صفحة 1 من 1
شهرالعسل اشاعه كبيييييييييييره
مرسل: الأربعاء 2010.1.6 1:27 am
بواسطة مذاهب
كدي يدكم معاي ياجماعه في الموضوع ده،شهرالعسل ليه بيقولوعليه شهر عسل؟؟؟؟؟؟؟؟؟؟
اناشايفه انو ممكن سموه شهراكتشاف شهرمرض شهرشمه شهراي اسم غير عسل 
طيب ليييييييييييييه؟؟
انا بقوليكم اول شي اتنين ماعارفين عن بعض اي شئ لقونفسهم في مكان واحد(مابعرفوشئ قصدت المعرفه العميقه اللي ما بتبين الا لوالناس عاشومع بعض) عادات مختلفه طريقه تعامل مختلفه كل واحد بيكون عاوز يضبح الكديسه للتاني ولوقررو انهم يضبحوها بعدين :Dيلا حتجي حاجه اسؤا وهي الخجل
وكلو واحد عاوز يظهر باحسن صوره(وده في الاول بس وبعد كده 
طاااخ)
المهم انا في راي انو الايام اللي بعد كده بتكون احلا واصدق واجمل بعدماالناس يتعودوعلي بعض ويبقا البساط احمديييييي!!!
كدي وروني رايكم في الموضوع ده وخلونا نستفيد!!
لكم امتناني....
رد: شهرالعسل اشاعه كبيييييييييييره
مرسل: الأربعاء 2010.1.6 1:30 am
بواسطة رغودة
.......
رد: شهرالعسل اشاعه كبيييييييييييره
مرسل: الأربعاء 2010.1.6 1:37 am
بواسطة الدويحي 2
واحد زمان سألوه أيهما أحلى الأرز أم الدجاج .. قال ليهم جيبوهم لي عشان أعرف ليكم الفرق هههههه
كدي قولي يارب ناس ود الدويحي يضوقوا الشهر ده ..
بعد داك كان عسل ولا بصل ما مشكلة ....
..............
طبعا لو كان الزواج عن علاقة حب عميقة سيكون شهر العسل من أحلى شهور الحياة ..
ولو كانت الشغلانه غُمُتِّـي ساي ،، يبقى الكدايس تعبت معاهم ...
رد: شهرالعسل اشاعه كبيييييييييييره
مرسل: الأربعاء 2010.1.6 1:39 am
بواسطة ابو العزائم احمد الطيب
مذاهب انتي فيك باقي نوم ولا شنو كديس شنو وفار شنو
بالله عليك الايام الحلوة دي الكديس بجي ماري عليها شهر العسل سمي بهذا الاسم يا مذاهب
التقليد جاء من شعوب أوروبا الشمالية فكانوا يُقدمون لضيوفهم فى الأفراح شراباً مصنوعاً من العسل ... ويستمر العروسان فى شرب هذا الشراب لمدة ثلاثين يوماً لما فيه من فوائد عظيمة و مقوية .
أصل هذا التقليد هندى ... فكان العريس يقدم لعروسه مهراً يتألف من ( 30 ) جرة من العسل .
أصل هذا التقليد صينى إذ كان على العروسين بعد عقد قرانهما أن يعملا مجاناً فى مزارع خلايا النحل لمدة ثلاثين يوماً حتى يعتادا على صعوبة الحياة و يجنيا العسل معاً .
رد: شهرالعسل اشاعه كبيييييييييييره
مرسل: الأربعاء 2010.1.6 2:05 am
بواسطة مذاهب
تحياتي رغوده علي مرورك وبعدين عشان انتي بت زي تعليقك كان صفقه وبفترض انك موافقاني
الراي ولا شنو؟؟؟ الانثي بطبيعتا حساسه عشان كده بكون ده الانطباع (مساكين نسوي شنو؟؟
)
تحياتي ود الدويحي وشكرا لمرورك طيب ياخوي شكلك كده متسربع علي العرس وبصراحه كده مستغربه من موقفك لانو شباب الزمن ده اخرحاجه بكرهوها الالتزام فحارفع ليك القبعه 
تانيااي اتنين يتزوجو يحبوبعض اوساااااكت خبط لزق ده كوم قبل العرس وبعدو كوم تااااااااااني
صدقني ياود امي فمن اول يوم حيجمعن مكان واحدكل واحد حيحس انوغريب علي التاني ومحتاج حبة وقت عشان يتعود
تحياتي ابوالعزائم انا مانايمه والله لكن دي حقيقه عن شهر العسل عموما ولوعملنا احصائيه انا متاكده انو كلامي حيطلع صح
وبعدين مسالة الاسم مشتق من تقليد هندي والله انا بشكرك شدييييييييييد لانو بصراحه اول مره اعرف الموضوع ده 
لكم امتناني.......
رد: شهرالعسل اشاعه كبيييييييييييره
مرسل: الأربعاء 2010.1.6 2:07 am
بواسطة ليه كل العذاب
على حسب الشخص
وزي ما قال ود الدويحي اذا كان عن حب حايكون احلى ايام في حياتهما بس اذا كان يدوب
حيكون شوي صعب بس كمان يمكن يكون على حسب الشخص في ناس يرتاحوا للبعض من اول يوم
والله اعلم
مع تحياتي
رد: شهرالعسل اشاعه كبيييييييييييره
مرسل: الأربعاء 2010.1.6 2:11 am
بواسطة الدويحي 2
مذاهب كتب:
تحياتي ود الدويحي وشكرا لمرورك طيب ياخوي شكلك كده متسربع علي العرس وبصراحه كده مستغربه من موقفك لانو شباب الزمن ده اخرحاجه بكرهوها الالتزام فحارفع ليك القبعه
تانيااي اتنين يتزوجو يحبوبعض اوساااااكت خبط لزق ده كوم قبل العرس وبعدو كوم تااااااااااني
صدقني ياود امي:001color]
يا مذاهب .. لك التحية على سرعة الردود ...
أنا أعرف شخص تزوج عن حب وكنت قريب منه أيام شهر العسل وكان آخر إنبساطة ..
السنة قبل الفاتت كنت في السودان ولاقيته وهو الآن عنده 3 بنات وولد .... والله شايف نفسه حتى الآن في شهر العسل... رايك شنو في الراجل ده ؟؟ هم الأتنين حتى الآن ما بقدروا يفارقوا بعض ولا يوم واحد ... أنا بعرفهم جيداً ..
رد: شهرالعسل اشاعه كبيييييييييييره
مرسل: الأربعاء 2010.1.6 2:15 am
بواسطة مذاهب
كل العذاب تحياتي وبتمنا انو حياتك تكون خاليه منووكلها عسل
انابس عاوزه اقول انو التفاهم والحب حاجه بتدعم المؤسسه دي وبتساهم في نجاحا لكن انا عاوزه اقول
انولوالناس ما بعرفو بعض قبل الزواج اصلا حتواجههم مشكلة تفاهم في البدايه لكن النقطه اللي انا عاوزه اثبتها انو حتي لوكان في حب قبل الزواج بعد العرس اوبمعني تاني بعد ال(اييوووووووووي ايووووووووي والعقد) الموضوع بختلف والوش التاني بضهر وشهرالعسل يبكون عباره عن واجهه بتتفرغ فيها جميع الحاجات دي عشان كده انا ما اعتبرتو انو من اجمل ايام حياتنا وبعدين بعدو الناس بتكون فهمت بعض والخلافات خفت
لك امتناني....
رد: شهرالعسل اشاعه كبيييييييييييره
مرسل: الأربعاء 2010.1.6 2:21 am
بواسطة مذاهب
الاخ ود الدويحي لك التحيه للمره الثانيه وشكرا علي تفاعلك
انت نبهتني لحته مهمه جدا وهي عدم التعميم لانو لكل قاعده شواذ لكن الاغلبيه هي بتقول كده وصحبك
الله يزيد سعادته لكن لوسالتو سؤال دقيق وقلت ليهو احلا ايامك هي شهر العسل؟؟
ممكن يفكر مسافه بعدين يرد بايوا اولا واذاكانت الاجابه لا ده ما معناتو انو تعيس او كان تعيس في شهر العسل
النقطه اللي انا عاوزه اوضحا انو الزوجين ممكن يكونو سعيدين اثناء شهر العسل وبعده لكن شهر العسل ما دايما هو اجمل ايام حياتم مع بعض
لك امتناني.....
رد: شهرالعسل اشاعه كبيييييييييييره
مرسل: الأربعاء 2010.1.6 2:23 am
بواسطة دق التحيه قدامك سودانيه
اكيد شهر العسل لو كان مع شخص بحبو حيكون احلا ايام العمر ولو كان الشخص مافي سابق معرفه يعني يكون شويه صعب لاكن طول ما قبلو يتجوزو حيتجاوزو المرحلاسريع عشان يعيشو شهرم اكيد
رد: شهرالعسل اشاعه كبيييييييييييره
مرسل: الأربعاء 2010.1.6 7:09 am
بواسطة السودانى الاصيل
بالعكس تممممام كلامك يا مذاهب
فالانسان لما اكون محروم من حاجه سنييين واليوم الاتحصل عليها بكون يوم عسل
ودا زى ما قال ليك اخونا ابو العزايم هى مصطلح معناه انو فلان وزوجتو فى ايامن الاوائل
من الزواج
يعنى اكونوا فى الفندق واجى اى زول اسال عن اخبار العروسين بقولوا ليهو فى شهر العسل
اما حكاية العسل اجى بعد الايام الاوائل فى تختلف توتلى
لانك فى الايام الاوائل اى شئ اقولوا ليك جيبو بتجرى جرى تجيبو بس متيييين تعرس
بعد ما الحكايه تبقى عاديه وانا بتكلم عن غيرى
بتبقى كانك بتصرف والمقابل ما شئ مهم او شئ عادى وفى متناول يدك فالعسل بتحول لى
بصل وخااصه لو نسيبتك نقناقه ومرتك برايه وجيب جيب
تكره اليوم الخلاك تعرس ههههههههه ولو كمان عاطل وشالوك من الشغل بعد العرس
رد: شهرالعسل اشاعه كبيييييييييييره
مرسل: الأربعاء 2010.1.6 7:17 am
بواسطة الفرح المهاجر
[align=center]كدى انا ما جربتو لمن اجربو احكى ليك
بى عسلو ولا بصلو ولا ملحو
كدى النضوقوووووووووووووووووو[/align][/size]
رد: شهرالعسل اشاعه كبيييييييييييره
مرسل: الأربعاء 2010.1.6 7:35 am
بواسطة رءوف
مذاهب كل ما نقول نتوب تفتحوا لينا النيران الله يجازيكم (خيرا)
زمان فى واحد اتزوج بنت عمه وطبعا زى اختو هو خجلان وهى خجلانة اها ماعرف يضبح الكديسة كيف من الخجل قعدوا ساكتين بغم ساكت مافى كل واحد اعاين لى التانى ولم عيونهم تقع فى عيون بعض يدنقروا فى الارض ..اها الجدادة جات ماشة قال ليها دى جدادتكم ؟؟......قالت ليه ايوة (معاها ضحكة)
اها قال ليها ....حقو الزول اقوم اعضيها ،،،،،، وكدة بقى ليهم سبب للونسة وفكوا الحاجز بتاع الخجل...
نجى للموضوع المابدور اتكلم فيهو دة ....خاصة بعد توبتى دى...تختلف اراء المتزوجين لم تسالهم عن شهر العسل تجد اختلاف فى اجاباتهم فاعتقد والله اعلم دة شى يعتمد على مدى تفهم وعقل الشخص ومدى وعيه وادراكه لانو كل واحد له طريقة تختلف عن الاخر فى ضبح كديستو والله اعلم
اكثر واحد رقيق ومشاعره لطيفة ممكن يكون تخطى شهر العسل باروع مايكون نسبة للطافته وزوقه هو الاخ اسير غربتى ممكن ادينا شوية جرعات
رد: شهرالعسل اشاعه كبيييييييييييره
مرسل: الأربعاء 2010.1.6 1:36 pm
بواسطة القلب الملك
والله استفهامك لذيذ خلاص ،،، لما قعدت اتبسم براي
كدي خليني اسرح شوية ،،، وبجيك ،،، 
رد: شهرالعسل اشاعه كبيييييييييييره
مرسل: الأربعاء 2010.1.6 1:57 pm
بواسطة رءوف
القلب الملك كتب:والله استفهامك لذيذ خلاص ،،، لما قعدت اتبسم براي
كدي خليني اسرح شوية ،،، وبجيك ،،،
واى لكن مالقيتك خبرة يا انت
رد: شهرالعسل اشاعه كبيييييييييييره
مرسل: الأربعاء 2010.1.6 3:07 pm
بواسطة القلب الملك
رءوف كتب:واى لكن مالقيتك خبرة يا انت
هههههههههههههه ،،، رصيدك نزل يا دا ،،، عشان بكرة الخميس ؟
رد: شهرالعسل اشاعه كبيييييييييييره
مرسل: الخميس 2010.1.7 2:34 am
بواسطة مذاهب
انين،السوداني،الفرح ،القلب،روؤف شكرا علي ردودكم
الموضوع بختلف اختلاف كبيرمن زوج للتاني ومهما حاولنا الجزم فيهو برضووووووووووووبنرجع ونقول يمكن ويمكن!!!
وبرجع تاني واكرر انو الحب ماعندو علاقه بالعررررررررررررررس:smiels0:
رد: شهرالعسل اشاعه كبيييييييييييره
مرسل: الخميس 2010.1.7 11:37 am
بواسطة القلب الملك
مذاهب كتب:انين،السوداني،الفرح ،القلب،روؤف شكرا علي ردودكم
الموضوع بختلف اختلاف كبيرمن زوج للتاني ومهما حاولنا الجزم فيهو برضووووووووووووبنرجع ونقول يمكن ويمكن!!!
وبرجع تاني واكرر انو الحب ماعندو علاقه بالعررررررررررررررس:smiels0:
كأنك قاصدة البتزوجو من غير علاقة سابقة؟
لو فهمت صاح ،،، لازم تتخلق نوع من الإلفة في الأيام دي تخليها أيام عسل ،،،
ربما عبرها يكتشف الحب ،،،،
لكين من ناحية عسل ،،، عسل ،،، لو كان الزوجان عسل ،،، 