منتدى أنا سوداني

موفق يامجدي

شباب ..

حقيقي انا سعيد جدا بى امنياتكم العظيمة اتجاهي
ربنا يوفق الجميع فى الحملة الانتخابية .. والاهم من الانتخابات تقديم برامج خدمية للمواطن يلتزم الناخبون بتنفيذها فى فترة انتخابهم ..!!

حقيقي الممارسة السياسية فى السودان
تتسم بعدم النزاهه وبعدم الشفافية سواء بين الحكومة الحالية والمعارضة او المعارضة فى ذات نفسها بكل تنظيماتها وانتماءاتها ..

وتجربة جديدة علي الكل وتحديدآ الجيل الحالي
ماعارف نسبة نجاحي او فشلي .. ولا عارف امكانية صمودي النفسية اتجاه الحملة الجاية
بإعتبار ان دي اول حملة انتخابية فعلية تحدث فى السودان بعد 21 سنة .. ومتوقع ان كل الناخبين حيكونو مشدودين نفسيآ اتجاه الوضع الجاي

وخصوصآ ان المواطن بعيد كل البعد عن الممارسة السياسية او التسجيل او الانتخاب
........

انا فعليآ تم ترشيحي من قبل حزب المؤتمر السوداني
فى دائرة بحري القديمة ممثلآ لها فى المجلس التشريعي لولاية الخرطوم .. وحقيقي الدائرة اكبر من ما توقعت .. والتي تمتد من كافوري مرورآ بالوابورات بحري مرورآ ايضآ بكل المدن التي تقع علي الضفة الشرقية من النيل .. ونهاية فى المغتربين والمزاد بحري .. وكل المناطق التي تقع فى منتصف تلك الدائرة ..

والشي المدهش ان الاستاذ غازي صلاح الدين هو مرشح المؤتمر الوطني فى نفس الدائرة ولكن يمثل فى المجالس القومية ( البرلمان ) .. ولم يعلن حزب المؤتمر الوطني حتي الان مرشحة فى المجالس الولائية بمنطقة بحري القديمة ..

وللحقيقة لم يتم الاعلان عن مرشحي حزب المؤتمر الوطني بعد لاجراءات مع مفوضية الانتخابات
اتوقع ان المؤتمر الصحفي حيتم الاعلان عنو فى اواسط الاسبوع المقبل .....!!



للكل التحية وتحديدآ الصديقة احسان علي اهتمامها الرائع والجميل
اتمني اني اكون جدير بى مكانة زي دي ..
واتمني اني اسمع راي الشباب والاصدقاء والكل هنا ..



تحياتي للجميع

توقن فنتي كتب:

لك التحيه والاحترام ابو عكاشه ونتمنى لك التوفيق في خدمة الوطن
والمواطن وبما انني من نفس الدائرة ارجو ان تعرفنا
اولا بحزبك المؤتمر السوداني وبرامج حزبك
ودمت بخير

العزيز توقن

مرحب بيك كتير
وشاكر جدا لى سؤالك ..


حزب المؤتمر السوداني
هو عبارة عن تمازج مؤتمر الطلاب المستقلين + الحركة المستقلة السودانية وحزب المؤتمر الوطني بقيادة الراحل مولانا عبد المجيد امام .. واسم المؤتمر الوطني يرجع فى الاصل الى جيل مولانا عبد المجيد امام الذى ناضل كثيرآ لاسترجاع مسمي حزبة الذى اغتصبتة سياسة النظام .. والكثير بل الاغلبية لا تدري حقيقة مسمي حزب المؤتمر الوطني .. والذي ولد فى عام 1986 واستمر حتي عام 2004 ..
علي اى حال
بعد التحام التنظيم الطلابي مؤتمر الطلاب المستقلين والحركة المستقلة السودانية بدأنا بالتفكير الجاد اتجاه مسمي جديد غير ذاك الذى اغتصبتة اجهزة الدولة وسياسة القمع .. حتي اخرجنا حزب المؤتمر السوداني فى عام 2004 ..
وحزب المؤتمر السوداني منظومة سياسية فكرية تقوم فكريآ علي انتاج المعارف من خلال منهج التحليل الثقافي وسياسيآ من خلال الديمقراطية التعددية .. ودى فلسفة الحزب الاستقلالية للوصول للقومية السودانية .. !!

القومية السودانية عبارة عن ملخص موضوعي لمشروع السودان الجديد
وملخص لشعار وطن يسع الجميع ..



شاكر جدآ اهتمامك
ومابالضرورة القصوة انك تكون من نفس الدائرة عشان تسأل
طالما انت سوداني .. وبهمك امر الوطن والمواطن فبالتأكيد من حقك علي انك تسألني مرة واتنين وتلاتة



مرحب بيك كتير

مجدى عكاشه كتب:شباب ..

حقيقي انا سعيد جدا بى امنياتكم العظيمة اتجاهي
ربنا يوفق الجميع فى الحملة الانتخابية .. والاهم من الانتخابات تقديم برامج خدمية للمواطن يلتزم الناخبون بتنفيذها فى فترة انتخابهم ..!!

حقيقي الممارسة السياسية فى السودان
تتسم بعدم النزاهه وبعدم الشفافية سواء بين الحكومة الحالية والمعارضة او المعارضة فى ذات نفسها بكل تنظيماتها وانتماءاتها ..

وتجربة جديدة علي الكل وتحديدآ الجيل الحالي
ماعارف نسبة نجاحي او فشلي .. ولا عارف امكانية صمودي النفسية اتجاه الحملة الجاية
بإعتبار ان دي اول حملة انتخابية فعلية تحدث فى السودان بعد 21 سنة .. ومتوقع ان كل الناخبين حيكونو مشدودين نفسيآ اتجاه الوضع الجاي

وخصوصآ ان المواطن بعيد كل البعد عن الممارسة السياسية او التسجيل او الانتخاب
........

انا فعليآ تم ترشيحي من قبل حزب المؤتمر السوداني
فى دائرة بحري القديمة ممثلآ لها فى المجلس التشريعي لولاية الخرطوم .. وحقيقي الدائرة اكبر من ما توقعت .. والتي تمتد من كافوري مرورآ بالوابورات بحري مرورآ ايضآ بكل المدن التي تقع علي الضفة الشرقية من النيل .. ونهاية فى المغتربين والمزاد بحري .. وكل المناطق التي تقع فى منتصف تلك الدائرة ..

والشي المدهش ان الاستاذ غازي صلاح الدين هو مرشح المؤتمر الوطني فى نفس الدائرة ولكن يمثل فى المجالس القومية ( البرلمان ) .. ولم يعلن حزب المؤتمر الوطني حتي الان مرشحة فى المجالس الولائية بمنطقة بحري القديمة ..

وللحقيقة لم يتم الاعلان عن مرشحي حزب المؤتمر الوطني بعد لاجراءات مع مفوضية الانتخابات
اتوقع ان المؤتمر الصحفي حيتم الاعلان عنو فى اواسط الاسبوع المقبل .....!!



للكل التحية وتحديدآ الصديقة احسان علي اهتمامها الرائع والجميل
اتمني اني اكون جدير بى مكانة زي دي ..
واتمني اني اسمع راي الشباب والاصدقاء والكل هنا ..



تحياتي للجميع

الأخ مجدي ..

حقيقة كان لي لا بد من وقفة ها هنا ..

لأنني قد رأيت عندك ذلك الأسلوب الرائع في تناولك لمحاور الحديث وما تكنه من أشياء قمت بالتعبير عنها لا شعوريا ..


فقد اجتذبتني روعة الفكرة والموضوع ..

حقيقة لم اصدم بل أنني اتوقع لك مستقبل رائع يليق بحجمك الرائع ..

أتمنى لك التوفيق .. وسترافقك دعوتي حتى تنال ما تنال ..


بالتوفيق ..

توقن فنتي كتب:

شكرا الاستاز مجدي على الافادة القيمه والتوضيح الوافي
ورغم انني عضو في حزب المؤتمر الوطني ولكنني ا>ا وجدت
في حزبكم ما او اي حزب اخر يخدم الوطن والمواطن نحن ولست انا فقط سنشد
من ازر من يخدم انشاءالله
ومن مواضيعك ومشاركتك واسلوبك في الحوار يؤكد اهليتك لتمثلنا
في المجلس الولائي لولاية الخرطوم والي الامام اخي الكريم
ولي سؤال اخر
لم اراى تحالفات بين الاحزاب السودانيه رغم عدم فاعلية احزاب كثير
وهل كثرة الاحزاب يحدم الديمقراطيه الم يفكر حزبكم في التحالف مع اي حزب
اخر دمت اخي الكريم

العزيز توقن

اسف جدا علي التأخير والرد علي سؤالك ..

التحالفات السياسية
ما بتظهر فى الوقت الحالي
بل بتظهر فى اواخر شهر 2 قبل قفل باب الانسحاب بى اسبوع تقريبآ
فى المرحلة الجاية بتنسق التنظيمات فى ما بينها . بأعتبار تدعم مرشحينها فى التحالفات المعنية

فى الوقت الراهن

الاتصال حاصل فعلآ بي عدد كبير من القوي السياسية
فى كل ارجاء البلاد ولسة ما اتحسم التفاوض لكن بالضرورة حيكون تفاوض لمصحلة المواطن فى المقام الاول .. وكل الاطماع الحزبية ستزول فى اول انتخابات واول ديمقراطية حقيقية للشعب وللكل ..

وصراحة السودان بمر بمرحلة خطيرة جدا
وهي مرحلة الاستفتاء فى العام المقبل وبالضرورة لابد التعامل بحكمة شديدة
سواء كان من طرف النظام او الحركة الشعبية او التنظيمات المعارضة ...
والفترة الجاية حتشهد الساحة السياسية تحالفات قوية وعريضة وربما تشهد اندماج تنظيمات مع بعضها البعض ............


تحياتي

الكل هنا
لهم الشكر الجزيل ..
رغم صعوبة الحدث وثقل همه وكبره
الى اني اجد الراحة والطمئنينة حينما اقرأ لكم ..............................


فلكم مني جزيل امتناني وشكري الدائم ..

احسان كتب:

علي مجدي عكاشه هو مشهور جدا في المنتدي

واشهر عاذب في المنتدي ( يوميات عاذب )

اما خارج المنتدي بتمني من المرشح مجدي عكاشه يجي يدينا نبذه عنو بطاقتو الشخصيه يعني