منتدى أنا سوداني

ماهذا الكلام يا نور الإسلام
دا إنتا البقول عنك إنك من اعقل الاعضاء
ياخى بالغتا عديل كدا
دا كلام تكتبوا
يأخى الراجل كان غلط (ودا عادى ) إستغفر الله العظيم بتكفيهو لكن شوف لو المره .........
ياخى تضيع عمرك كلوا فى الولد دا بتاع منو أبوه منو جاء كيف وإذا إتعرف ابوه بكون فيها دم
وإذا ما إتعرف برضوا بكون فيها دم ودم ( منو فيهو ) طبعا فاهم
لكن الراجل يا صديقى موضوعو كلو بيتوقف على التوبه وبعداك الموضوع [ بينو وبين ربنا]
بعدين المواضيع ياعزيزى كتيرررررره بتحفر مالك وتقوم لينا الكتاحه والنقنقه وتخليهم يقولو (الحريم)
وشهد شاهد من أهله إنتا معانا ولآ مع التانيين
ولك كل الود والإحترام
متضرر

يانور الاسلام ببساطة شديدة لانو المراة هى الاكثر ضررا ...
وزى ما قال حازم الموضوع عندو توابع وملحقات

ملحقات ولا لا في الاخير عند ربنا الغلط غلط
واذا الناس صفحوا عن الرجل دا ما معناها يزيدوا غرور لانه هل هو متأكد انو ربنا صفح عنه؟؟؟؟؟
وبالنسبة لي انا ليس هناك اي مبررللخيانة والسبب واحد (ضعف الوازع الديني لا اكثر)

تحياتي

عزيزي نور الإسلام.
طبعاً إنت حصرت الموضوع بين المتزوجين فقط، وهنا فعلاً الحكم واحد، ولو كان فتحت النقاش لكل الفئات، فالموضوع كبير والفروق كبيرة وضغط المجتمع على الغير متزوجة والحكم عليها هو من مصلحتها ولحمايتها. وخليني أحتكم بالأسس الختيتها انت، وهي (المتزوجون فقط).
أخي في المتزوجون هناك نوع آخر من الخيانة ما موجودة عند غير المتزوجين،،، وهي خيانة الحواس،،، نحن ليه مهملنها. فالمتزوج/المتزوجة الخيانة عندهم ما بس في الجنس،، ولكن في النظر، والخيال وتمني النفس، ومتابعة هوى النفس حتى ولو في كباية شاي ولا عصير في مكان ما لمجرد البحث عن الراحة فقط لو كان في النفس شيء،، فكللللللل دي خيانات وخيانات متزوجين مش خيانة غير متزوجين. أما رأي المجتمع وما قلته فناتج عن كون المجتمع الشرقي هو مجتمع ذكوري يتحكم فيه الرجل وتظلم فيه المرأة في جوانب كثيرة، وهو ما نتمنى تصحيحه. يبقى الإختلافين فقط.
الإختلاف الأول، أن على المرأة أن تكون أكثر حرصاً على صون نفسها خوفاً الحمل الغير شرحي وما يترتب عليه من آثار نفسية للمولود مستقبلاً
الإختلاف الثاني، أن العلم أثبت أن إحتمال إصابة المرأة بالأمراض الجنسية من العلاقات الجنسية مقابل إحتمال الرجل هو 1:17، وهي نسبة عالية ناتجة عن طبيعة التكوين العضوي للجنسين وما توفره الأعضاء الداخلية للمرأة من حماية للفيروسات والمايكروبات من التعرض للهواء، مع توفير سطوح رخوة رقيقة تسهل ولوجهم لخلاخلايا والدورة الدموية.

لك التحياي

اخى نور الاسلام فعلا الرجل يغلط ولا احد يحاسبه
معتقدين ان الرجل من الممكن ان يغلط على كيفه
اما اذا غلطت المره يحاسبوها الجميع
طيب ليه
فين المساوه
يعنى الغلط بيكون غلط عند المراه والراجل لا
وكتير قوى الراجل يغلط اى غلط واذا حد كلمه يقول انا راجل
اعمل اللى انا عاوزه

[frame="7 80"]عزيزي نور تسلم في البدء علي الموضوع الشيق
تواخذ المراه علي خطاءها لان اثر الخطا يقع عليها اكثر ضررا
ومشقه منه علي الرجل
يعني العتره بتصلح مشيه الراجل
اما عتره المراه فتوقعها في بير ليس له قرار
هذا حسب مفهموم مجتمعاتنا المسلمه والمحافظه نوعا ما

تقبل مروري [/frame]