منتدى أنا سوداني

ازيكم وكيف حالكم الساده اهل الراكوبه انا محمد حسن عضو جديد ف المنتدى بس مالنج.لكن فى راكوبتكم دى لنج من الورقه.كدى اول حاجه شوفو لى بنبر كارب كده اتوهط فيه وازبطو لى جبنه فاااااااهمه كده والمزاج يتعدل وبعد كده أسألونى من النقه.والله الا تشردو منى .وبعدين انا ماجاى طافش ساكت لا والله عندكم واحده ظريفه كده لقتنى طافش اتحسس فى طريقى ودايش جوه المنتدى قالت لى تعال عندنا ف الراكوبه وتشوف الكرم على أصولو.وترانى جيت.والراكوبه دى من زماااااان عشقى من زمن الصغره كنت بدس حاجاتى فيها واتذكر مره دسيت فيها صحن شيه فى عيد ضحيه ونسيتو وطبعا كدايس الحله قامو بالواجب.والراكوبه تركت اثر فينى مازال علامه واضحه اعلى حاجبى أصلى مره كنت طالع فوقها ومتدسى من حبوبتى وفجأه لقيت نفسى على الارض والدم يسيل بغزاره من راسى.انتو سرحتو مع الونسه ونسيتو القهوه ..قومى يابت هزى الكانون ده وختى المويه..بس اوع يكون بنكم مسحون.جنى وجن المسحون ده...البن لو ماقلووه تبقى دى برنده ماراكوبه.راجيييكم انا

[الله عليك يانانا وعلى مويتك الفنانه.والله موية التلاجات قددت حلوقنا واستعجلى خالتك دى وساعديها هببى ليها النار ورصى الفناجين دى وغسلى البلحات ديل اصلو بعيد عنك عمك مابدور السكر.كتر خيرك واصيله والله يانانا]

يا هلا يا هلا

اتفضل خش لى جوا

الراكوبة وااااسعة وضاربة الهمبريب

يا بت يا هانا غسلى الفناجين ديل وجيبى سكريت السكر دى

عشان خالتو امال قلت البن خلاص


على جنب كدا دى منو الوصفت ليك طريق الراكوبة دى

ذات الشجون كتب:يا هلا يا هلا

اتفضل خش لى جوا

الراكوبة وااااسعة وضاربة الهمبريب

يا بت يا هانا غسلى الفناجين ديل وجيبى سكريت السكر دى

عشان خالتو امال قلت البن خلاص


على جنب كدا دى منو الوصفت ليك طريق الراكوبة دى

mohamed hassan كتب:[الله عليك يانانا وعلى مويتك الفنانه.والله موية التلاجات قددت حلوقنا واستعجلى خالتك دى وساعديها هببى ليها النار ورصى الفناجين دى وغسلى البلحات ديل اصلو بعيد عنك عمك مابدور السكر.كتر خيرك واصيله والله يانانا]

نااناا كتب:

والقهوة جاية في الطريق انت بس شيل الصبر
وهاك المويه دي باردة من الزير thumbup.gif

اها وكمل لينا باقي الونسة لحد ما القهوة تجهز
خالتو أمال بتقلي في البن

الزول دا ما تديهو مويه بارده لان الجبنه جايه شيليها منو واعملي ليهو الفطور اول الزول دا خجل منكم ساي اسأليهو يمكن ما فاطر

محمد تحياتنا ليك ومرحب

نااناا كتب:

ذات الشجون

عادتك ميمي بأنفلونز الشمــــار ولا شنو :d

كدي أصبري على عمو دا يرتاح شوية وبعدين أبدي في عملية جمع الشمار

تقولى شنو يا نا ا نا ا

انا الشمار حارقنى

اها يا عمو ما بقول لزول

والله ياذات الشجون جابنى الدرب سااااااااكت واتلفته جوه راكوبتكم دى وشفته ناس نانا وفرتكانه وحيلى برد ورجلى ماتن وقلبى ضرب وكرعينى ابن المشى عدييييل .قلت ياولد اتوكل وخش

اهلا بيك في راكوبتنا
منورنا والله
شكلها البت نانا دي ماجابت ليك الفطور
اها يلا اسي كلهم نايمين انا وانت بس قول لي منو البت الورتك الراكوبة دي ما بوري زول؟؟