منتدى أنا سوداني

مرسل: **الاثنين 2009.10.12 9:24 am**

حبيت امشى سياحة الى اديس ابابا ركبت من الخرطوم الى القضارف .. القلابات .. المتمة بالبص فقط فى جيبى جواز السفر ولابس بنطلون جينز وقميص وبدون شنطة .. وصلت الى المتمة السودانية التى يفصلها عن المتمة الحبشية شارع عرضو 3 متر فقط بالجهة السودانية العساكر السودانيين وبالاخرى العساكر الاثيوبيين .. بجهة السودان الحشمة والادب وخمرة مافى وبنات لابسين نص نص مافى تقيف فى الجهة السودانية وتعاين على بعد 3 امتار تشوف العجب الحبشى ماسك الحبشية من نصها وماشين فى الشارع ومليانين فل والبنت لابسة ترينينق وفنيلة فوق للصرة .. وبس تانى مافى اى شى وجوة المتمة الحبشية بيوت فى شكل مربعات صغيرة فيها اى شى يخطر على بالك كل شى وامام الملا واخوانا السودانيين من المتمة السودانية يمشو المتمة الحبشية ويقعدوا الى الساعة السابعة مساء الوقت المسموح بيهو وبعد السابعة كل اثنين شايلين ليهم زول يقطعوهو الشارع بى غادى على جهة السودان واخونا واقف لط ..وشايلين ليهو نعلاتو وجوالو وهو يسب ويلعن فى منو مش عارف .. المهم الصباح ركبت البص الحبشى صوب اديس ابابا ... سبحان الله الجبال فقط حدها الجهة السودانية وفى الطريق لاديس ابابا البص فوق الجبل على ارتفاع 200 قدم ومن الساعة 6 مساء تانى مابيتحرك ونمنا فى نص الشارع .. بين كل قرية وقرية فى الجنوب الاثيوبى يركبو ركاب فى البص .. تخيل تركب بجوارك بنت عمر 16 او 17 او 40 سنة وتقاليدهم تقول ممنوع تغطية الصدر ويتعاملو بينهم عادى جدا جدا .. البص يوقف الحبشى ينزل قدام ناس البص وهو واقف على حيلو يتبول ويدخل البص عادى .ز تلتفت يمين ويسار تجد الواحدة نائمة تشخر من شدة التعب فى كرعين المعاها انا بس ما عارف اذا كان اخوها او حبيبها .. لم يوقف البص فى اى محطة فى نوع من الاكل يباع عن طريق الاطفال ... الاطفال عريانين اولاد وبنات وكلهم فوق العشر سنوات .. يبيعوا اشياء انا ما عرفت غير الفول المصرى يباع وهو سخن يعنى دخانو لسع عالق .. المهم عملية اللبس دى شوية شوية وانا داخل على اديس ابابا بدات تتلاشى ... وصلت اديس ابابا ... عينك ماتشوف الا النور .. جمال رهيب .. طبيعة مبالغة .. ناس قمة التعامل حب للسودانى لايوصف .. لم تدخل البص .. اى حبشى او حبشية يقوم ليك عشان انت سودانى زائر .. ومشيت جوة البلد انا تخيلت نفسى فى باريس او فى بلد تانى المسجد بجوار البار الكنيسة فاتحة فى الجامع نساء محتشمات واخريات ليس عليهم اى شى ناس ذاهبين بكل وقار الى الصلاة وبنت واقفة ببنطلون فوق للركبة وتى شيرت نص كم بتبيع ويسكى وتنادى على بضاعتها .. تنظر الى اعلى عمارة 12 طابق تجد بنت شايلة صحن الاسمنت وطالعة السلم ووصلت الى الطابق العاشر ولسع ماشة .. تمشى عشان تحلق تلقى الحلاق بنت غاية الجمال تقعد تحلق ليك وتدعك ليك فى وشك وكتافيك 4 ساعات وانت تدفع ومافى مشكلة هى لوحدها تديك الرقم وتقول ليك انا بخلص الساعة 4 عصرا اتصل على .. الاكل ارخص مايكون .. الليلة الواحدة فى فندق 5 نجوم تساوى 50 ريال سعودى او 300 جنيه سودانى وفى الخرطوم ب ستين الف وممكن تمشى مع صديقتك وانت سودانى الى بيتهم وهناك يفرحوا بيك ويحترموك ويرحبو بيك وكل شى عادى والبنت اجو اولاد عمها عشان اسلمو عليك .. برضو عادى
والقصة ماكملت

مرسل: **الاثنين 2009.10.12 10:22 am**

نتمنا لك دوام الصحة وتدينا كثير من معلومات البلاد المجاورة لنا والتي لم يحالفنا الحظ بزيارتها

مرسل: **الاثنين 2009.10.12 10:34 am**

ما اجمل السياحة واكتشاف العالم من حولك

واختلاف العادات والتقاليد شئ نراهو غريب وغيرنا يراهو طبيعى وعادى

رحلة ممتعة وفيها نوع من الجراءة

يلا واصل وابعدنا من فخ التشويق

دمت بود

مرسل: **الاثنين 2009.10.12 10:46 am**

ود ابنعوف كتب:ما اجمل السياحة واكتشاف العالم من حولك

واختلاف العادات والتقاليد شئ نراهو غريب وغيرنا يراهو طبيعى وعادى

رحلة ممتعة وفيها نوع من الجراءة

يلا واصل وابعدنا من فخ التشويق

دمت بود

عزيزى الاخ ودابنعوف ما اجمل الانسان ان يكتشف عادات وتقاليد شعوب اخرى حتى تتوسع معرفته ويكون على علم بمن حوله
والقصة فيها حاجات تقيلة لسع ماخلصت
اشكر لك مرورك يارايع

مرسل: **الاثنين 2009.10.12 10:58 am**

ياراااااااااااااااجل لكن لا تعلييييييييييييييق ......

مرسل: **الاثنين 2009.10.12 11:23 am**

بلبل2 كتب:ياراااااااااااااااجل لكن لا تعلييييييييييييييق ......

بلبل والله لو ما علقت بزعل بالجد

مرسل: **الاثنين 2009.10.12 11:38 am**

والله يا اخوي البركه في الفول المصري العرفتو ولا كنت مت من الجوع والباقي خليهو ساي؟؟؟؟؟؟؟؟؟

مرسل: **الاثنين 2009.10.12 11:38 am**

روءف يا روءف

اعترف

مشيت سياحة ولا

كايس ليك فى عروس

مرسل: **الاثنين 2009.10.12 11:38 am**

رءوف ،،، رءوف ،،، اللوري من الرياض لي أديس بي كم ،، وانت ماشي تحلق متين تاني

مرسل: **الاثنين 2009.10.12 11:39 am**

رؤف مساء الخير والله اول مره اعرف
انه الحبشه والحبشيات بالروعه دي
عشان كدي يااخوي كان بقيت ماشي تاني
كلمني خليني امشي معاك
عشان انت خت التجربه وبقيت مفتح هناك
دمت بخير

مرسل: **الاثنين 2009.10.12 11:40 am**

bitadlan كتب:والله يا اخوي البركه في الفول المصري العرفتو ولا كنت مت من الجوع والباقي خليهو ساي؟؟؟؟؟؟؟؟؟

تصدقى فى اشياء كدة فى طبق وبتتحرك
والناس بقرقشوها زى التسالى بس ماعرفتها شنو

والله قربت اجربها من الجوع
مشكورة على مرورك

مرسل: **الاثنين 2009.10.12 11:42 am**

ذات الشجون كتب:روءف يا روءف

اعترف

مشيت سياحة ولا

كايس ليك فى عروس

اكوس عروس ؟؟؟؟ تكوسى لى الدرب انشاء الله
الحبشيات كمان بيمشو ليهن هناك
ماهنا فى
وشعرهم طووووووووووووووووويل

مرسل: **الاثنين 2009.10.12 11:57 am**

القلب الملك كتب:رءوف ،،، رءوف ،،، اللوري من الرياض لي أديس بي كم ،، وانت ماشي تحلق متين تاني

يحلقو ليك شنو انشاء الله
انت فى الحلاقة والمساج
والله هناك انا شفت حاجات
لو قلتها ليك بكرة تصبح فى اديس

مرسل: **الاثنين 2009.10.12 12:00 pm**

الضراع كتب:رؤف مساء الخير والله اول مره اعرف
انه الحبشه والحبشيات بالروعه دي
عشان كدي يااخوي كان بقيت ماشي تاني
كلمني خليني امشي معاك
عشان انت خت التجربه وبقيت مفتح هناك
دمت بخير

الضراع ابش ماعندك مشكلة والتذكرة على
بس فى حاجات كدة فى المحطات ببيعوها الشفع
حاجات كدة بتتحرك والناس بياكلوها مقرمشة
وعندها عيون كدة لازم تاكل منها واحدة وتجربها
عشان انا ما قدرت اكل الحاجات البتتحرك دى

مرسل: **الاثنين 2009.10.12 12:02 pm**

القلب الملك كتب:رءوف ،،، رءوف ،،، اللوري من الرياض لي أديس بي كم ،، وانت ماشي تحلق متين تاني

من الرياض تمشى اديس ؟؟
الكضب ما سمح
اذا انت الدمام القريبة دى ما قادر تصلا ،،،، وتشوف اهلا ،،،
تانى اهبشنى

اسمع علق كويس على الموضوع

مرسل: **الاثنين 2009.10.12 1:45 pm**

امال الناس كتب:
نتمنا لك دوام الصحة وتدينا كثير من معلومات البلاد المجاورة لنا والتي لم يحالفنا الحظ بزيارتها

لازم يا خالة امال تزورى اثيوبيا لانها جميلة جدا
وفيها اشياء لا تصدقى انك ترينها امام عينك
وايضا بها منبع النيل من بحيرة تانا العظيمة
فى منطقة اسمها بحردار

مرسل: **الاثنين 2009.10.12 1:54 pm**

رءوف كتب:لازم يا خالة امال تزورى اثيوبيا لانها جميلة جدا
وفيها اشياء لا تصدقى انك ترينها امام عينك
وايضا بها منبع النيل من بحيرة تانا العظيمة
فى منطقة اسمها بحردار

[blur]

:smiels0: عايز توديني عشان يخطفوا ولدي وزوجي بعيد بعيد يا ابو كفاية قريناها في الجغرافية وشفناها في الخريطة والخطاب يكفي عنوانه كفي شائفن بناتهم في السودان[/blur]

مرسل: **الاثنين 2009.10.12 2:40 pm**

يا ود ابنعوف حذفت شنو ،،، رسلو لي علي الخاص

مرسل: **الاثنين 2009.10.12 2:44 pm**

القلب الملك كتب:يا ود ابنعوف حذفت شنو ،،، رسلو لي علي الخاص

[align=center]يا اخوى بس انا مابعرفك لاكن جنك شمارات[/align][/size]

مرسل: **الاثنين 2009.10.12 2:47 pm**

رءوف كتب:من الرياض تمشى اديس ؟؟
الكضب ما سمح
اذا انت الدمام القريبة دى ما قادر تصلا ،،،، وتشوف اهلا ،،،
تانى اهبشنى

اسمع علق كويس على الموضوع

الدمام بعيدة ،،، لكن اديس قريبة ،،، رايك شنو في الرد دا

منتدى أنا سوداني

الى اديس ابابا بالجينز بس

الى اديس ابابا بالجينز بس

رد: الى اديس ابابا بالجينز بس

رد: الى اديس ابابا بالجينز بس

رد: الى اديس ابابا بالجينز بس

رد: الى اديس ابابا بالجينز بس

رد: الى اديس ابابا بالجينز بس

رد: الى اديس ابابا بالجينز بس

رد: الى اديس ابابا بالجينز بس

رد: الى اديس ابابا بالجينز بس

رد: الى اديس ابابا بالجينز بس

رد: الى اديس ابابا بالجينز بس

رد: الى اديس ابابا بالجينز بس

رد: الى اديس ابابا بالجينز بس

رد: الى اديس ابابا بالجينز بس

رد: الى اديس ابابا بالجينز بس

رد: الى اديس ابابا بالجينز بس

رد: الى اديس ابابا بالجينز بس

رد: الى اديس ابابا بالجينز بس

رد: الى اديس ابابا بالجينز بس

رد: الى اديس ابابا بالجينز بس