منتدى أنا سوداني

ود الزوحي كتب:

كسر هجرك طرق الشوق الكان ممتده
وفجر بركان صمتي الهامد مده
انا من ردتك ما حاولت
امرق منك .. ابعد عنك لحظة
بس شكلو القلب الكان بتحبه
بعشق فترة ..
وبعده الريدة بتقلب جفوة
انا قلبي معاك حيله اتهده
كل اوردته و كل اوعيته
نزفت دم من طول المدة
وانا من بعدك حالف إلا
اختا طريقك .. اتوه في السكة
وارجع تاني ألاقي قليبك ..
نادم لسه ..
وارفع صوتي واقول في عيونك ..
أنسي خلاص ..
كانت قصة وبابا انسده ..

ما باب الريدة وانسدة
اقول يا ربي يتهدي
تمر ايام وتتعدي
ونقعد نحسب في المدة