منتدى أنا سوداني

القلب الملك كتب:

سلام يا أحباب


بعد ما استمتعنا بما خط يراعه ،، وبمواضيعه الشيقة ،،، وأسلوبه المميز ،،، ومداخلاته اللطيفة ،،،


يسعدني أن أقدم لكم صورة صديقنا الأخ

رءوف ،،، تحية لكل الأعضاء ،،، وبالأخص اللائي لم يتزوجن ،،،

<<<<كم من المائة تعطي وسامة رءوف؟>>> تعالن للتصويت،،،



مبدئيا الصورة حتكون في توقيعي ،،،

معقولة يا القلب الملك

دى انا جاية جارية التقول ساكانى غنماية الاشلاك

ولابسة السفنجة واحدة خضراء والتانية ظهرية

ودا كله عشان عايزة اشوف الصورةوالقاها لسع ما نزلت

رغودة كتب:يارءوف وريهو ولا نزلها إنت ..

القلب الملك كتب:يا جماعة بسرعة قبل ما أوفا يغير رايو ،،،


خالتو (رغودة) انا خايف تغيري رايك لما تشوفي رءوف

رغودة كتب:أغير رأيي في شنو أصلو جاي يخطبني..؟؟؟

ليكي ولي كل واحدة استعجلت واتزوجت ،،، بعد ما تشوفو رءوف ما تحزنو،،، كل واحد بياخد نصيبو ،،،أهو حال الدنيا

رغودة كتب:وكيف أحزن وأنا معاي منتصر أغلى زول ولو لف الزمن تاني برجع أختاره هو

القلب الملك كتب:

سلام يا أحباب


بعد ما استمتعنا بما خط يراعه ،، وبمواضيعه الشيقة ،،، وأسلوبه المميز ،،، ومداخلاته اللطيفة ،،،


يسعدني أن أقدم لكم صورة صديقنا الأخ

رءوف ،،، تحية لكل الأعضاء ،،، وبالأخص اللائي لم يتزوجن ،،،

<<<<كم من المائة تعطي وسامة رءوف؟>>> تعالن للتصويت،،،

بعــد ما قلت تعالو شوفو صورة رءوف .... تقوم تقولينا (تعالن للتصويت).....؟؟
بتعشم فينا يعنــي.... ولا شنـــو؟؟؟

حبيب الناس كتب:مايحتاج ترفع الصورة يا القلب .
انا حأديكم شرح تفصيلي لصورة رءوف وممكن تتخيلوها وتشوفوها بدون ما تترفع .


رءوف سوداني الملامح ظاهر الإبتسامة بشعر أسود , شعرو طويل زي مايا نصري (كويس كده) ، يبلغ طوله تقريباً 190 سم بوزن تقريبي 88 كيلوجرام قمحي اللون يكتسيه شنب غزير بدون لحية بسوالف متوسطة في حدود وسط الأذنين وعيناه ناعستين مشعر في يميل إلى الزيادة في الجزء العلوي من جسمه بمعنى أن جسمه من الاعلى يبدو أكبر من الأسف .عريض المنكب (الكتف) تحتويه إبتسامة دائمة بالشقاه .

أعتقد إني قدرت أوصف وصف تقريبي للشخصية وتقدروا تتخيلو الصورة على الوصف .