صفحة 1 من 1
شباب السودان...حبيبة من العيار الثقيل!
مرسل: الاثنين 2009.9.14 5:38 am
بواسطة هديل الحب
بسم الله الرحمن الرحيم
كانت تقصد القاعة في عجلة من أمرها فلم يتبقى الا خمس دقائق على المحاضرة فاستوقفها أن شبهت على أحد الشباب
ابن عمها الذي طال غيابه ..و لكنها استدركت الأمر بسرعة فواصلت طريقها..فعلق نظره بها و أوصلها بعينيه الى باب
القاعة فلم تفهمه و لم تهتم ...الى ان وصلتها الشائعة بعد أيام قلائل
(....) مكسرة في (...)!!!!
و اذا بها أصبحت حديث الدفعة ...و اذا به يتعمد المجيء لأصدقائه في القسم لرؤيتها ..أو ربما لتراه هي كما قيل ..اشفاقا
عليها !!!
و هكذا تعلق بها الشاب المسكين و عاش حالة حب و آهات ليل طويلة بسب (نقة) أصحابه اقتنع تمام الاقتناع أنها
مكسرة فيه!!..فتجاوب هو معها ..أو مع وهمه...دون علم منها وبعد...
لماذا أصبح الشباب..لنقل(على الهبشة) في مثل هذه الأمور؟
؟
ما حالة الحب المنتشرة هذه الأيام في المدارس و الجامعات ؟؟
لماذا أصبحت هناك جرءة ..في الحب ..في التعبير عن الحب ..لا أعرف لكن هل كان من الممكن في الماضي أن يقول
شخص لفتاة (أنا بحبك ) ..ما (شينة) يعني؟؟..ما جريئة عندنا كسودانيين ؟؟
ان كلم شاب فتاة قالت لصديقاتها ..بحبني
ان سلمت فتاة على شاب قال... مكسرة فيني
ألم يعدهناك نظرة..فابتسامة ..فاعجاب.. فـ....
هل أصبح ..الحب حتى قبل النظرة..كما في علاقات النت و الشات؟؟
أم أنه أصبح زمن السرعة في أي شيء حتى الحب؟
رد: شباب السودان...حبيبة من العيار الثقيل!
مرسل: الأربعاء 2009.9.16 1:49 pm
بواسطة محمد نعيم
احب اوضح معنى الحب بمفهومي او مفهوم شريحة معينه.
فالحب هو مجموعة اعجاب باشياء في الطرف الاخر مثلا انا اعجب بصوتك او اعجب بلبسك او اعجب بضحكتك فكل يوم اعجب بشئ فيك حتى تتكون مجموعة اعجاب فهنا اقول بحبك يعني الحب السريع الان هو ليس بحب هو اعجاب ربما الشخص الذي تحكي عنه اعجب بشئ معين من الاشياء التي تعجب الشباب الان واتكسر كما تقولين في شئ معين ربما لم يتكلم معها ربما لم تنظر له ربما ما اقترب منها لكي يتمعنها جيداً ولكن اعجب بشئ معين وهنا يقول باني حبيتها او يقول لها اني احبك ولكن لما يتقرب منها كثيرا ربما يكرهها لانه اعجب بشئ معين ربما يزول
رد: شباب السودان...حبيبة من العيار الثقيل!
مرسل: الأربعاء 2009.9.16 3:05 pm
بواسطة الأسير22
بشوف إنو حالة الحب السريع ناتجه عن فراغ عاطفي
فهى بحث عن ملء الفراغ أكثر من كونها حب حقيقي
لذلك نجد أن الحب من هذا النوع لا يستمر وينتهى بمجرد ملء الفراغ بشئ آخر
رد: شباب السودان...حبيبة من العيار الثقيل!
مرسل: الأربعاء 2009.9.16 4:15 pm
بواسطة scorpion
الحب السريع ليس ناتج عن فراغ عاطفي لكن الناس مابتعرف تميز بين
حب وإعجاب وريده لأنو كلو واحده بتختلف عن التانيه ثم تانيا نادرا ماكان
الحب في الجامعات ناتج عن حب حقيقي فإما كان مسك زمن أو شوفوني أنا حابي
فأغلب حب الجامعات كلام فارغ لأنو واحد من الطرفين بيكون بيغش على الطرف الاخر
رد: شباب السودان...حبيبة من العيار الثقيل!
مرسل: الأربعاء 2009.9.16 4:55 pm
بواسطة ودالعاصمة
والله ياهانا مونتانا الموضوع جميل جدا وللاسف حاصل فى مجتمعاتنا الجامعية وحتى المداس
والاسباب والاسباب كتيرة جدا ومنها فهم كلمة الحب وبعدين التميذ بين الحب والازعاج والمشكلة انو فى اسباب غريبة جدا مثلا انو الواحد لازم يكون عندو (جكسوية) وسط اصحابو والبت برضو لازم يكون عندها (جكس) وسط صحباتة والمشكلة
عشان الجنسين اى واحد بقى يتباهى بى انو بحب وعندو علاقات كتيرة والمشكلة انو زمان الحب مابورو بيو زى اسى والواحد لمن يحب بيخجل اسى بقى حاجة بيتباهو بيها للاسف...
عشان كدة كترت الحوادث فى الحب (والمفروض زاتو مانسميو حب) لانو الواحد لو المواصلات بعيدة وفى وحدة جنبو بحنك معاها لحدى مايصل ولمن يصل بحاول يشيل رقم التلفون واذا ادتو التلفون خير وبركة واذا ماادتو يكون اتونس ووصل (واتخيلى لو ادتو التلفون ايــــــــــــــــك ) وبرضو حكاية البنات البحاولو يفتحو موضوع فى الحافلة والواحدة تقول ليك كدى افتح لى الشباك وكدى الساعة كم والكمسارى دة مالو شين كدة لحدى ماتقتنع وتتونس معاها وتديك رقم التلفون واول ماتنزل من الحافلة ولسة ماشى على البيت وجنب الدكان تضرب ليك تقول ليك انا بحبك....... والواد لو ماعندو قروش يمشى للبت المرطبة ويحنكة عشان تصرف عليو والبت المفلسة تمشى للود المرطب والمشكلة انو الجنسين بقو كدة يعنى الزول (المفتح والمرطب والعندو عربية ويكون راسطة و ومابحضر محاضرات وبهتم بالبس وقاعد فى الكفتريات ) دة الاول والبت (الشفتة البتحول لاى انصاص الليالى وبتمشى dg ومشاكلة امها واخوها مابسالة فى البسوى والبتلبسو كان اسكيرت قصير وكوم قصير) دى الاولى عند الولاد للاسف يعنى واسى زى حلاتى دى لوجيت لاى بت بكل جدية وقلتة ليها انا بحبك وصادق فى حبك طوالى حتوافق وهى خاتة فى بالة انى انا 99.9% انى كزاب وماجادى وعندى 60الف علاقة حب والله ماعارفين النسوى بس نقول ..........ياريت كلو زول تاية يلاقى الريدة فى دربو على شرط يكون جادى
(فى حاجة نسيتة الود يخجل لمن يقول للبت انا بحبك؟؟) والله انتى بريئة ياهانا مونتانا هو فى حاجات تانية مابخجلو منها يجو يخجلو من الحب والبحصل كالاتى.. .........نظرة ــــ ابتسامة ــــ معاد ــــــ المصلحة المرجوة من زلك
ود كلو سببو تدهور التعليم وتدهور المجتمع والمفروض اى زول يعمل على محاربة الحاجات دى عشان يسود مجتمع نقى خالى من الشوائب ويتوفر فيهو كل انواع الحب والعشق الطاهر والنبيل ويكون شعار اغانيهو...
حبيبى هواك هوى الاملاك رفعنى الا على الافلاك
رفيع لكن لا رفعة بلاك ولن يتجاوز طرف علاك
بحبك حب للة نبيل للة نبيل
لا للشهوات لا للتقبيل لا للتقبيل
رد: شباب السودان...حبيبة من العيار الثقيل!
مرسل: الخميس 2009.9.17 9:46 am
بواسطة osman hassan
الحب ليست كلمات تقال فمن اجله ماتت نساء ومات رجال