صفحة 1 من 1
رحيل
مرسل: الاثنين 2009.8.24 10:12 pm
بواسطة abi
ماكنت متخيل أفارقك
وتبقى شوفتك مستحيلة
بس وحاتك كان مقدر
يا منبع الحب والفضيلة
شلت أشواقي ورحلت
و السهر بقى لي وسيلة
الخطاب الجاني منك
عالج النفــــــس العليلة
كل يـــوم بقراه مــرة
و كـــــــــــــــل ليلة
والحنان القلتي لــــــي
خلد أشـــــواقي النبيلة
بكره ح أكتب ليك رسالة
فيها قصــة حب جميلة
بس أوع تبكي أصلي
عارفك كلك إحساس يا أصيلة
رد: رحيل
مرسل: الاثنين 2009.8.24 10:56 pm
بواسطة مها
شكرا على القصيده الجميله
فى انتظار الجديد اهلا بيك ورمضان كريم
هل من لقاء؟
مرسل: الأربعاء 2009.9.16 9:28 pm
بواسطة abi
هل من لقاء ؟
هل من لقاء يسعد القلب الحزين !
معشوقتي هل تعلمين ؟
قد صرت مكتوف اليدين
قلبي تفطر من بكائي و الجبين
باحثا عن بلسم يشفي جراحات السنين
معشوقتي هل تسمعين ؟
لم أعد أقوى على حمل القلم لأقول شعرا أو نغم
و ركضت خلف أثواب العدم
قلبي تمزق حرقة واليوم يعتصر الألم
قد كان يحيا حياة بلا سقم
و اليوم يرجع خاسرا في مغلتيه دمع الندم
رحيل 2
مرسل: الأربعاء 2009.9.16 10:00 pm
بواسطة abi
علام البكاء و الناس قد رحلوا
فأصبر يا قلبي المجروح و اصطبر
و اشتل الفل في أرجاء ساحته
قد يرجع المحبوب يوما من السفر
كيف تفرح و الأحزان آتية
و سهم المنية بين القوس و الوتر
و يح نفسك اليوم ساهية
هل مسها جن أم شيء من السحر
يا توأمي أستودعتك و الركب مرتحلا
أداري دموعي عن الأترابي و النفر
ما خلاص
مرسل: الأربعاء 2009.9.16 10:07 pm
بواسطة abi
ما خلاص خلتنا نحن و صرت ما تضرب إلينا
يبدو إتغيرت إنت و صرت ما بتسأل علينا
أصلو طبع الدنيا قاسي و كم شقينا و كم شقينا
كنت متوقع تجينا و بالفرحة تتشابك إيدينا
مرة نضحك و مرة نبكي و تغمر الدمعات عنينا
بس رحت تتنكر بعيد و شلت فرحتنا و سنينا
و خلتنا في بحر الظلام لا عرفنا نسبح و لا نجينا
و السلام مسك الختام و دا الي كان مكتوب علينا
ليـه ؟
مرسل: الأربعاء 2009.9.16 10:23 pm
بواسطة abi
ليه جاي تسأل عني تاني و تفتح الصفحة القديمة؟
و ليه بتسأل عن عواطفي و تردد القصة الاليمة؟
ما خلاص خليتو ريدك و الحزن جواي دفـنتـو
حتى الأمل ودع و راح و الفرح من قلبي شلتـو
و في نهاية القول بقول لك كنت أوفى الناس و أكتر
و كنت زي ما قالوا عني أخلص الناس ليك و أندر