النبي صلى الله عليه وسلم قال: (من أحدث في أمرنا هذا ما ليس منه فهو رد) أي مردود على من أحدثه.
ثانياً: أن فيها مشابهة للكفار وتقليدًا لهم في تعظيم ما يعظمونه واحترام أعيادهم ومناسباتهم وتشبهًا بهم فيما هو من ديانتهم وفي الحديث: (من تشبه بقوم فهو منهم).
ثالثاً: ما يترتب على ذلك من المفاسد والمحاذير كاللهو واللعب والغناء والزمر والأشر والبطر والسفور والتبرج واختلاط الرجال بالنساء أو بروز النساء أمام غير المحارم ونحو ذلك من المحرمات، أو ما هو وسيلة إلى الفواحش ومقدماتها، ولا يبرر ذلك ما يعلل به من التسلية والترفيه وما يزعمونه من التحفظ فإن ذلك غير صحيح، فعلى من نصح نفسه أن يبتعد عن الآثام ووسائلها.
وقالرحمه الله:
وعلى هذا لا يجوز بيع هذه الهدايا والورود إذا عرف أن المشتري يحتفل بتلك الأعياد أو يهديها أو يعظم بها تلك الأيام حتى لا يكون البائع مشاركًا لمن يعمل بهذه البدعة والله أعلم.
رد: عيدالحب او valantine day
مرسل: السبت 2010.2.13 6:58 pm
بواسطة البنيه
والله انا بحزن علي البيحتفلوا بيهوو لانو تضيع وقت وقروش سااي
انا طبعا امس مشيت الحديقة بالله كل ولد او بت ماره بجنبي تلقي الواحد فيهم ماسك كوم بتاعت هدايا لونه احمروللاسف نصهم سودانييين
رد: عيدالحب او valantine day
مرسل: الأحد 2010.2.14 8:47 am
بواسطة omar babikir
أول حاجه دينيا الموضوع محسوم وقد حددت أعياد المسلمين بالفطر والأضحى
ثاني حاجه تقليد قبيح واعمى ... الغريبه يوم واحد ما شفناهم يقلدو في اعيادنا
انشاء من باب المجامله ساي ..بالعكس هم بيسخروا من كل شئ بنعملوا و يسخروا
ويستهزأوا بمقدساتنا وديننا ويرسمو الكاركتيرات المسيئه ونحن جارين وراهم
ونقلد فيهم... فعلا الكلب بريد خانقو..
رد: عيدالحب او valantine day
مرسل: الأحد 2010.2.14 9:32 am
بواسطة ابو ايووودي
هو وينو الحب عشان يحتفلوا بيهو
زمن كله خداع ولعب بمشاعر الآخرين من الجنسين
ربنا يهدي الجميع بما فيه الخير
رد: عيدالحب او valantine day
مرسل: الأحد 2010.2.14 11:22 am
بواسطة حبيب الناس
ahmede كتب:هو وينو الحب عشان يحتفلوا بيهو
زمن كله خداع ولعب بمشاعر الآخرين من الجنسين
ربنا يهدي الجميع بما فيه الخير
لا حولا
مالك يا حبه
وييييييييييييييييييييييين يااااااا
الشوكشتك وغشتك دي منو عشان اطرفك ليك راسها
رد: عيدالحب او valantine day
مرسل: الأحد 2010.2.14 11:01 pm
بواسطة ام اواب
ربنا يهدي المسلمين والمسلمات لما فيه صلاح امورنا
تقليد اعمي ليس لديه اي معني او مبرر
والحب اسمى من ان يحتفل بيهو يوم في السنة
كل يوم يجمع بين اثنين يحبون بعضهم هو ذكرى جميلة وسعبدة
رد: عيدالحب او valantine day
مرسل: الاثنين 2010.2.15 12:21 pm
بواسطة اليراع
أتفق مع نسمة الفجر في ماقالت وأعتقد جازماً أنها عبرت عن رأي الجميع ..
لك ولها أجزل الشكر ..
رد: عيدالحب او valantine day
مرسل: الاثنين 2010.2.15 2:37 pm
بواسطة الفرح المهاجر
[align=center]س :- سؤال
من هو فالنتاين؟[/align][/size]
رد: عيدالحب او valantine day
مرسل: الاثنين 2010.2.15 2:38 pm
بواسطة الفرح المهاجر
[align=center][align=center]انتو عارفنو
ولا ساى بتحتفلو
بى زكراهو[/align][/align][/size]