صفحة 1 من 1
رجاء أبعدوا عن الأخطاء الاملائية
مرسل: السبت 2009.12.26 8:26 am
بواسطة أنا منو
حبايبنا الحلوين
ازيكم وكيف أخباركم وان شاء الله تكونوا تمام التمام
بصراحة لاحظت الكثير من الأخطاء الاملائية اثناء المشاركات في المنتدى مثلاً كلمة زول يكبتوها (ذول) وكلمة انت يكتبوها (انتا) وحاجات كتيرة جداً وعشان المنتدى دة بدخلوه ناس غير سودانيين نرجو أن نصحح أخطائنا الاملائية وبرضو عشان نكون قدوة للناس الغيرنا المابعرفو اللغة العربية على أصولها يعني غير الناطقين بها
وتحياتي للجميع،،،،،،،،،،،،،
رد: رجاء أبعدوا عن الأخطاء الاملائية
مرسل: الأحد 2010.1.3 7:33 am
بواسطة ahmedBolbol
شرفنا تواجدك في هذا المنتدى الراقي والجميل
الراقي بأهله وناسه
والجميل بما يحتويه من علم نافع وطرفة جميلة
الف الف الف الف الف مرحبا
وهلا وغلا ................
ونرجو لك طيب الاقامة معنا بين اخوانك واخواتك
وان تثري هذا المنتدى بما لديك من جديد
وأن تفيد وتستفيد انشالله
ولك خااااااااالص
والاحترام الحب.. والود.. ..والتقدير....
.....تحياتي بلبل
رد: رجاء أبعدوا عن الأخطاء الاملائية
مرسل: الأحد 2010.1.3 7:43 am
بواسطة رءوف
أنا منو كتب:حبايبنا الحلوين
ازيكم وكيف أخباركم وان شاء الله تكونوا تمام التمام
بصراحة لاحظت الكثير من الأخطاء الاملائية اثناء المشاركات في المنتدى مثلاً كلمة زول يكبتوها (ذول) وكلمة انت يكتبوها (انتا) وحاجات كتيرة جداً وعشان المنتدى دة بدخلوه ناس غير سودانيين نرجو أن نصحح أخطائنا الاملائية وبرضو عشان نكون قدوة للناس الغيرنا المابعرفو اللغة العربية على أصولها يعني غير الناطقين بها
وتحياتي للجميع،،،،،،،،،،،،،
مرحب بيك واهلا وسهلا ودى حاجة حلوة بس اعتقد لانو الناس فى عصر السرعة لذا يختصروا
اعتقد انك كمان كلمة بيدخلوهو كتبتها خطأ ونرجوا نسيت واو الجماعة وبرضو فى المابعرفوا نسيت واو الجماعة .. ويقول الاستاذ/فراج الطيب اللغة العربية على اصلها اى منبعها ومنشأها ولا نقول اصولها لاننا لم نقول اصولها نرجع اللغة العربية الى انها لها فروع اخرى وهى لغة القران ليس لها فرع اخر سوى الحروف التى كتبت بها بمعنى انها غير مشتقة من اصول اخرى
ولك تحياتى
رد: رجاء أبعدوا عن الأخطاء الاملائية
مرسل: الأحد 2010.1.3 8:14 am
بواسطة jasmina
[glow=ffff66]
صح كلامك المفروض كدة
لكن رغودة مسكت عليك زي مامسكت على ناس المنتدى.
[/glow]
رد: رجاء أبعدوا عن الأخطاء الاملائية
مرسل: الأحد 2010.1.3 9:05 am
بواسطة معتز سيد
أولاً نحييك [fot1]أنا منو[/fot1] على الرأي وأكيد هو بصب في مصلحة بلدنا السودان والسودانيين
لكن المنتدى مفتوح لعموم السودانيين ومن أراد من الأشقاء غير السودانيين بمختلف الأعمار والمستويات التعليمية. وبعض الناس فعلاً ما عارف الصاح من الخطأ.
إضافة لأننا -كسودانيين- فعلاً كتير مننا قد يواجه مشكلة في التمييز بين (ذ) و (ز) مثلاً أو (ق) و (غ)
فليه ما نظهر زي ما نحن بكل شيء فينا الصاح يظهر صاح والخطأ يظهر خطأ.!؟ أنا برأيي هذا ليس عيباً قد يكون نتاج لتعدد اللهجات و(الرطانات) في بلدنا.
ودي أبداً ما مشكلة تخلينا نتعقد منها لأنه في الكتير من اللهجات بنلاقيهم بواجهوا مشكلة في نطق حرف معين أو عندهم كلمات ما أنزل الله بها من سلطان في اللغة العربية 
.
وأخيراً وليس آخراً أحياناً كثيرة الكتابة بتكون باللهجة العامية حتى في الحوارات الجادة ومعروف انه اللهجة العامية فيها عدم التزام بالقواعد الإملائية والنحوية وحتى الكلمة احتمال ما يكون عندها أصل في اللغة العربية (لكن اللهجة عندها طعم خاص في أحيان كثيرة). زي ما ظاهر في مشاركاتنا هنا نص الكلام عربي ونصو لهجة عامية 
.
وشكراً كتير ونحييك على الاهتمام
رد: رجاء أبعدوا عن الأخطاء الاملائية
مرسل: الأحد 2010.1.3 9:09 am
بواسطة رغودة
أنا برضو بقول إنه فعلا إحنا بنتكلم بالعامية عشان كده مابنراعي شديد للكتابة والأخطاء النحوية لكن مثلا يا أخ معتز أنا مابحب الأخطاء الشاذة شديد والحتى احنا بالعامي مابننطقها كده زي ذول ولا كتابة الغين برضو مابتعجبني بحسها تشوه منظر الكلام في الكتابة وغيرها... لكن باقي الكلام عادي بس في حاجات فادحة بترفع ضغطي شديد
فاهمني؟؟
رد: رجاء أبعدوا عن الأخطاء الاملائية
مرسل: الأحد 2010.1.3 10:31 am
بواسطة معتز سيد
[fot1]رغودة[/fot1] و[fot1]ذات الشجون[/fot1] صاح أنا معاكم.
دي ممكن تكون لسببين : انه أصلاً الشخص ما عارف الفرق بينهم.
أو ممكن يكون لا يبالي زي ما قال رءوف من السرعة.
اذا كان الخطأ في العنوان أظن أحسن تعديله بتبليغ الإدارة . لأنه لا يمكن تغيير العنوان إلا من قبل الإدارة والرقابة.
أما إذا كان خطأ في المشاركات والردود. أدلكم على بوست لأخونا [fot1]الأشيتر[/fot1] بتلقوهو في الراكوبة على ما أظن بعنوان (أعد) . ألقوا عليه نظرة قد ينفع في حمل الأعضاء على التقليل من الأخطاء بقدر المستطاع.
وفكرة البوست انه اذا لاقاك خطأ أعمل اقتباس وانشره في البوست. فقط أوصيكم بتوخي الحذر ممكن تتعرضوا لانتقادات ومشاكل 
.
رد: رجاء أبعدوا عن الأخطاء الاملائية
مرسل: الأحد 2010.1.3 12:06 pm
بواسطة السناري
التحية
لك شكري وتقديري علي الاهتمام باللغة العربية الفصيحة
واقول
المنتدي سوداني مصبوغ بالصبغة السودانية واللغة الدارجة كثيرا ما تقلب الحروف ونحن نريد المنتدي ذو طعم ورائحة سودانية لذا تكثر كتابتنا بالعامية مما يبدو لك بعضها اخطاء واحينا يكتب احدهم قاصدا كنوع من الطرفة فيقول يا اخوانا اتو مسعولين من الخير وهكذا
اعتقد ان هناك قسم مختص باداب اللغة العربية من قصة ونثر وشعر يجب ان نتشدد فيها اما بقية المواضيع فلا باس مادام الامر لم يتخط حدود المعقول
أحسنت تنبيهك في محله... 
