منتدى أنا سوداني

انا متغربه تقريبا ست سنوات وبصراحه مندهشه من كل مراة قابلتها واهتمامها كله فى الفرش والعفش والله لو سالت عن اى شئ تلقى المخ فاضى مع انه فى الغربه الزمن كبير ممكن تثقف نفسها وتحفظ كتاب الله لانو دور التحفيظ متوفره او الاهم نحنا اتغربنا ليه؟ اكيد كل زول عنده هدف ياريت الكل يراجع نفسه بالذات الحريم لانو عندهم وقت فراغ كبير مازى الرجال طول وقتهم فى الشغل وياريت نسمع اراء تانيه فى هذا الموضوع

والله يا ام عزه انا بفتكر انه النساء الموضوع بالنسبه لهم ( شوفونى) يعنى
الحكايه كله بوبار
كيف هى مغتربه وعملت ...وجابت.............وسوت وده كله كلام ماليه اى معنى
مفروض النساء المغتربات يراعن ظروف ازواجهم ويعرفوا هم اتغربوا ليه
والواحده تعمل المعقول
وممكن جدا لنساء المغتربين يملوا اوقات الفراغ بالدراسه او حفظ القران
وممكن لو فى امكانيه تشتغل وتساعد
لك الشكر

كلامك عين العقل وانا اعرف ان هناك نساء اغلب الابناء فى السودان وهى رافضة الرجوع للسودان وقاعدة هنا للونسة والبوبار والبنات والاولاد هناك ساكنين لوحدهم ويقومون بالعجب العجائب من زاوج عرفى وحمل سفاح وهى لا يهمهما غير الملايات والستائر والراجل لا حولة له ولا قوة اتمنى ان ينتبهن لمستقبل اولادهم بدل المظاهر والبوبار