منتدى أنا سوداني

مرسل: **الخميس 2009.10.15 12:31 pm**

بلادى يافردة جناحى التانى وكت الناس تطير لى عالمة
ان لم يكن لنا شرف المشاركة فى بناء وطن بايدينا فتكفينا كلمة لبناء وطن ويكون لنا رد الجميل لوطننا الغالى ويتمحور الموضوع فى عدة جهات وآراء عامة حول الثقافات السودانية وراينا فى تطبيقة باالسلب او الايجاب وطريقة ممارساتنا فى تطبيق شعائرنا الدينية والاسلامية بالطريقة السودانية وطريقة الغناء السودانى والكورة السودانية ومفرداتنا السودانية وطريقة الزواج السودانى وراينا فى كل مايشغل العقلية السودانية ومميزاتها وسلبياتها وكيفية اضافة ايجابيات ليكون التميذ للشخصية السودانى هو الهم الاساسى

مرسل: **الخميس 2009.10.15 3:50 pm**

عادتنا السمحه هل بدات في الاندثار
ام انها مازالت باقيه وهل انت
موافق عليها ام لا؟؟!!

الجرتق:
تجري طقوس الجرتق حيث يذبح
الخروف وتوزع الحلاوة والفاكهة
على الحضور وسط غناء البنات
{ده اليوم الدايرنوا ليك ياعروسنا
مبروك عليك }
وتتنقل العروس للبقاء مع زوجها ،
تحضر صينية الجرتق وتتكون من
الدلكة والبخور والمحلب ومسحوق
الصندل والخمره ، وتحتوى الصينية على الحق والمخبر
وصحن الحنة وبه شموع ملونةمشتعلة
وهو سيد تلك الطقوس بلا منــازع
حيث يجتمع أهل العروسين
وأصدقاء العريس والجيران حول
عنقريب الجرتق ويفرش بملاءة
خاصة ذات لون احمر جذاب وحوله
جريد النخيل ولا بد أن يستقبل
(القبلة )وأمامها صينية الجرتق ،
ويعتبر الجرتق فال حسن وفي لحظات الجرتق تقوم البنات بوضع
الحناء على أيدي أصحاب العريس
وخاصة الوزير وهو الشخص
المقرب من العريس وايضا هناك
عاده بخ اللبن حيث يقوم العروسين
ببخ بعضهما بالبن
دى وحدة من العادات السودانية وبى صراحة فى بعض الناس بتنتقد فيها وفى بعض الناس شايفنها حاجة مميزة للعرس السودانى آراء متعددة فى الموضوع دة

مرسل: **الخميس 2009.10.15 3:58 pm**

الاخ ود العاصمة لك التحيه

المثل بقول الما عندو قديم ما عندو جديد وتراثنا السوداني وعاداتنا التراثيه جميله جداً مهما طال الزمن عليها, الى الان الناس محافظه عليها نوعاً ما
فلابد من وجود الجرتق والضريره والحرير وجريد النخل وغيرها في يوم السيره وبعضها بدأ في التلاشي مثل الرش باللبن ( الحلييب) على الناس وقطع الرحط ..

موضوع جميل يا مهند واصل نحن معك

مرسل: **الخميس 2009.10.15 4:14 pm**

رقيص العروس:

واحد من ثقافتنا السودانية التي
اصبحت بين القبول والرفض نسبه
لظهور تقنيات التصويرالحديثه ونقل
الصور عبر الجولات وهناك كتير
وانا اعتقد انو
رقيص المراه قد يكون فرحه لها
ولزوجها وايضا لصديقاتها الاتي
فى اطار المعقول وهناك من يظن انها مسالة ليس
لها لوازم ضرورية
تعبن في تجهيز العروس لزوجه
قد اكون محايدا بعض الشيئ وانتظر آرآكم باالسلب او الايجاب

مرسل: **الخميس 2009.10.15 4:21 pm**

شكرا يا استاذى للموضوع
يجب المحافظه على العادات والتقاليد السمحه
وكمان علينا ان نواكب وناخذ من الحديث المفيد
على ان لا يؤثر فى الموروث القديم
يديك العافيه
ونهارك سعيد

مرسل: **الخميس 2009.10.15 4:38 pm**

عاداتنا الدينية لابد ان نصحح او نزيد
فى طريقة ممارستنا لشعائرنا السودانية

واهم هذة الاشياء هى الطرق الصوفية
والتى مازالت تعمل على تعليم الدين الاسلامى
باالطريقة المعهودة للسودانين
فكيف ترى طريقة ممارسة الدين بهذة الطريقة
وهل انت من يقف مع الطرق الصوفية
او مع من يعارضها ....؟؟

مرسل: **الخميس 2009.10.15 7:52 pm**

في البدايه اسمح لي ان اشكرك على هذا الموضوع الرائع
والمفيد في نفس الوقت ولا شك ان لكل شعب عاداته وتقاليده منها السيء ومنها الجيد
بالنسبة لي ان اجد ان عاداتنا السودانيه جميله ومتميزه نجد ان مساحةة المليون ميل تجد في كل قطر بها عادات وتقاليد تختلف عن الاخر واختلاف لهاجتنا في هذا البلد الجميل اعطى مساحه اكبر للتنوع الثقافي والفكري
لا استطيع اناعلق على موضوع الصوفيه لاني لا اعلم الكثير منها اشاهدها كثيرا واراقب حركاتهم واحيانا تزعجني لاني لا اكون مدركه للذي يحصل ولماذا هم يتصرفون هكذا واغتنم هذه السانحه واتمنى ان تحدثونا ولو قليلا عن هذه الطريقه
ودمتم بود

مرسل: **الجمعة 2009.10.16 11:24 am**

محمد نعيم كتب:الاخ ود العاصمة لك التحيه

المثل بقول الما عندو قديم ما عندو جديد وتراثنا السوداني وعاداتنا التراثيه جميله جداً مهما طال الزمن عليها, الى الان الناس محافظه عليها نوعاً ما
فلابد من وجود الجرتق والضريره والحرير وجريد النخل وغيرها في يوم السيره وبعضها بدأ في التلاشي مثل الرش باللبن ( الحلييب) على الناس وقطع الرحط ..

موضوع جميل يا مهند واصل نحن معك

تسلم الاخ الغالى محمد نعيم على تشريف البوست
والعادات السودانية هى جميلة لكن فيها بعض السلبيات الانا داير المشاركة فيها وايضاحات عامة حول سلبيات الممارسة فى العادات السيئة ومن الواضح انو انتة زكرتة بعض العادات الانتة وقفت معاها وشكرتها شديد ولك الود والاحترام على ابداء الراى

تخريمة...
محمد نعيم ..!! مهند دى شنو ..؟؟

مرسل: **الجمعة 2009.10.16 11:29 am**

فارس الرومانسية كتب:
شكرا يا استاذى للموضوع
يجب المحافظه على العادات والتقاليد السمحه
وكمان علينا ان نواكب وناخذ من الحديث المفيد
على ان لا يؤثر فى الموروث القديم
يديك العافيه
ونهارك سعيد

ابو الفورس كيفك يا
تسلم ياراقى على تشريفك البوست
ومشكور على رايك بس ماوضحت انك بتخالف اى نوع من العادات والتقاليد وبتايد
اى نوع من العادات
لكن رايك جميل وليو كل الاحترام والتقدير ومشكور شديد

مرسل: **الجمعة 2009.10.16 1:35 pm**

ودالعاصمة كتب:

عاداتنا الدينية لابد ان نصحح او نزيد
فى طريقة ممارستنا لشعائرنا السودانية

واهم هذة الاشياء هى الطرق الصوفية
والتى مازالت تعمل على تعليم الدين الاسلامى
باالطريقة المعهودة للسودانين
فكيف ترى طريقة ممارسة الدين بهذة الطريقة
وهل انت من يقف مع الطرق الصوفية
او مع من يعارضها ....؟؟

[align=center]ود العاصمه
لك التحيه والاحترام[/align][/color]

كثيرا ما انزعج من تصرفات الصوفيه واكثر شيئ يزعجني
تقديسهم لشيخ الطريقه وطريقة تحيتهم للشيخ الانحناء الي حد
الركوع وبعدها القبله علي يد الشيخ وعند نداء الشيخ لهم يا ولد
يجري له الشخص وهو يقول سيدي سيدي ويجلس على ركبتيه
وينزل راسه حتى ليقبل على يديه وشرب الماء من ابريق الشيخ بعد
وضؤه بهدف التبرك شاهدت هذا الموقف في احد المساجد في النيل الابيض
وما يزعجني ايضا مسمياتهم الطريقه السمانيه الطريقه القادريه هم كلهم
يمدحون يعني الهدف واحد ولا خلاف بينهم لماذا لا يمدحون على مسمى
واحد الصوفيه وينقسمون الي طرق وملل وكلهم على مذهب واحد مذهب
الامام المالكي وما يزعجني ايضا عدم تهذيبهم في ملبسهم وفي مظهرهم
وما دمنا نمدح الرسول والرسول {ص}قال النظافة من الايمان واخطاءهم
كثير وكبيرة الذهاب الي المقابر من اجل التبرك والتوسل ولهم محاسن كثير
وكبيرة لا ننسى لهم ولو اعتدلو في بعض الاشياء الذي ذكرناجزء منه هم
الذين سيقودن ركب الحضارة الاسلاميه وسيكون للاسلام شان اخر
وشكرا لكم
توقن فنتي

مرسل: **الجمعة 2009.10.16 3:09 pm**

نهر المحبه كتب:في البدايه اسمح لي ان اشكرك على هذا الموضوع الرائع
والمفيد في نفس الوقت ولا شك ان لكل شعب عاداته وتقاليده منها السيء ومنها الجيد
بالنسبة لي ان اجد ان عاداتنا السودانيه جميله ومتميزه نجد ان مساحةة المليون ميل تجد في كل قطر بها عادات وتقاليد تختلف عن الاخر واختلاف لهاجتنا في هذا البلد الجميل اعطى مساحه اكبر للتنوع الثقافي والفكري
لا استطيع اناعلق على موضوع الصوفيه لاني لا اعلم الكثير منها اشاهدها كثيرا واراقب حركاتهم واحيانا تزعجني لاني لا اكون مدركه للذي يحصل ولماذا هم يتصرفون هكذا واغتنم هذه السانحه واتمنى ان تحدثونا ولو قليلا عن هذه الطريقه
ودمتم بود

الاخت الغالية نهر المحبة ...تحية طيبة ليكى ..
اولا موضوع الشكر منك دى اشادة اعتذ بيها ومنورة البوست وليكى التحية يافردة
وكلامك عن انو لاتعلمى مسالة العادات السودانية وانك ماعندك خلفية عن الصوفية فى السودان انشاء الله الموضوع مطروح للنقاش والحوار والناس بتجى تتكلم عنها من ناحيتين من مبداء الموافقة والرفض
وانشاء الله نجى نتكلم عن المسائل دى بى استفاضة ...
ومشكورة على المرور الراقى ومنورانا

مرسل: **الجمعة 2009.10.16 4:25 pm**

[quote="توقن فنتي"][align=center]ود العاصمه
لك التحيه والاحترام

كثيرا ما انزعج من تصرفات الصوفيه واكثر شيئ يزعجني
تقديسهم لشيخ الطريقه وطريقة تحيتهم للشيخ الانحناء الي حد
الركوع وبعدها القبله علي يد الشيخ وعند نداء الشيخ لهم يا ولد
يجري له الشخص وهو يقول سيدي سيدي ويجلس على ركبتيه
وينزل راسه حتى ليقبل على يديه وشرب الماء من ابريق الشيخ بعد
وضؤه بهدف التبرك شاهدت هذا الموقف في احد المساجد في النيل الابيض
وما يزعجني ايضا مسمياتهم الطريقه السمانيه الطريقه القادريه هم كلهم
يمدحون يعني الهدف واحد ولا خلاف بينهم لماذا لا يمدحون على مسمى
واحد الصوفيه وينقسمون الي طرق وملل وكلهم على مذهب واحد مذهب
الامام المالكي وما يزعجني ايضا عدم تهذيبهم في ملبسهم وفي مظهرهم
وما دمنا نمدح الرسول والرسول {ص}قال النظافة من الايمان واخطاءهم
كثير وكبيرة الذهاب الي المقابر من اجل التبرك والتوسل ولهم محاسن كثير
وكبيرة لا ننسى لهم ولو اعتدلو في بعض الاشياء الذي ذكرناجزء منه هم
الذين سيقودن ركب الحضارة الاسلاميه وسيكون للاسلام شان اخر
وشكرا لكم
توقن فنتي[/quote]

جميل جدا توقن قنتى وجهة نظرمحترمة جدا ونقاش حى
بس حابى اخليك فى الصورة حبة كدة
الصوفية هى التى ساهمت فى ادخال الدين الى السودان لانو الدين الاسلامى انتشر عن طريق النوبة وهى من الثقافات السودانية والافريقية آنزاك وهى فضلت لحدى الان ......
ولك الشكر على النقاش المميذ
وشرفتة البوست كتير [/size][/align][/color]

مرسل: **الجمعة 2009.10.16 5:40 pm**

[quote="ودالعاصمة"][align=center]

جميل جدا توقن قنتى وجهة نظرمحترمة جدا ونقاش حى
بس حابى اخليك فى الصورة حبة كدة
الصوفية هى التى ساهمت فى ادخال الدين الى السودان لانو الدين الاسلامى انتشر عن طريق النوبة وهى من الثقافات السودانية والافريقية آنزاك وهى فضلت لحدى الان ......
ولك الشكر على النقاش المميذ
وشرفتة البوست كتير [/align][/color][/quote]

موضوع حلوووووو

لكن اكتر شي عايزه اتكلم فيه هو الطرق الصوفيه

رأيي: طريقة الناس في المدح و لمن يدقا النوبه وملابسهم كلها ما بعارضها و بلقها مميز كبير للسودايين حتى
السياح لمن يزوروا السودان من اهم الاماكن البزوروها هي الاماكن بتاعت النوبه و المسيد
و مره كنت بتابع فيلم عن نهر النيل عملته قناة ولمن بقوا يشرحوا بانه النهر بمر بالسودان و ذكروا مميزات السودان اكتر حتة اتطرقوا ليها هي دق النوبه و الدراويش
"قالوا انه الواحد فيهم لمن يقوم بالدوران و الحركه السريعه دي و طبعا بذكر الله بحس انه في مكان بين الارض و السما و عشان كده بحافظ على توازنه رغم انه ما واعي للبحصل حوله"
صراحه الدراويش بتصرفاتهم دي هم بس يعني باعوا الدنيا و حياتهم تقشف و عايشينها لربنا بس
و لكن حكاية التبرك بالشيوخ و البدع دي ... ما مقبوله و البعملوها لازم يتوبوا لربنا
قال تعالى"(وَاصْبِرْ نَفْسَكَ مَعَ الَّذِينَ يَدْعُونَ رَبَّهُم بِالْغَدَاةِ وَالْعَشِيِّ يُرِيدُونَ وَجْهَهُ وَلَا تَعْدُ عَيْنَاكَ
عَنْهُمْ تُرِيدُ زِينَةَ الْحَيَاةِ الدُّنْيَا)الكهف28

و هنا يعني صاحب اهل الذكر عشان تتعلم منهم و يكون رفقتك من المتقين
لكن ما معناه انه قدسهم و العياذ بالله

عايزه اعلق على كلامك .... الاسلام دخل للسودان من زمن العرب و اكرر العرب هاجروا "رجالا" الى السودان سواء من مصر او جزيرة العرب و هم مسلمين و بزواجهم من نوبيات نشروا الاسلام فالابناء يولدون مسلمين لأب مسلم و تصبح الام مسلمه و الجيل الجديد يكون مسلمين[/color]

مرسل: **الجمعة 2009.10.16 9:46 pm**

من عاداتنا السودانية المعروفة من زمن بعيد فطور العريس.
ام العروس ملزمة تودى لاهل العريس الفطور من صباحية يوم العرس فى الماضى كان فطور العريس يتكون من ملاح التقلية والرؤب والعصيدة وتغطى صوانية ب((الطباقة)) ومعة الفطير والشعيرية والسكسكانية وتحملة النساء على روؤسهن حتى بيت العريس وتقوم بعدة ام العرمس بارجاع الصوانى وداخل الصوانى مبلغا من المال دلالة على الاحترام المتبادل بين ام العريس وام العروس .
لكن اصبح فطور العريس فيهو كل مالذوطاب من الاكل والفواكة وتحملة ارتال من العربات الفارهة والبكاسى وغيرها من المظاهر حتى اصبح عادة تخشاها من تخشاها من امهات .
الاخ ود العاصمة مشكور على موضوعك الجميل
تقبل مرورى وتحياتى

مرسل: **السبت 2009.10.17 12:52 am**

[quote="ودالعاصمة"]

جميل جدا توقن قنتى وجهة نظرمحترمة جدا ونقاش حى
بس حابى اخليك فى الصورة حبة كدة
الصوفية هى التى ساهمت فى ادخال الدين الى السودان لانو الدين الاسلامى انتشر عن طريق النوبة وهى من الثقافات السودانية والافريقية آنزاك وهى فضلت لحدى الان ......
ولك الشكر على النقاش المميذ
وشرفتة البوست كتير

[/quote[color=#00ff00]]اخي احيك تمركز الصوفيه في السودان في وسط السودان وانظر الي الي الاقاليم الاخرى لا صوفية والاسلام دخل السودان من قبل الصوفيه والصوفيه دخل السودان من دول المغرب العربي والاسلام دخل السودان عن طريق البوابه الشماليه وبوابة الشرق وفي كلا الاقليمين لم ياتي اليهم من الصوفيه الا الختمية لكنهم ساهمو كواجب اي مسلم في نشر الوعي الاسلامي وكما زكرنا من قبل لهم محاسن كثير وحديثا هم ينشرون الاسلام في دول الغرب ولهم الشكر بل عليهم الاعتدال ايضا[/color]

مرسل: **السبت 2009.10.17 1:17 am**

ودالعاصمة كتب:
رقيص العروس:

واحد من ثقافتنا السودانية التي
اصبحت بين القبول والرفض نسبه
لظهور تقنيات التصويرالحديثه ونقل
الصور عبر الجولات وهناك كتير
وانا اعتقد انو
رقيص المراه قد يكون فرحه لها
ولزوجها وايضا لصديقاتها الاتي
فى اطار المعقول وهناك من يظن انها مسالة ليس
لها لوازم ضرورية
تعبن في تجهيز العروس لزوجه
قد اكون محايدا بعض الشيئ وانتظر آرآكم باالسلب او الايجاب

احيك اخي لم ارى رقصة العروس من قبل بل اسمع عنها كثيرأً رغم انني عشت وسط حضارات مختلفه
وانا اتسأل لماذا لم يرقص العروسه لعريسها في غرفتها لما الرقص وسط الناس وكيف يقبل العريس ان يرقص زوجته في وسط الناس حتى لو الناس من اهله اخي هي عادة سيئ والا احنا بنصحح اقاويل بعض الناس العادة قلبت الشريعه ولا حولا ولا قوة الابالله وانا ارى انها عادة سيئ يقلل من كرامة وعفة العروسة وشكرا

مرسل: **السبت 2009.10.17 1:49 am**

[/quote[color=#00ff00]]اخي احيك تمركز الصوفيه في السودان في وسط السودان وانظر الي الي الاقاليم الاخرى لا صوفية والاسلام دخل السودان من قبل الصوفيه والصوفيه دخل السودان من دول المغرب العربي والاسلام دخل السودان عن طريق البوابه الشماليه وبوابة الشرق وفي كلا الاقليمين لم ياتي اليهم من الصوفيه الا الختمية لكنهم ساهمو كواجب اي مسلم في نشر الوعي الاسلامي وكما زكرنا من قبل لهم محاسن كثير وحديثا هم ينشرون الاسلام في دول الغرب ولهم الشكر بل عليهم الاعتدال ايضا[/color][/QUOTE]

طيب.... لك التحية للمرة التانية
طيب مسالة الصوفية فى السودان لها محاسن ومساوى دى حاجة مابختلف فيها اتنين
بس فى حاجة تانية انو مسالة الدين الاسلامى مادخل باالصوفية امكن يكون ماكلو فى طرق كتيرة دخل بيها الاسلام لكن من اجتهاداتى المتواضعة فى المجال دة لقيت انو فى منطقة غرب السودان ودى منطقة (حساسة )دخل الاسلام عن طريق القاره الافريقية ويقال (والحجة على الراوى) انو كان الناس المسافرين للحج بيمرو بمناطق غرب السودان بيحاولو يوصلو الاسلام للمناطق البمروا بيها ودى خصلة عند كل المسلمين لانوا فيها اجر عظيم وكانو بيطرحوا الدين بى طريقة عادية فاالافارقة فى غرب السودان لم يكن لهم الاكتراث لمسالة الاسلام وبعد داك اطر بعض المفكرين فى الدين الاسلامى انو افضل شيئ يخاطب بة الافارقة هى ثقافتهم وبدات المسالة باالنوبة والطار والاشياء التى توجد فى الثقافة الافريقية العريقة دى مايخص مسالة دخول الاسلام لكن مسالة الصوفية فى فهمها العلمى فيها كلام كتير ويستحق النقاش المستفيض
لك الود والاحترام على علمك الزاخر اخى الكريم ...

[/color][/size][/align]

مرسل: **السبت 2009.10.17 4:39 am**

ملاك الورد كتب:

موضوع حلوووووو

لكن اكتر شي عايزه اتكلم فيه هو الطرق الصوفيه

رأيي: طريقة الناس في المدح و لمن يدقا النوبه وملابسهم كلها ما بعارضها و بلقها مميز كبير للسودايين حتى
السياح لمن يزوروا السودان من اهم الاماكن البزوروها هي الاماكن بتاعت النوبه و المسيد
و مره كنت بتابع فيلم عن نهر النيل عملته قناة ولمن بقوا يشرحوا بانه النهر بمر بالسودان و ذكروا مميزات السودان اكتر حتة اتطرقوا ليها هي دق النوبه و الدراويش
"قالوا انه الواحد فيهم لمن يقوم بالدوران و الحركه السريعه دي و طبعا بذكر الله بحس انه في مكان بين الارض و السما و عشان كده بحافظ على توازنه رغم انه ما واعي للبحصل حوله"
صراحه الدراويش بتصرفاتهم دي هم بس يعني باعوا الدنيا و حياتهم تقشف و عايشينها لربنا بس
و لكن حكاية التبرك بالشيوخ و البدع دي ... ما مقبوله و البعملوها لازم يتوبوا لربنا
قال تعالى"(وَاصْبِرْ نَفْسَكَ مَعَ الَّذِينَ يَدْعُونَ رَبَّهُم بِالْغَدَاةِ وَالْعَشِيِّ يُرِيدُونَ وَجْهَهُ وَلَا تَعْدُ عَيْنَاكَ
عَنْهُمْ تُرِيدُ زِينَةَ الْحَيَاةِ الدُّنْيَا)الكهف28

و هنا يعني صاحب اهل الذكر عشان تتعلم منهم و يكون رفقتك من المتقين
لكن ما معناه انه قدسهم و العياذ بالله

عايزه اعلق على كلامك .... الاسلام دخل للسودان من زمن العرب و اكرر العرب هاجروا "رجالا" الى السودان سواء من مصر او جزيرة العرب و هم مسلمين و بزواجهم من نوبيات نشروا الاسلام فالابناء يولدون مسلمين لأب مسلم و تصبح الام مسلمه و الجيل الجديد يكون مسلمين

انا ماداير اضيف كتير ياملاك الورد بس
مسالة التعامل مع الشيوخ حاجة مزرية وتعامل غير لايق ومن وجة نظرى عندى فيو راى كبير جدا
طيب كلام انو العرب دخلو السودان ودخلو معاهم الاسلام وكمان عرسوا النوبيات
برد ليك بى حاجة امكن شوية كدة فيها بساطة
طيب كان العرب دخلو السودان وعرسوا النوبيات زى ماقلتى
رجال النوبيات ديل عملو شنو قعدوا عزابة ولا شنو
المفروض نكون منطقين حبة كدة
ومازال النقاش مستمر

وشرفتينا كتير يارائعة روعة الورد

مرسل: **السبت 2009.10.17 7:28 am**

الاخ ود العاصمه
انت شخص رائع واشكرك على كتاباتك الطيبه وربنا احفظك

السودان وكل بلد فى العالم له من العادات والتقاليد ما هو صالح وما هو غير ذلك وما هو
اصبح لا فائده منه فى الزمن الحديث

اقترح عليك لو تتحدث عن عاده عاده حتى تعطى المتداخلين فرصه لمناقشة محاسن ومساوئ.
النقطه المعينه ثم الانتقال للنقطه الاخرى حتى يكون الموضوع متجدد ومنظم

الجرتق :-

الجرتق اعتقد شئ جميل ولحظات فرح يحلم بها كثير من الناس خاصة والدة العريس
اعتقد ان فرحتها بزواج ابنها تتجسد فى لحظات الجرتق وكذلك اقارب العروسين
وبما انها لا توجد بها مخالفات فهى عاده جميله ولكن لو كانت تكاليفها باهظه وتتسبب
فى الاختلاط والتبرج الغير مشروع فهى بلا نقاش يجب اسدال الستار عليها

الطرق الصوفيه والدراويش:-

هل اتحدث على حسب علمى ام على حسب ما قرات وسمعت ؟؟؟ وهل يغضب البعض من حديثى ؟؟
ساقول ما فى قلبى واستغفر الله العظيم

هذه التواشيح والممارسات التى يقوم بها الدراويش ليس لها اصل من كتاب ولا سنه وهى بدعه
وكذلك المديح به الكثيييير الكثير من الصفات والعبارات المبالغ فيها
وايضا اصبح المديح يختلط بالمعازيف وهى محرمه واكثر الخطوره فى الامر هو الاعتقاد الجازم
لبعض الجهلاء خاصه النساء الاعتقاد بضرر ونفع الشيخ وعلمه الغيب وايضا الانحاء له
مثل هذه الاشياء هى اساس العيوب فى الطرق الصوفيه

اما محاسن الطرق الصوفيه فهى نشر الدين وتحفيظ القران بالخلاوى وكذلك اطعام الناس
وهنالك العديد من الاعمال الخيريه والجانب الايجابى

ولكن كما ترى الاخ ود العاصمه ان السبيات كبيره وخطيره

والله اعلم

مرسل: **السبت 2009.10.17 8:24 am**

أنا بتفق مع الأخ السوداني الأصيل في كلامه كله وخصوصا عن الطرق الصوفية (وصراحة إنت اختصرت علي الكلام) وطبعا النقاش في المواضيع الدينية محتاج لإنسان متمكن بالأدلة والمنطق عشان يقدر يجادل بقوة لكن ممكن إحنا نقول الحاجة المقتنعين بيها..وأنا صراحة ما بأيدها ولكن بعترف ببعض الميزات الإتذكرت...
الجرتق عادة جميلة وفعلا مميزة للشعب السوداني(لكن مابأيد بخ اللبن وبصراحة في عرسي شربته

)
أما الرقيص(ففيهو إنة) لأنه عادة بيكون جريء وبملابس غير ساترة وبيعرض العروس لعيون الناس
وشكرا لكاتب الموضوع

منتدى أنا سوداني

الى كل الاعضاء ....نقاش عام لبناء وطن بآرائنا

الى كل الاعضاء ....نقاش عام لبناء وطن بآرائنا

رد: الى كل الاعضاء ....نقاش عام لبناء وطن بآرائنا

رد: الى كل الاعضاء ....نقاش عام لبناء وطن بآرائنا

رد: الى كل الاعضاء ....نقاش عام لبناء وطن بآرائنا

رد: الى كل الاعضاء ....نقاش عام لبناء وطن بآرائنا

رد: الى كل الاعضاء ....نقاش عام لبناء وطن بآرائنا

رد: الى كل الاعضاء ....نقاش عام لبناء وطن بآرائنا

رد: الى كل الاعضاء ....نقاش عام لبناء وطن بآرائنا

رد: الى كل الاعضاء ....نقاش عام لبناء وطن بآرائنا

رد: الى كل الاعضاء ....نقاش عام لبناء وطن بآرائنا

رد: الى كل الاعضاء ....نقاش عام لبناء وطن بآرائنا

رد: الى كل الاعضاء ....نقاش عام لبناء وطن بآرائنا

رد: الى كل الاعضاء ....نقاش عام لبناء وطن بآرائنا

رد: الى كل الاعضاء ....نقاش عام لبناء وطن بآرائنا

رد: الى كل الاعضاء ....نقاش عام لبناء وطن بآرائنا

رد: الى كل الاعضاء ....نقاش عام لبناء وطن بآرائنا

رد: الى كل الاعضاء ....نقاش عام لبناء وطن بآرائنا

رد: الى كل الاعضاء ....نقاش عام لبناء وطن بآرائنا

رد: الى كل الاعضاء ....نقاش عام لبناء وطن بآرائنا

رد: الى كل الاعضاء ....نقاش عام لبناء وطن بآرائنا