منتدى أنا سوداني

القلب الملك كتب:

سلام يا أحباب ،،،

اليوم انا سعيد جدا ،،، لأنني حظيت بزيارة أخ عزيز من المنتدى ،، وكانت لفتة أخوية صادقة من ود ابنعوف ،،

جاءني في المكتب ومعه شقيقه الذي خطب الخميس السابق في الرياض،،، مبروك للخطيبين وربنا يوفقهم ان شاء الله ،،

لكنهما ( الاخوين ) عملو فيني مقلب جامد ،، قاعد اكتر من عشرة دقائق بكلم أخ ود ابنعوف علي اساس انو ود ابنعوف ،،، أفاجأ به بعد ذلك يقول أعرفك بي ود ابنعوف ،،، دا مقلب اتفقنا عليه ،،، هههههههه


اتلخبطت شوية ،،، وحاولت اعاود الدخول لكنني لم افلح في قبول ان الذي كان يكلمني هو الأخ ،،،

كان مقلب حلو ،،، مشكور ود ابنعوف علي الزيارة ،،، مشكور منتدى انا سوداني فقد اضفت لي اخ صديق ،،،

ارجو ان تعود سالما آمنا إلى الهفوف ،،،

الغالي القلب الملك
كم انا سعيد عندما اكتحلت عينى بشخصك الرائع
كم هذا الشخص رائع ومتواضع وفرغ من وقته الثمين لاستقبالي وهو على عاتقه مسئولية ومشاغل الا انه
كان لى الحظ ان اقابل الشخصية المرحة المشاكسة كما عهدناه فى المنتدى وهو كما فى الواقع

اخى الغالى القلب الملك سعيد جدا بروياك وهنئيا للمنتدى انك احد دعامته
ـــــــــــــــــــــــــــــــــــــــ

رءوف لو ما نزلت صورتك نزلها بسرعة لانه الزول دا على حسب شوفتى ليه لو زعل منك شديد لو نزل صورته الا تهاجر من المنتدى لو ما نزل صورتو جيرانو واصحابو صعبين


ــــــــــــــــــــــــــ

الحمدلله وصلت الهفوف غانم وعقبال ما تشاركونا فرح اخى الكبير

وعقبال الجميع

بلبل2 كتب:هههههههههههههههه ههههههههههههه
كنت تدينى خبر انهم جاينك كنت حزرتك انت ما عارف انو الزول ده بتاع مواسير
ياخى ده قبل كده كان عاوز اجننى فى الجوال حرق دمى وانا اشيل وازوق منو وهو
اشيل واغير فى الرقم كل يوم طالع لى برقم وصوت جديد الا فى الاخر نجدنى هومى
لو ما هومى الله اديهو العافية كنت للحين ما عارف الزول البعرفنى وانا ما بعرفو ده منو ..

ود ابنعوف ياخى عليك الله بطل المواسير حقتك دى .......

انا يا بلبل بتاع مواسير

غايتو عمرى ماشفت واحد زيك وبركة شيخى هومى الى ادانى رقمك وقال بلبل بنكر اسمو

واحد تتصل عليه وتقول انت فلان الفلانى يقول ليك لا دا رايكم فيه شنو اكمل الباقى ولا اقيف

وبعدين ما قاعد اغير الصوت لانك غالي بتصل على حسب الشريحة الفيها رصيد

ميمى امرقى خلينى اعرف منه الشمار دا

نااناا كتب:

ههههههههههههههههههههههههههههههههه

ود ابنعوف مسورة نمبر ون
ما في حد بلحقوووو في المواســــــــــير أبدا ً

حلوة منك انا يا نااناا

لو انا بتاع مواسير انتى العلمتينى وشاهدة عليك بنت السقاى

تلميذك يا ابلة وتلميذ البروف فارماس حتى اسألى ميميى السودانية

مصنعك شغالولا واقف

فارماس كتب:

أبن عوف ماسورة كبيرة لكن قبل كدة ركبتو واحدة

عمرو ما ينساها

اها شفتو صاحب مصانع المواسير


ماسورتك ما بتتنسى يا مان دى جامدة

مها كتب:ودابنعوف شخصيه ليها وزنها واحترامها ودمه زى العسل
ربنا يديه الصحه والعافيه
والله اشتقنا ليه ولى مداخلاته الجميله

يديك العافية دوما ويجعلها رفيقك فى الحياة

وانتى اخت عزيزة وغالية ومقامك عالى ومحفوظ

وانا برقم الظروف التى اجبرتنى فى الايام الماضية الا ان الشوق دوما لكم


ربنا ما يحرمنا منكم
ـــــــــــــــــــــــــــــــــ
اخر كلمة من توقيعك رائعة

اروع من الورود كتب:ههههههههههههههههههههههه
مقلب حلو لكن تستاااااااااااااااااااااااهل

ميمي السودانية كتب:

هههههههههههههههههههههه
بالغت ياود ابنعوف
لاكيييييييييييين مقلب حلوووو

ود ابنعوف كتب:حلوة منك انا يا نااناا

لو انا بتاع مواسير انتى العلمتينى وشاهدة عليك بنت السقاى

تلميذك يا ابلة وتلميذ البروف فارماس حتى اسألى ميميى السودانية

مصنعك شغالولا واقف

تلميــــــذي أنا يا ود ابنعوف

انت وبت السقاي بروفسيرات في المقالب
المقلب العملتو فيني أنتو الأتنين ما أنساه أبدا
بس كان ظريف بصراحة

zaina كتب:
معقولد ياود ابن عوف اتاريك بتاع مواسير "كنتا قايلاك مسكين ساكت بس طلعتا مصيبة"بتاع مقالب"

"عقبالك انتا كمان واحد يديك مقلب كدة"

منو المسكين يا زينة ودبنعوف
كان كدا انتي المسكينة

هو ما مسكين بس انسان راقي وزوق
لكن برضو بتاع مواسير ودي ما فيها كلام :D