منتدى أنا سوداني

[/color]

بسمة الحياة كتب:

بشكرك على الطرح الرائع

انا بشوف انو الرجولة عمرها ما تنقاس بالقسوة والشدة
جميل انو الراجل تكون شخصيتو قوية و له هيبة
و لكن اللين ما بقلل من هيبته
وما يظن الرجل انو لمن يكون قاسي على زوجتو او اختو
حتسمع كلامو احتراما له بل بالعكس هي بتسمع كلامه خوف منه و لتفادي قسوته
صح الراجل مفرض يكون صلب ويتحمل اشد الصعاب
لكن الرجل انسان له مشاعر واحاسيس يغضب ويحزن وله الحق ان يبكي
و ليس عيبا ان يبكي الرجل
لكن يبكي في حدود

بسمة شكرا على المرور والرد الجميل

قمر الليالي كتب:

انا صراحه بعتبرها رجوووله

شكرا علة المرور يا عسسسسسل
لاكين ليه تعتبري القسوة رجولة؟؟؟

دعد كتب:

رمضان كريم وكل سنه وانتي طيبه

موضوعك جميل
الرجل خلقه الله اقوى
ولا يحتاج لان يثبت قوته بالقسوه
القسوه مجرد دواء مر(زي دواء الملاريا)
لايجب ان يستخدم الا عند الحاجه الشديده
والا فسوف يؤدي الى اثار جانبيه سيئه
ليس على من حوله فقط
ولكن عليه هو ايضا
لانه يمنع مشاعره الطبيعيه من الظهور
لكن ايضا الافراط في اظهار المشاعر يكون مشكله
وقد يؤدي الى تقليل قيمته امام المرأه
(خير الامور اوسطها)
ان بكى الرجل امام المرأه لسبب طبيعي سوف تحس به وتحترمه
ولن ينقص ذالك من مكانته بل العكس

تقبلي مروري يا عسل

[/color]

وانتي طيبة يا عسل
شكرا على المرور وكلامك مية مية

نهر المحبه كتب:مشكوره ميمي
قسوة الرجال لا تعتبر رجوله
نعم ان الله اوجدها فيه بالفطره لكن ليكن الرجال حكماء في استخدامها
لايفرض قسوته على من حوله حتى لو فرضها على اعراضه فليكن من باب التاديب فقط
ليس بالكراهوتقبلي مروري

نهر المحبة شكرا على المرور
منورة البوست بوجودك وردك الاجمل

نااناا كتب:

[glow=0000CC]ربنا خلق الراجل قوي لكن ما قاسي
يعني القسوة ما صفه طبيعية في الرجل
لكن بعض مواقف الحياة تفرض عليه القسوة

يااااااااااااه الكلام الكتير جدا وأنا ما عايزة أتفلسف ليك :D
أختصر ليك الحكاية أحسن حاجة انو الراجل يكون قاسي في المواقف المحتاجة القسوة ولين في المواقف البتحتاج اللين
بأختصار أكتر
يكون زي المثل البقول
((لكل مقاما مقال ))

تحياتــــــــــــــــي يا عسل موضوعك رائع جدا زي ما عودتينا [/glow]

شكرا يا نانا العسل على المرور منورة

رءوف كتب:لا يكون قاسى خالص ولا ضعيف خالص

احيانا الوضع يخليك تكون قاسى مثلا ( جيت من العمل متاخر بالليل ولقيت الحرامى كسر راس زوجتى تفتكرى اكون ضعيف معاهو واقول ليهو شكرا يالحرامى ماقصرت؟؟؟؟؟ طبعا ح اكون قاسى معه واحتمال اعطيه كف عشان كسر راس المرة ثانيا( جيت من الشغل ولقيت زوجتك بتبكى ولم سالتها مالك ياولية قالت ليك امها وابوها ماتو فى حادث حركة اها هنا طبعا لازم تكون ضعيف وتنزل ليك دمعتين

اها لقيتينى كيف ياميمى

شكرا على المرور يا رءوف
لاكين في رجااااااااااااال على طووووووووووووول اعوذ بالله منهم بسبب وبدوووون سبب
وشكرا على الرد

حافظكو كتب:القسوة في الرجال تدل على ضعف في الشخصية عشان كده بكمل الناقص بالقسوة ..........

والنبي الكريم قال ما أكرمهن الا كريم وما أهانهن الا ليم

وكل موقف له تصرفه ...............


ومرات القسوة بتكون سببها المرأة بتعمل حاجات بتخلي الراجل دمو يفور ويلخبط معاها .........

تخريمة:-
المره اضبح ليها الكديسة من أول يوم عشان ما تطلع ليك في راسك
وطبعا عارفيت قصة ضبح الكديسة ؟؟؟؟

اهلين حافظكووو رمضان كريم
شكرا على المرور
انا ما عارفة القصة يلا تعال احكيها انا مجهزة القهوة عسان اسمعا بي مزاااااااااج

السلام عليكم
وكل عام وانتم بخير
تصومو وتفطرو على خير

شكرا ميمي على البوست
لكين يا ميمي ليه انتو معشر النساء معتبرين انو الرجال قاسين في المعاملة . وأنا ملاحظ انو في الأيام الأخيرة كتر الكلام عن قسوة الرجل كتير مع انو الرجال بطبعهم عطوفين جدا على حواء وخاصة (زوجاتهم) ولكن الرجال لا يقبلون أن يكونو منساقين لطلبات النساء . وده مش عشان يبرزو قوتهم وسيطرتهم لكين عشان في بعض طلبات النساء بتكون (غذراً) غبية وما جاية في وقتها .
يا بناتنا حبو رجالكم وافهموهم يختوكم فوق راسهم .

تسلمي ميمي على الطرح الرائع ده ..
اما بخصوص القسوة فلا طبعا مالها علاقة بالرجولة ..
يعني الرجولة تعني ..
ان يكون الرجل ليهو كلمة واحدة ويكون شهم فالشهامة تأخذ معظم مفهوم الرجولة ...
ويكون قاسي في الاوقات اللي بتحتاج قساوة ويكون لين في اوقات اللين ومايكون قاسي لدرجة انو ابوه يموت مثلا وما يبكى ده يعتبر قاسي مش راجل ..
المهم القساوة ماليها علاقة بي الرجولة..

حافظكو كتب:الله أكرم يا ميمي ........

انشاء القهوة بي بخورها ...... وطبعا انا زول بشم البن يعني نحكى والبن في القلاية اتفقنا ....

طيب :

الراجل عرس المره وسايقها معاهو بيتو ......... أمها بقت توصي فيها الراجل ده البسي خاتم في اصبعك من أول يوم وريهو الوش الكعب عشان ما يطلع ليك في راسك ................

وفي الطريق جنس دلع ...... المره قبل ما تصل بيتها عملت في الراجل جنس عمايل ............ وطبعا الرجال صابر واي حاجة تطلبها المره ينفذها ليها بدون تردد ........

لما وصولو البيت الراجل طلب من المره طلب ................ بس المره قعدت تحمر ليهو .......

وطبعا عندو كديسة في الساعة ديك كانت واقفة .......... قال للكديسة (بس) الكديسة ذاتها بقت تحمر ليهو ......... طوالي ما كضب طلع سكينو من ضراعو وضبح الكديسة قدام المره .........

وعاين في المره ............ ومن ديك والمره قلبها طار وكلام أمها راح شمار في مرقة ........

هههههههههههههههههههههههههههههه
يحليل الكديسة
ويحليل كلام الام
خلاص انت لمن تعرس سوق كديستك معاك
ههههههههههههههههههههههههههه

حبيب الناس كتب:السلام عليكم
وكل عام وانتم بخير
تصومو وتفطرو على خير

شكرا ميمي على البوست
لكين يا ميمي ليه انتو معشر النساء معتبرين انو الرجال قاسين في المعاملة . وأنا ملاحظ انو في الأيام الأخيرة كتر الكلام عن قسوة الرجل كتير مع انو الرجال بطبعهم عطوفين جدا على حواء وخاصة (زوجاتهم) ولكن الرجال لا يقبلون أن يكونو منساقين لطلبات النساء . وده مش عشان يبرزو قوتهم وسيطرتهم لكين عشان في بعض طلبات النساء بتكون (غذراً) غبية وما جاية في وقتها .
يا بناتنا حبو رجالكم وافهموهم يختوكم فوق راسهم .

وانت بالف خير
والله ما كل الرجال عطوفين وكده في رجال طوالي قلبهم حجر سوا على اخواتم ولا على زوجاتم
شكرا على المرور