صفحة 1 من 1
أيهما أفضل ..أصدقاء الانترنت أم أصدقاء الواقع ؟
مرسل: الأحد 2007.4.22 7:48 am
بواسطة حزن السنين
أيهما أفضل ..أصدقاء الانترنت أم أصدقاء الواقع ؟
كلنا يعرف مدى اهمية الصداقة ..ومدى اهمية احسان اختيار الصديق
هناك اصدقاء الدراسة ..اصدقاء من العائلة ..اصدقاء الطفولة ..واصدقاء الانتر نت
والنوع الاخير هو الذي ارغب في التحدث عنه قليلا ( اصدقاء الانتر نت )
في كل يوم نقابل اصدقاء جدد في كل مكان حتى في الانتر نت
لنتذكر ..كم من صديق ( تعرفنا عليه من خلال الانتر نت ) وقف الى جانبنا وساعدنا كثيرا
بل قد نحبهم احيانا لدرجة كبيرة ربما تفوق حبنا لاصدقاء الطفولة او الدراسة ..بل ونحن لم نرهم اصلا
سؤالي هنا ...هل من الممكن ان يكون اصدقاء الانتر نت افضل واكثر وفاء من اصدقاء الواقع ؟؟
(ور ب اخي لك لم تلده امك )
في انتظار ارائكم.....!!!
رد: أيهما أفضل ..أصدقاء الانترنت أم أصدقاء الواقع ؟
مرسل: الأحد 2007.4.22 7:59 am
بواسطة moony
اصدقاء النت ما بختلفوا عن اصدقاء الواقع بكثير
ومرات تجد نفسك اكثر مع اصدقاء النت
وبالجد في اخوان واخوات في النت بيقيفوا وقفات ما بيقيفوها الاصدقاء القدام عيونك
وانا شخصيا عندي اصدقاء من النت ليهم والله اكثر من ستة سنين
بالجد وقفوا معاي في اوقات كنت بامس الحاجة لي اصدقائي الواقع الما لقيتهم
بس اهم حاجة انو الواحد ما يخفي الحقائق ويلفق ويزور شخصيتوا
لانو الطرف الاخر لو اكتشف كذبك ما ح يصدقك تاني وبتالي خسرت صديق
وممكن تمتد الصداقة لتصبح صوت وصورة بدل كيبورد وشاشة:079:
ودي بتحصل كثير
ورب اخ لم تلده امك وده ممكن تلقاه عادي في النت
رد: أيهما أفضل ..أصدقاء الانترنت أم أصدقاء الواقع ؟
مرسل: الأحد 2007.4.22 10:03 pm
بواسطة العسوله
[fot1]صح كلامك ياموني
وبعدين الصديق في الواقع او النت المهم لما تحتاج انسان يقيف جنبك في الشديدة انسن يشاركك مشاعرك كلها فرح او حزن ... وربنا ما يجيب احزان ان شاء الله
ودمتم سالمين
تحياتي[/fot1]
رد: أيهما أفضل ..أصدقاء الانترنت أم أصدقاء الواقع ؟
مرسل: الاثنين 2007.4.23 6:34 am
بواسطة ibn batoota
عزيزي نادر
الصداقة هي الصداقة سواء كان الأصدقاء في الواقع أو عبر شاشات الكمبيوتر..
لكن أصدقاء الإنترنت إذا كانت صداقات حقيقية مبنية علي الحب والصراحة ممكن تتفوق علي صداقة الواقع ..لأنو أصدقاء النت أغلبهم مابكونو شافو بعض وبالرغم من كده قدرو يتواصلو مع بعض ويخلقو علاقات جميلة...
رد: أيهما أفضل ..أصدقاء الانترنت أم أصدقاء الواقع ؟
مرسل: الاثنين 2007.4.23 7:07 am
بواسطة حزن السنين
moony ،عسولة ، الرائع دوماً ابن بطوطة
لكم كل الود و انا اتفق معكم في الراي للصداقة مسميات كثير جداً و لكن اذا كانت في الواقع او علي
الانترنت من اهم اساسياتها الحب والتقدير و الاحترام و فهم كل طرف الي الاخر ..
رد: أيهما أفضل ..أصدقاء الانترنت أم أصدقاء الواقع ؟
مرسل: الاثنين 2007.4.23 7:21 am
بواسطة sarona
طالما أن الانسان بيتعامل بصدق ووضوح مع الاخرين
فلا خلاف أن كانت الصداقه عن طريق النت...او أي شكل اخر..
فالارواح جنود مجندة ....وليس الاجساد....
حزن السنين... شكرا لطرح الموضوع
وتقبل مروري
رد: أيهما أفضل ..أصدقاء الانترنت أم أصدقاء الواقع ؟
مرسل: الاثنين 2007.4.23 7:34 am
بواسطة حزن السنين
الرائعة دوماً سارونا
مشكور يا غالية علي المرور و علي كلامك الجميل دا
بس ياريت كل الناس تنظر الي الصداقة بهذا المنظار .....
رد: أيهما أفضل ..أصدقاء الانترنت أم أصدقاء الواقع ؟
مرسل: الاثنين 2007.4.23 7:47 am
بواسطة انا اميرة الورد
[align=center]الصداقه اجمل واسما مافي الوجود
من الجميل ان يكون لدينا اصدقاء
ومن الأجمل ان يكونوا اصدقاءنا من كل انحاء العالم
والنت يجعل العالم قريه صغيره
وفي بعض الاحيانن اكون محتاجه لصديقة الواقع
فهيه من علمتني معنى الصداقه
تقف لجانبي وتساعدني
وفي بعض الأحيان لا اجد الأصدقاء في الواقع
لأن الدنيا مشاغل
فما اجمل ان يكون لي اصدقاء بالنت يقفوا بجانبي حتى لو كانت الوقفه وقفه معنويه
تحياتي لاصدقاء
تحياتي لكل اسرة انا سوداني من مشرفين واعضاء (( فهذا المنتدا بالنسبه لي اكبر صديق))
تحياتي للرائع دوما وابدا
حزن السنين
تقبل موروري وودي
اميرة الورد[/align][/size]
رد: أيهما أفضل ..أصدقاء الانترنت أم أصدقاء الواقع ؟
مرسل: الاثنين 2007.4.23 10:15 am
بواسطة شـهد الكلامـ
التحيه لاخونا حزن على الطرح الرائع
وقبل البدايه الف مرحبااااااااااااات لمقدمك المفرح وربى
عملنا ليك استقبال فى الشعر اقشر وتعال ما تكسفنا قدام الضيوف :079:
بالنسبه للصداقه :
هى واسعه المفهوم وهى مظله تظلل علينا من امطار المشاكل وتصنع دعامات الثبات عند التارجح .
والنفس دائما تميل لشبيهها .
مجتمع النت وصداقاتو :
ــــــــــــــــــــــــــــــــــــــــــ
البيميز صداقات النت عن غيرا من انواع الصداقات انك بتجد صديقك متوفر فى اى لحظه من غير اى مجهود وامكن فيها نوع من الخيال والابتعاد عن الواقع ,....................
لانك ممكن فى لحظه حقيقيه بمعنى حقيقيه تكتشف انك كنت واهم فى صداقات معينه على النت .
واحده من اهم سلبيات صداقات النت انها بتكون على حساب الصداقات الواقعيه والحقيقيه ان صح القول 0000000
وانها بتساعد فى تحوير شخصية الفرد الى شخصيه منطويه نوعا ما او لو صح القول غير اجتماعيه
دا اذا كان الفرد اصلا اجتماعى اما لو كان غير اجتماعى فدا يعنى انو حينتهى اجتماعيا .
بعدين فى حاجه مهمه انها بتخلى الزول يبعد عن اصحابو الحقيقيييين لانو الشخصيه على النت دائما بتكون اقرب للمثاليه .0000000000000 بتخليك تبحث عن الصديق المثالى ودا غير موجود الا فى الخيال لاننا كلنا من رحمة ربنا نحمل الخطا والصواب فى جوانبنا .
واكيد دا كلو ما بيمنع اننا نتصادق عبر النت بس ياريييت ننتبه لاصدقاءنا الفى جوارنا روحا وجسدا عشان ما نفقدهم ونجى نقعد جمب الحيط ونسمع الزيطه 
رد: أيهما أفضل ..أصدقاء الانترنت أم أصدقاء الواقع ؟
مرسل: الاثنين 2007.4.23 10:45 am
بواسطة Still I Need U
[align=justify]عزيزي حزن السنين ،،
لقد علمتين الحياة معانيٍ كثيرة من أنواع الصداقة ،، في كثير من المجتمعات ،، ومعني الصداقة في المقام الأول لا يفهمه أى شخص ، ولا يقدره أى شخص ،، أنا بالنسبة لي أعتبر الصداقة مثلها مثل الدراسات العلمية ،، لو أستطاع الشخص او بمعني أحمل الإنسان أن يتفهم معني الصداقة سيكون هو الأول في عالم الصداقة في كل شئ ،،
حزن السنين ،، أنت صديقي وأنا فتخر بك كثيراً ،، وقد تعلمت أيضاً أن صداقة الإنترنت أيضاً فيها الكثير من الفوائد كما فيها الكثير أيضاُ من السوالب ،، ولديك الآن على سبيل المثال الأصدقاء الذين تعرفت عليهم عن طريق هذه الشاشة البلورية ،، ولكم سعدت بصادقتهم وعندي أمثلة كثيرة جدا على ذلك ،، أقولها بأن الصديق عن طريق النت ربما يكون خير صديق وربما العكس ،،
تشكر عزيزي حزن على هذه المطارحة ،،
تقبل مروري ،،[/align]
رد: أيهما أفضل ..أصدقاء الانترنت أم أصدقاء الواقع ؟
مرسل: الاثنين 2007.4.23 12:35 pm
بواسطة حزن السنين
اميرة الورد ، شهد الكلام ، اخي و صديقي استيل
مشكورين يا حلوين علي المرور و التقيب
حقيقي كلامكم منطقي ....
رد: أيهما أفضل ..أصدقاء الانترنت أم أصدقاء الواقع ؟
مرسل: الاثنين 2007.4.23 1:56 pm
بواسطة هبه
الصداقه اجمل شى فى الدنيا
المهم انها تكون صداقه جاده
مبنيه على الحب والتفاهم
لان بذلك اكيد ستستمر الصداقه
ومش مشكله تكون الصداقه عبر الانترنت
او الواقع لان انت بتكون عرفت الصديق
كويس وطريقه تفكيره