منتدى أنا سوداني

وجهة نظر كتب:والله شكلو الحكومة ما دايرة تحل مشكلة الصرف الصحي في الخرطوم لانها مشكلة كل سنة بتتكرر
بدون ما تتحرك الجهات المختصه
صحيح انو المشكله صعب تتحل بسهوله لكن على الاقل المفروض المشاريع الجديده القامت في السنين الاخيره تكون فيها صرف صحي وتصريف لمياه الامطار..لكن للاسف المشاريع بتقوم بدون نظره مستقبليه يعني بتتعمل مشاريع كتيره من شوارع وانفاق وكباري بدون ما يتعمل تحتها صرف صحي

وامطار السنه دي شكلها جات قويه والله يكون في عون الناس

bitadlan كتب:اذا كانت المشكله صعب تتحل بي سهوله زي نفق عفراء المسكين ده قبل ما يتفتح للماره ومن ضمن تصميمه يكون المصرف بدل مانشوف وتشوف القنوات الفضائيه المنظر الغريب ده في التلفزيون ويقولوا علينا كلام نستاهلوا نعمل شنو؟؟؟

مها كتب:[grade="8B0000 8B0000 8B0000 8B0000"]والله يا جماعه الحكايه دى كل سنه والمتضررين بذيدو سنه ورا سنه
طيب نحنا السنه دى سكتنا والبعديها وهكذا ...........................
نسكت ليه ....؟؟؟ ليه ما الناس كلها تكون يد واحده ويقيفوا وقفه رجل واحد
ويكون فى احتجاج بصورة رسميه للمسؤلين
اصدرت وزارة التربيه توقيف الدراسه لمدة اسبوع عشان اغلبيه المدارس فى حالة صعبه
دى صورة من الحاله العامه .....من ناحيه تانيه كل الناس بقت تفطر داخل المنازل عشان الشوارع مليانه فقدنا حتى الاجر البننتظرة فى السنه مره............
بتشوف مناظر فى التلفزيون وما فينا من حرك ساكن ....
الامبلاة اصبحت سمه فينا .....؟؟؟
يا اخوانى الحق يقال لو ما كان هناك تحرك وجهود من الشعب الحكومه حا تظل مكتوفة الايدى كما عهدناها فى الموسم السابق [/grade]

زوزو الجامعي كتب:والله تقولي شو غايتو ربنا يهديهم ويصلحو لينا البلد ويعملو بنيه تحتيه

ahmede كتب:

بقولوا امطار خير وبركة
ولكن بالحاصل على بلدنا انا شايف عكس ذلك
ربنا يحفظ اهل البلد جميعا

ابو بكر عباس علي كتب:الاسباب سوء في التخطيط والادارة ونهب الميزانيات والفساد وعدم الخبرة ولكن ايضا هناك اشياء يتسبب فيها المواطن عن جهل (السكن العشوائي في مجاري السيول واهمال الاهتمام بتصريف المياه داخل وخارج المنزل )

كنا احد المتضررين من فيضانات وسيول 1988 م وكلكم راي حجم الكارثة اذ بلغت الخسائر في تقديري ما يفوق مليارات الدولارات والكثير من الارواح وبما اننا شعب ضعيف الذاكرة اعدنا بناء ما تدمر في نفس المكان وبنفس البنيات السابقة دون الاستفادة من التجارب السابقة وتكررت الكارثة مرة اخري في بعض المناطق مثلا شرق النيل في الاعوام 1998 و 2006 ان لم تخني الذاكرة .

حاولت ان اكون ايجابيا واقوم بما يمكن ان يدرأ الضرر علي المواطن الغلبان وقمت بعمل دراسة كاملة لاسباب ومعالجات لمشاكل السيول لبعض اكثر المناطق تضررا في العاصمة وقمت بارسالها لمسئول كبير عن هذا الشان قابلته اثناء جولة خليجية له وكان يطلب مساهمة المغتربين في بناء الوطن وحل مشاكله بما يتيسر لهم من خبرات ومهارات مكتسبة في الخارج ووعدني بالرد سريعا ولكن برغم مرور عامين
علي المراسلات لم يتم شي ويئست من الموضوع
علي الرغم ان العرض الذي قدمته لا يكلف خزينة الدولة جنيها واحد ا فقط بعض الجهد والنشاط ليس الا
ولكن هيهات .

لذلك اصبح لدي قناعة راسخة بان افة هذا البلد ليست بامكانياته وثرواته ولكن تكمن في بعض ابنائه الذين يفتقدون للخبرة والمهارة في في فن الادارة

بنت الاصايل كتب:والله يا اخي انا اعرف ماذا اقول او كيف ابدا غير الله يرحم من في الارض
ويرفع عنهم الباوي ,,,آآآآآآآآآآآمـــــــــــــــــيـــن

مشكوووووور والله يعطيف الف عافيه

مها كتب:[grade="8B0000 8B0000 8B0000 8B0000"]والله يا جماعه الحكايه دى كل سنه والمتضررين بذيدو سنه ورا سنه
طيب نحنا السنه دى سكتنا والبعديها وهكذا ...........................
نسكت ليه ....؟؟؟ ليه ما الناس كلها تكون يد واحده ويقيفوا وقفه رجل واحد
ويكون فى احتجاج بصورة رسميه للمسؤلين
اصدرت وزارة التربيه توقيف الدراسه لمدة اسبوع عشان اغلبيه المدارس فى حالة صعبه
دى صورة من الحاله العامه .....من ناحيه تانيه كل الناس بقت تفطر داخل المنازل عشان الشوارع مليانه فقدنا حتى الاجر البننتظرة فى السنه مره............
بتشوف مناظر فى التلفزيون وما فينا من حرك ساكن ....
الامبلاة اصبحت سمه فينا .....؟؟؟
يا اخوانى الحق يقال لو ما كان هناك تحرك وجهود من الشعب الحكومه حا تظل مكتوفة الايدى كما عهدناها فى الموسم السابق [/grade]

ودالعاصمة كتب:

واللة يانهر انا اكتر حاجة استفزتنى مسالة نفق عفراء (الناس وقفت العربات ومرقت والاولاد بقو يعومو يعنى مسالة جايطة جواطة شديدة) والمشكلة انو نفس الخطاء حصل قبل كدة فى الانفاق البتودى لا امدرمان فى الكبرى الجديد والغريبة انو مسالة حلها ماصعب وحتى مسالة الصرف السطحى للمياة ماصعبة لكن نقول شنو بس اسى والله انا ازعل اقلب ليهم الحكومة دى وابقى اعضاء المنتدى وزراة والله بحلو المشكلة دى احسن من الناس القاعدين اسى ديل