منتدى أنا سوداني

مرسل: **الثلاثاء 2010.1.5 1:01 pm**

العضو الجميل بلبل2 ...
هذا من أول الأعضاء الذين لفتوا إنتباهي بالمنتدى وذلك من خلال ترحيبه المميز وصورته الغامضة ..
طبعا أنا بقول غامضة لأن لمن أعاين ليها تلقاني بفكر في حاجات كتيرة
مثلاً الزول ده زعلان ولا فرحان؟؟ الزول ده شكله صعب شديد يخوِّف...
لكن تاني أرجع وأقول عمكم ده شكلو زول حبوب .. ما قلت ليكم صورتو غامضة ..

نجي للترحيب ..

شرفنا تواجدك في هذا المنتدى الراقي والجميل
الراقي بأهله وناسه
والجميل بما يحتويه من علم نافع وطرفة جميلة
الف الف الف الف الف مرحبا
وهلا وغلا ................
ونرجو لك طيب الاقامة معنا بين اخوانك واخواتك
وان تثري هذا المنتدى بما لديك من جديد
وأن تفيد وتستفيد انشالله
ولك خااااااااالص
الحب.. والود.. والاحترام ..والتقدير....
.....تحياتي بلبل

والله لمن ألقى بلبل ما موجود بشعر وكأنو الديوان سيدو مافي ...
بعدين كل ما أدخل ألقاه مرحب ليهو بي زول أتذكر اليوم داك لمن رحب بي ..
منو منكم ما بتذكر ترحيب بلبل2 صاحب الصورة المميزة؟؟

مرسل: **الثلاثاء 2010.1.5 1:42 pm**

فعلا يا اخ ود الدويحى اخونا بلبل2 من الاعضاء الذين تحس بقربهم
وهو شخص حبوووب ويستحق لقبه حبيب الكل

التحيه لك اخى بلبل2 وايضا التحيه لك اخى ود الدويحى
ولا يعرف قدر الرجال الا الرجال واديكم العافيه واديم الود بيننا

مرسل: **الثلاثاء 2010.1.5 1:51 pm**

مافي واحد شجااااااع يفتفت لينا الصورة دي ؟؟؟؟
البلد دي ما فيها فنانين تشكيليين يمرقوا لينا الزول دا أي كلام ؟؟

مرسل: **الثلاثاء 2010.1.5 3:28 pm**

لكن ما تقول لي يا بلبل ...... عندك جضوووووووووووم في هناي مافي
وكمان لابس نظارة سوداء كده

مرسل: **الثلاثاء 2010.1.5 5:18 pm**

اخى ود الدويحى بالجد ما عارف اكتب ليك شنو بس فى الاول بقول ليك كل سنة وانت طيب والسنة الجاية عريييييييشش كده قول يارب وان شاء الله احلامك وامانيك كلها محققة ...
بالنسبة للصورة والله يا ود الدويحى فى ناس كتير فهمونى بيها غلط وقالو انا انسان صعب وغامض . والكلام ده كلو غلط انا انسان عادى جدا وبسيط جدا وبحب كل الناس وما بحب حد اكون زعلان منى ولا شايل فى قلبو منى نهاى وبحب الحياة جدا جدا.
اما بالنسبة للترحيب لانى بحب منتدانا ده شديد وبحب كل الاعضاء الفيهو وبحب كل الناس تكون يد واحده وبتحب بعض فى الله لله تلغانى من ما ادخل المنتدى اول شى بعملو بفتح منتدى الترحيب بالاعضاء الجدد وبشوف اذا فى عضو جديد ارحب بيهو ولو لى مراد اشيلو فوق راسى دى كل القصة باختصار .

مرسل: **الثلاثاء 2010.1.5 5:22 pm**

بلبل انسان جميل وود ناس وأكيد بحب بلدو
وبحب أولاد بلدو له التحية على كرمه الفياض

لكن صورتك حلوة

مرسل: **الثلاثاء 2010.1.5 5:25 pm**

السودانى الاصيل كتب:
فعلا يا اخ ود الدويحى اخونا بلبل2 من الاعضاء الذين تحس بقربهم
وهو شخص حبوووب ويستحق لقبه حبيب الكل

التحيه لك اخى بلبل2 وايضا التحيه لك اخى ود الدويحى
ولا يعرف قدر الرجال الا الرجال واديكم العافيه واديم الود بيننا

اخى وصديقى وحبيبى السودانى الاصيل اسم على مسمى والله رجل والرجالو قليلو
احبك فى الله لله وافتخر انك صديقى واشكرك على الكلمات الرائعة واخجلت تواضعى.
اها يا ود الدوحى عمك السودانى الاصيل ده واحد من الناس الرحبو بى وشجعونى انى
احب المنتدى ده واواصل فيهو وزول قلبو ابيض وبحب المنتدى وغيور عليهو شديد واخو اخوان لك تحية خاصة من القلب للقلب يا غالى ...

مرسل: **الثلاثاء 2010.1.5 5:25 pm**

داااام إكتشفنا غموض الصورة والترحيب

والنتيجة زول قمة في الروعة والبساطه

انا بالنسبه لي في حآآآجه غامضه في الزول ده الاسم

بلبل2 هل الاسم ليهوو معني معين وليشنوو 2 بالذات ليش مو 4 او اي رقم؟؟؟

مرسل: **الثلاثاء 2010.1.5 5:30 pm**

ahmede كتب:لكن ما تقول لي يا بلبل ...... عندك جضوووووووووووم في هناي مافي
وكمان لابس نظارة سوداء كده thumbup.gif

حماده يا معلم مشتااااقين يامان اخبارك واخبار هناية كمان ...
قلت لى جضوووووووم فى هناى ولا هناية قصدك ...
النظاره السوداء دى انت ما عارف سرها صح ..

وسجل لى هناى دى .........

مرسل: **الثلاثاء 2010.1.5 5:38 pm**

ود القبيلة كتب:
بلل انسان جميل وود ناس وأكيد بحب بلدو
وبحب أولاد بلدو له التحية على كرمه الفياض

لكن صورتك حلوة

اخى ود القبيلة اخجلت تواضعى وانت الجميل والله والكرم كلو يازوق ..
بالنسبة لحب الوطن فدى حاجة اكيده وما اظن مافى حد فينا ما بحب وبفتخر انو سودانى
اما اولاد بلدى يعلم الله كم احبة فى الله جميعا ونفسى اقابل كل عضو من اعضاء هذا
المنتدى الكبير واتعرف عليهم فردا فردا وربنا ما افرقنا من بعض ودائما نكون يد واحده
ونفيد ونستفيد من بعض ان شاء الله .........

مرسل: **الثلاثاء 2010.1.5 6:09 pm**

فــتى الفلامنكو كتب:داااام إكتشفنا غموض الصورة والترحيب

والنتيجة زول قمة في الروعة والبساطه

انا بالنسبه لي في حآآآجه غامضه في الزول ده الاسم

بلبل2 هل الاسم ليهوو معني معين وليشنوو 2 بالذات ليش مو 4 او اي رقم؟؟؟

اخى الصغير ورح المنتدى فتى الفلامنكو يا عششششششل
مافى شى غامضة فى الاسم بلبل ده لقب الدراسة اما الرقم 2
وكت اشتركت كان فى عضو مسجل ب بلبل فانا سجلت بلبل 2

مرسل: **الثلاثاء 2010.1.5 6:32 pm**

حقيقى بلبل حبيب الكل وحبيب المنتدى
فعلا انسان فى قمة الروعة والزوق
وحبوب جدا جدا

مرسل: **الثلاثاء 2010.1.5 6:55 pm**

شنو البوست بتاع تكسير التلج دا غايتو جنس تكسير بس ههههه

بلبل عضو نشيط في المنتدي ومواضيعه جميله

مرسل: **الثلاثاء 2010.1.5 6:59 pm**

صح كلامك هو بالجد زول راقي واسلوبو حلو
ومواضيعو هادف
تقبل مروري

مرسل: **الثلاثاء 2010.1.5 7:04 pm**

كلامك كلو صح ياود الدويحي بلبل هوحبيب الكل وذات قلم راقي واسلوب مميز
مع تحياتي

مرسل: **الثلاثاء 2010.1.5 7:27 pm**

انا احد الذين يرون بلبل في كل الاعضاء

فلك مني كل الود اخي بلبل

وشكرا كتير اخي ود الدويحي لفرد هذه المساحة حتي نحاول جاهدين إعضاء بلبل ولو القليل جدا من حقه

مودتي

مرسل: **الثلاثاء 2010.1.5 8:32 pm**

بلبل 2 (البلبل الغريد )يازول يوم شكرك الله ماجابو
لكن والله اخ وحبيب وراقي جدا في مواضيعو ومشاركاتو
دمو خفيف بصراحة ومن الاخر كدا بلبل 2
يعد من الاركان التي يثبت عليها المنتدي الان فلك ودي بلبل
وانت قد نلت رضا الجميع باحترامك وتعاملك الراقي مع كل الاعضاء
مالفت انتباهي ايضا ووالله شي يعد صفة جميلة وهي التي اوصلتك
الي المكانة المرموقة التي وصلت لها الان ؟هو ترحبيك بالاعضاء الجدد لان الشخص الجديد في اي
منتدي يعتبر جديد علي دار لم يعرف فيها احد فبمجرد مايجد من يرحب به
من اهل هذه الدار سيكون هو الشخص المحبوب والكريم في قلبة الي ان يفارق
تلك الدار؟؟
تحياتي ودالدويحي علي تلك السانحة الطيبة
التي فتحت لنا بها المجال ان نقول فيها كلمة شكر وعرفان
في حق هذا العظيم بلبل 2
تحيـــــــــــاتي

مرسل: **الأربعاء 2010.1.6 12:16 am**

بلبل حبيب الكل
لك مني كل الود

مرسل: **الأربعاء 2010.1.6 1:00 am**

دمعة شوق كتب:
شنو البوست بتاع تكسير التلج دا غايتو جنس تكسير بس ههههه

بلبل عضو نشيط في المنتدي ومواضيعه جميله

دمعة شوق ... إزيك ..

إنتي الزول الوحيد حتى الآن أرد عليه في هذا البوست ..
عايز أقول ليك معلومة قد تستغربي منها وهي أنني حتى الآن لم أتعرف على بلبل بصورة شخصية ولم أتشرف حتى برسالة خاصة واحدة معه ...
يعني الشغلانة ما فيها أي كسير تلج ... شخصية في المنتدى وأثارت إعجابي ليس أكثر وأنا مـتأكد بأن بلبل2 قد تفاجأ بهذا البوست خاصة وانه من شخص لم يتعرف عليه حتى الآن ..
تخريمـــة : يمكن البوست ده تلقوا فيه راحتكم وتكتروا من التلج بدون ما يسألكم زول ...

مرسل: **الأربعاء 2010.1.6 1:09 am**

الضراع كتب:

تحياتي ودالدويحي علي تلك السانحة الطيبة
التي فتحت لنا بها المجال ان نقول فيها كلمة شكر وعرفان
في حق هذا العظيم بلبل 2
تحيـــــــــــاتي

شكرا يالضراع على كلامك الجميل وحقاً سعدت بمداخلاتكم الرائعة التي أثبتت لي أنني لم أخطئ بتنزيل هذا البوست ..
باقى كلامك التحفة الي سطرته بحق بلبل2 خليتو يرد عليه بلبل بنفسه لأنه يصعب علي الرد
بس أسمعها منِّي : لمن يكون مزاجك رايق بتكتب كلام جميل ومرتب يخجل الزول من الرد عليه ...

منتدى أنا سوداني

بلبل2 .. الصورة والترحيب

بلبل2 .. الصورة والترحيب

رد: بلبل2 .. الصورة والترحيب

رد: بلبل2 .. الصورة والترحيب

رد: بلبل2 .. الصورة والترحيب

رد: بلبل2 .. الصورة والترحيب

رد: بلبل2 .. الصورة والترحيب

رد: بلبل2 .. الصورة والترحيب

رد: بلبل2 .. الصورة والترحيب

رد: بلبل2 .. الصورة والترحيب

رد: بلبل2 .. الصورة والترحيب

رد: بلبل2 .. الصورة والترحيب

رد: بلبل2 .. الصورة والترحيب

رد: بلبل2 .. الصورة والترحيب

رد: بلبل2 .. الصورة والترحيب

رد: بلبل2 .. الصورة والترحيب

رد: بلبل2 .. الصورة والترحيب

رد: بلبل2 .. الصورة والترحيب

رد: بلبل2 .. الصورة والترحيب

رد: بلبل2 .. الصورة والترحيب

رد: بلبل2 .. الصورة والترحيب