منتدى أنا سوداني

تونقا 2 كتب:مشكور يا استارو موضوعك جميل
ومن خلا عادتو قلت سعادتو
طيب يا اخوي تعال النسعلك انت مش من ناس بحر ابيض

هامس كتب:اخى استارو موضوعك جميل تشكر عليه-- واخى الصغير هتان نحن ما شغالين بالسودان. لا والله نحن روحنا ودمنا فى (عزة) ولكن الحاصل فى السودان ان كان من الشعب او المسئولين ملخبط موازينا كلها شوف الغلاء الحاصل- المعيشة الصعبه- الحس الوطنى المفقود- الابتعاد عن القيم الجميلة- الانغماس فى المحرمات- قطع الارحام -الانانيةو حب الذات---- دى اشياء تهد الجبل يا رجل

زوز كتب:الاخ استارو ....
لك التحية وانت تنكأ جراحات غائرة في هذا الجسد السوداني العزيز .....
لكن لابد ان تنكأ هذه الجراحات ..حتى ينظف الجرح ويسهل اندماله وشفاؤه .....
عندنا في السودان خطوط حمراء حتى وقت قريب كان لايستطاع تجاوزها ....لاعتبارات كتيرة امكن دا مش مجال مناقشتها ..لكن وعلى العموم ..... المسائل بتاعة القبيلة وما ادراك ما القبيلة دي الملاحظ انها كترت في الفترة الاخيرة دي اكتر من اي وقت مضى ...... وحقيقة السبب شنو ما معروف ... زمان مسالة السوال عن القبيلة دي كانت محصورة في مسائل الزواج والنسب والحاجات دي(والبعض يجد مبررا لهذا السؤال في مسائل الزواج ) ... لكن هسع بقت سؤال اساسي في الجامعة والعمل والمناسبات الاجتماعية والسفر وغيره ودي اماكن لا تجدي فيها اجابة السؤال دا... المهم ربنا يكفينا شر التفرقة والتعصب للقبيلة
واللي نقدر نقولوا : ارفع رأسك انت سوداني .............وكفى

معتز كتب:والله عندك الحق يا اخ استارو يكفى انه انا سودانى دى براها كافية لعرض هويتى والباقى كله مافى ليه داعى

ودالدرديري كتب:استارو ياانسان ياجميل
احييك لحدما تتضايق زاتو
ياخي نحن تعبانين من الحاجة دي جدا ومنجضننا نجاض عديل كدا
وفعلا ارفع راسك ويكفي انك سوداني ومامهم من وين المهم من السودان وبس
وانا غايتو بعتبر سودانيتي جواز سفر لأي جنسية تانية
والماعاجبو يشرب من اقرب ترعة جمبو
انا سودااانييييييييي وبس


**((شايف فى جماعة بشربو من الترعة ماعارف الحاصل شنو))**
يديك العافية