منتدى أنا سوداني

السلام عليكم وشكرااا على الموضوع فانت على حق ما اجمل ثوب المراة السودانية وبا رك الله فيك

موضوعك رائع جدا ويعتبر الثوب حشمة واصالة وذوق للمراة السودلنية
تسلمي

ياسلام عليكي التوب السوادني فعلا مافي احلى منو نهائي وانا من هسي بلبس في تياب امي بتقعد تقول انتي ضاربك جن عرس ولا شنو؟

شكرا علي المرور
ويعطيكم العافيه

التوب السودانى دة حشمة جداً

شكرا انين العالم للفت االانتباة
من اجمل الازياء الوطنية التوب السوداني
ونجده باروع التشكيلات واصبحت الدول الاخرى تتفن في تجميل هذا الزي الوطني السوداني
وقد انتشر التوب السوداني في كثير من الدول ومنها
موريتانيا - نيجيريا - المغرب - مالي - بنين - مصر - باكستان

بسمة الحياة كتب:

ما اجمل التوب السوداني
و ما اجمل ان تفتخر نساء السودان بهذا الثوب
اللذي يطفي على المرأة السودانية مزيد من الجمال
والاناقة في اطار الحجاب والحشمة
فالتوب اغلسوداني سمة تميز نساءنا السودانيات عن جميع النساء العربيات
فيجب ان لا ننسبه الى التراث او الملابس التراثية ونبتعد عنه في سبيل اتباعنا للموضة

وبشكرك انين الروح على الموضوع الجميل

شكرن علي مرورك
والاكلمات الجميله

[quote="ABOODY8"]

يعطيك الاعافيه
وشكرآ

التوب السوداني بشكله الزماااااان ساتر جداً وفيهو حشمة
لكن والله اليومين ديل شايف نوع من التياب أخير منو تمشي بدون توب لأنو بصراحة النوع ده من التياب يعمل على إظهار مفاتن المرأة بصورة عجيبة وأحياناً تلقي التوب شفاف لدرجة تعرفي معاها ألوان النقوش الصغييييرة الفي البلوزة .. ده كلام ده ؟؟؟
طالما تحدثتي عن العفة والأدب فبالتأكيد انت تعنين الثوب السوداني التقليدي الذي يستر المرأة ويحمينا نحن الرجال من ال.....
.

انين العالم كتب:

التوب السوداني

[frame="9 80"]اجمل زي للمراه السودانيه هو التوب السوداني يعتبر بصمه للمراه السودانيه الاصيله
حشمه و هيبه وزوق ورقي والان الازياء تطورت اصبحت التياب اشكال وانواع
والله مافي احلا منو بي رغم الحضارات والعصور المراه السودانيه مميزه دائما بي ثوبها واناقتها وهيبة التوب فيها
برضو في بعض الناس او الحريم حاليا في السودان اصبح التوب منسي بي النسبه ليها
ياحريم ويابنات المجربتو تجربو سريع مافي احل من توبن
انا بحب لبس التوب شديد[/frame]

عُرفت المراة السودانية من قديم الزمان بإحترامها لدينها وتقاليدها وموروثاتها، سوى كان ذلك في سلوكها الأدبي أو مظهرها الخارجي. وهذا المظهر الخارجي في اغلب الأحيان يمثله التوب السوداني والذي أصبح ( عالميا ) مرتبط بالمرأة السودانية ( علماً بأن هنالك بعض القبائل الإفريقية تشاركنا نفس التوب )
___هذا التوب السوداني والذي يعتبر مظهر من مظاهر الحشمة والأدب والجمال في نفس الوقت حتى صار مصدر إلهام لكثير من الشعراء وكثير من الاغاني القديم منها والحديث.
___ ففي شعر الشايقية القديم ورد ذكر التوب كثيرا بإعتباره من الأشياء المهمة التي تتفاخر وتتباهى بها النساء في ذلك الزمان___فمن هذه الاشعار والاغاني على لسان المرأة


جابلي فركي دموع التجار .. وجابلي توب اسمو الحمام طار
جابلي جلابيي جورجي .. وجابلي توب اسمو تبنقلي


وفي الغناء الحديث :

شوف عيني الحبيب بي حشمة لابس التوب
والتوب زاد جمالك زينة يالمحبوب

ويقول الشاعر كدكِّي في صورة جمالية رائعة :

عقلي يتوه معا نورة لمَّا تكمِّل الرقصة
وتقلب توبا فوق راسا وتقول كدي تجري تندسه

شفت التوب ومالاقانى اجمل منو
بس التوب وسيد التوب يكون كيفنو

يفر جنحينو زى توبا
ويصفق للزهور نشوان
(جدى الريل)

___وكثير وكثير من الاغنيات والاشعار التي تمجد التوب السوداني وتعتبره جزء من التراث والأصالة.
___ فهل التوب السوداني اليوم هو نفس التوب السوداني الزمان ؟؟
وهل ما زال يؤدي وظيفته كمظهر من مظاهر الحشمة والأدب ؟؟
___ الإجابة في تقديري بين ( لا ) و ( نعم )
___ ليس هنالك خلاف ان تكون هنالك تياب سودانية جميلة سوى كانت مطرزة او سادة وليس هنالك غضاضة ان تكون ألوانه زاهية ومفرحة
___ لكن مشكلة التوب السوداني ( المعاصر ) تتمثل في نوعية كثير من التياب والموضات..اذ انه اصبح شفافاً لدرجة ان ترى بوضوح ما وراءه
خاصة اذا كان ما وراءه قصيراً فاضحاً.. بل احياناً مخرَّم كأنه الشبكة ولا يستر شى وجعل من تلبسه في مقام ( الكاسيات العاريات )
___ ومشكلة ثانية انه اصبح ( لا يثبت ) على رأس وجعل المرأة في حالة انشغال دائمة بينه وبين رأسها، مما افقده صفته الادبية كمظهر من مظاهر الحشمة والادب.
___ فيا اخواتي السودانيات العزيزات ( خاصة المغتربات منكن ) عليكن المحافظة علي أصالتنا وموروثاتنا وقبل كل ذلك ديننا واخلاقنا ، وان يكون اختياركن للثياب أقلاه في حدود المعقول حتي تحتفظ المرأة السودانية بسمعتها وحشمتها وحتي لا يفقد التوب السوداني قيمته وجماله ويندثر كما اندثرت الكثير من الموروثات والتقاليد والقيم واصبحنا في حالة لا يعلم بها الاَّ الله.

منقول لي الزياده في المعلومه عن التوب السوداني الاصيل

فعلا بوستك رائع بحييك عليهو و بدق ليك تحية

وانا معاك في الكلام ده التوب ما بقى زي زمان لكن لو شدينا حيلنا بنرجعو زي ما كان ودي حاجة صعبة شديد

لكن انا من محبي التوب و بلبس تياب ماما و عندي تياب حقاتي انا براي

و صراحة التوب لما تتلبس معاهو طرحة من جوة يكون لونها ماشي ده بيزيد من حشمتو و بيخلي منظرو احلى

لكل من تلبس التوب بدون طرحة من جوة ( ما بتربط )
جربي ده بيخلي التوب احلى و الاهم بيزيد من حشمتك

تقبلي مروري

و اسفة طولت عليكم

الحلاوية كتب:فعلا بوستك رائع بحييك عليهو و بدق ليك تحية

وانا معاك في الكلام ده التوب ما بقى زي زمان لكن لو شدينا حيلنا بنرجعو زي ما كان ودي حاجة صعبة شديد

لكن انا من محبي التوب و بلبس تياب ماما و عندي تياب حقاتي انا براي

و صراحة التوب لما تتلبس معاهو طرحة من جوة يكون لونها ماشي ده بيزيد من حشمتو و بيخلي منظرو احلى

لكل من تلبس التوب بدون طرحة من جوة ( ما بتربط )
جربي ده بيخلي التوب احلى و الاهم بيزيد من حشمتك

تقبلي مروري

و اسفة طولت عليكم

تسلمي حبيبتي ونورتي البوست وكلامك صح الصح الطرحه تحت التوب بي تذيد هيبتو وتديكي وقار واحترام
تسلمي

اها كيف التياب دي

عجيييييييييب شغل نضيف سنة يا انا دي التياب و لا بلاش