منتدى أنا سوداني

يا سحابة زوري احبابنا الهناك ..
وقولي ليهم الرسائل ما بتكفي حتي لو كانت قصائد .
والهواتف ما بتطمن حتي لو طال الكلام ...
البكفينا العيون تحضن عيونك.
والايدين تحيا بلمسه سلام ...
*************************************
مرات احس انك براك ما زينا انت الملاك ونحن البشر..
صمتك اصيل حزنك نبيل زي الغناوي المرهفه زي الدعاش ...
ويا روعتك لمن تفيض بالطيبة زي موج البحر تغمر ضفافنا محبتك ....
*************************************
عيوني أنا ....
عيون ترحل تسافر ليك ..
عيون مسكونه بي زاتك..
بتتمناك وتفرح بيك...
*************************************
اشتقت ليك
اشتقت للحظة البتسرق عمري كلو تجيبو ليك
اشتقت للنجم البسافر في الخيال يرحل يجيك
اشتقت والشوق
مستحيل في دربو يتمرد عليك
*************************************
ياغنوة في وترا حزين
ياضحكة في الزمن الصعب
يا واحة في عز الهجير
يا راحة من بعد التعب
يانسمة هبت في الدغيش
عزفت علي وترا صعب
يا رحمة من رب العباد
مكبوبة فوق خلق الله كب.
*************************************
هناك اشخاص يعزفون على اوتار احساسنا الحانا رائعة ...
ويخلدون فينا ذكرى لاتمحى ....
نهفو الي رؤياهم ...
ويزدان الوجود بهم ...
لنا الفخر بمعرفتهم ...
فليحفظ الله الود بيننا ...
*************************************
اتخيل الزول يشتهيك ويخاف
ويهرب من لقاك...
يخاف عليك من شوقو ليك...
ما شوقو اكبر من هواك ...
ما ريدو ليك ما بتوصف ما روحو دائما مشتهاك ...
ما قلبو غيرك ما عرف وما مستعد يعرف بلاك...
*************************************
قالو أصلو الدنيا معبر ..
فيها جد ما بتلقى راحة...
إلا صاحب ليك يعزك...
يبقى عنوان الصراحة...
في غيابه الدنيا وحشة...
فاقدة لي انوار صباحة ...
*************************************
لما اشتاق لعيونك ما بيكون الشوق جريمه !!
ولما يسال قلبي عنك بالحنان الفيهو ديمه !!
يبقى دا الوضع الطبيعي للمشاعر المستديمة ..
*************************************
عشان خاطرك تمد عين الشمس نورا..
وتدور ترتاح ملامح الدنيا تتغير وقت ما انتا تطوي براح ..
وكل حمامه لما تشوف جمال عينيك تطير وتشيل سلام وسماح..
تسافر ليك بدون ميعاد يحرك شوقا الف جناح ...
*************************************
ستبقي في فمي نغما اردده مدي الدهر..
وفي روحي مناجاه ورمزا للهوي الابدي..
إذا ما غبت عن عيني فليس تغيب عن فكري ..
أراك بكل ما حولي خيالا سابحا يسري..
أراك وانت لا تدري ولا ادري متي تدري ..
*************************************
عندما يتوارث الناس روائع الأشياء أباً عن جد ...
تكون الخصال بمعاني ألأصالة والق التهذيب الشفيف...
هكذا التقيناكم...
وهكذا ...(عشقناكم).. حتى الارتواء...
وتبؤتم في دواخلنا اماكن لا يدخلها الا الملوك ..
لك الود ايها الملك الرقيق....
*************************************
وحاتك انت لما تغيب نحس بقلوبنا تايهه وراك ..
ومهما يطول عذابنا معاك بنرجع تاني لدنياك..
لا حسينا يوم بندم ولا فكرنا يوم ننساك ..
*************************************
فتشت ليك أجمل حروف ..
لو ألقى ليك أجمل وصف..
كل الحروف إتغازلت..
والنسمة ليك إتنازلت..
يا أغلى من كل البشر..
يا نسمه جات والدنيا حر..
*************************************
ولما الفرقة تطرانا بشيل خطواتي واتباعد ..
ولسه عيوني في عيونك بي يوم بكرة تتواعد !!
أعاين ليك وأشيل ذادي ..
وأخاف ميعادنا لو عاند ..
أجيب من وين متل عينيك لو رجع الحنين عاود...
*************************************
سلام كتير لا بتشال ولا بتقال ..
وشوق دفاق أخره محال ..
يقولك عني كيف الحال ..
*************************************
مساك نديان وليلك بالفرح عامر..
نهارك خير ويومك شرو مكتوف اليدين حاير..
*************************************
يا سحابات اشتياقي صبي في راحة يديهو ..
اكتبيلو اني دائما بفقدو وبسأل عليهو ..
*************************************
لو اهاجر ماني هاجر..
لو اغيب انا من عيونك أنت في عينى حاضر..
مانى ناسى ومانى قاسى الا بس مشتاق وصابر..
*************************************
احسك تسري بين الدم..
اشمك يا عطر ينشم ..
اشيلك جوه شرياني علي كيفك تضخ الدم ..
*************************************
ما على لو جات مواكب
ولا فاتتني المراكب
القمر ما دام معايا
أعمل إيه أنا بالكواكب ..!
*************************************
و الله ماني كاره وصل الاحباب
لكن ظروف الوقت هي عاندتني..!
يا وقت أنا اللي من ضحاياك منصاب
و زود البلا دنياي ماريحتني..
مهما حصل مانسى الحبايب والاصحاب
و لهم مكانة لو ظروفي حدتني..!
*************************************
فتشت في اعماق دواخلي التشتهيك عن كلمة توصف شوقي ليك..
مالقيت غير نبضات قليب يلفظ اواخر انفاسو بيك ...
يفضل يردد كل دقة وكل ثانية مشتهيك
واحن اليك وفي كل نبضة تلقاهو ذايد شوقو ليك.....
*************************************
وكت نحتاااج بنرجع ليك
بندخل فى الحروف نلقاك
وفى نبض االقصيد نلقاك
وفى لون الغبش نلقاك
وفى وهج الصباح نلقاك
وفى كل العيون نلقاك
واصلك انته لسه معانا فى شريانا فى وجدانا فى دنيانا خلدناك.
*************************************
نتقابل ونرسم في حشا الأيام تصاويرنا
نضيع في زحمة الدنيا وتحس بالألفة ناس غيرنا
مع ضوء الشمس تشرق ملامحنا وتعابيرنا
ونضيع لكن لسه موجودين , لا بنتعب ولا كملت مشاويرنا
ونتفابل
*************************************
اقسم قلبي بارتشنات
واعمل صوتك mp3
وكل صورك خلفيات
وانزل ويندوز الريدة بدون تعريفات
تكون زكراك كرت شاشتي
ويكون حبك مع السورصات
وامسك الكي بورد والماوس والباص ويرد والفايلات تجي
وفي الاخر تدوس فورمات
*************************************
لما تهجع في وسادتك تلقي روحي ملت جوانحك
ولما تغمض رمش عينك ابقي في نومك ازاحمك
ولما تبقي امام مرايتك تلقي صورتي كست ملامحك
ولما تمرق لي صحابك وكل زول بي شوق يسالمك
تلقي في ايديهو ايدي ولمحة من عيني تصافحك
*************************************
بتمر علي نسمات دعاش طافت علي ما الطفا..
بتشيل سلامي وشوقي ليك تهديك اشعار الوفاء..
ترحل تجيك عز الصعيق وتلاقي في حضنك دفا..
وانا لما قلبي إختار يعز إختارك انت وإكتفى..
*************************************
يا السمح
خصايلك
مشتاقين
لرسايلك
هل أنعدمت
وسايلك!
أم إتسرق
موبايلك!!
************************************
صورتك في فكري على
سبع شاشات..
وأفضل برامج سهرتي
؛؛ ذكرياتك؛؛
لوشوشت على البث
كل المحطات..
يلقط رسيفر خاطري
؛؛ ذبذباتك؛؛
جرب على ريموت الاحساس ضغطات...
تلقاه مايختار الا
؛؛ قناتك؛؛.
*************************************
فقدناكم ولو بي ايدنا
وسط الحلم جيناكم
وحشتونا ولا ندرى اذا كنا وحشناكم
*************************************
اشتقنا ليك لمن عيون الشوق بكت
واحترنا كيف نعبر متاهات الدروب الابعدت...
ولمن عرفنا الشوق حبالو اتمددت
رسلنا اجمل امنيات لي اغلي زول واحشنا جد والشوق كتير لمن غلط
الفين سلاااااااااام


منقوووووووووووووووووول

مشكور الاخ هتان والله رسأيل جميلة ومعبرة وانا اجمل رسالة وصلتني

[frame="3 80"]ليس معني الموده أن نلتغي كل يوم ...
وليس عدم اللقاء هو يعني عدم المحبه ...فليس كل لقاء موده
ولا كل غيبه جفوه ...قال الامام أحمد ...إنا لنا إخوانا لا نراهم إلا في كل سنة مرة نحن اوثق بمودتهم ممن نراهم كل يوم..[/frame]

بسم الله الرحمن الرحيم
السلام عليكم ورحمة الله وبركاته
.....ونست بيك كل النجوم الباسمة في ثغرالسماء......وحلفت بيك أسقي الغيوم زمزم نقاك والآمكنة وناديت عليك رجع الصدي وردد معاي الدنيا دونك مبهمة,,,,,,,,,,,

شبابنا
متين نرجع
اود
ود حلفا
بنت الكلاكله


شكرا ليكم كتير علي مروركم و علي رسايلكم

و بهديكم الرساله دي

بنطراكم حنين وهيام .. ونهديكم شوق وسلام ... ونوعدكم ودادنا يدوم ... مدى الايااااااااااااااااام

تسلم البوست
بس حقيقى اخر رساله

واروع رسالة


بتتكون من جملة واحدة

بحبك

هههههههههههههههههههه
ههههههههههههههه
هههههههههه
ههههه
هه




استارو يا خوي

الرجال كالمسامير لا تزيدهم الشواكيش الا ثباتا

هههههههههههههههههههههههههههههههه
هههههههههههههههههههههههههههه
هههههههههههههههههههههههه
هههههههههههههههههههههه
ههههههههههههههههههههههه
ههههههههههههههههههههههههههه
ههههههههههههههههههههههههههههههه



لكن يا موني وسختيني جنس وساخه خاصه و اني كنت ماشي الجامعه

الكلام غللبو المشي خايف يجيك
يلقاك ملاك ما يبقى قدرك يختشي
لكن حروفي اتسربت هربت مني جاتك
تنتشي خجلانه ما تقول اي شي
وهي عارفه انك كل شي

[frame="1 80"]شكرا هتان
تعال نعمل مبارة نشوف مين فينا شوقوا أكثر * العيون تحكم علينا والبيرمش هو البيخسر..قول حكمنا صفر وطلعنا متعادلين وبي دقات القلب النتيجه اكيد حتظهر . البفوز يشيل الكاس وهو البريد الثاني اكثر***
صعب علي البوح حين تكون كل الشوق انت وكل ايامي رحيل[/frame]

عارفك لا بتزعل و لا بتقسي
سفينه كل ما ترحل
يردها شوق للمرسي

عندي رساله عاجباني شديد ... كلما اقراها بتعني لي شي مختلف

إنتبه
لا تركب الموج البناغم
و جرسو ناعم
بكره بعتمدك ... غريق

صراحة رسايل حلوة ومعبرة انا عندي فوق ال500 مسج في تلفوني وما عارفة اختار ياتو وحدة بس حكتب وحدة وان شاء الله تعجبكم

شوق زايد في بعادي وديمة في الوجدان احسو ..ما بتغيب الذكرى عني حتى لو حبايبي ينسو .. وديمة بسال كيف صباجهم وكيف مقيلهم وكيفن امسو..

بعزك ما كلام مني ,,, ولا ريق العشم جف
ولا في لحظه اتجليت ,,, طلع مني الكلام صدفه
بعزك عن وعي واصرار ,,, و عن تقدير و عن عرفه




مهداة الي كل اعضاء و مشرفين منتدي انا سوداني ,,

انا كل راساليلي حلوة