منتدى أنا سوداني

مرسل: **الثلاثاء 2009.8.11 8:45 am**

يا جماعة سؤال كتير محيرني ،،

في أي مكان،،، كان هنا والا في السودان لازم تلقى زوجة الغني جميلة لامن غلط ودا لاحظتو بنسبة 90% ممكن أقول ،،،،

ما عارف أنا ،،، علاقة المرأة الجميلة بالرجل الغني كيف؟؟

الظاهر القروش بتدي للجاهل علم ،، وللأصلع شعر ،،، وللبدين رشاقة ،،، وللما وجيه وجاهة ،،،

طيب والما عندو أخلاق ،،،لا دي قوية ما أظنها بتحصل

صحي إنتو كدا يا بنات؟؟؟؟؟؟؟؟

يعني لما الراجل يكون عندو قروش كتييييييييييييرة صعب ترفضوه؟؟؟؟

غايتو أنا عرفتا حاجة ،،،، والا شنو يا شباب ؟؟؟؟؟؟؟؟؟ في واحد لاحظ معاي؟؟؟؟

مرسل: **الثلاثاء 2009.8.11 10:00 am**

يديك العافية

اها انت من ياتو فيهم ؟

مرسل: **الثلاثاء 2009.8.11 10:16 am**

ود أبنعوف أكان قوتا ليك أنا ياتو السنيورة بطيييير وصاحبنا بلحقا،،،، خلي الطبق مستور يا عزيزي

وخليني أقول أنا القروشو كتييييييييييييييييييييرة

أها بترضى بي السنيورة؟

مرسل: **الثلاثاء 2009.8.11 10:17 am**

في أي مكان،،، كان هنا والا في السودان لازم تلقى زوجة الغني جميلة لامن غلط ودا لاحظتو بنسبة 90% ممكن أقول ،،،،

ما عارف أنا ،،، علاقة المرأة الجميلة بالرجل الغني كيف؟؟

يا قلب دى عايزة سعال دى البنات جنهن القروش
والدليل نحنا لى هسع ماعرسنا عشان مفلسين

مرسل: **الأربعاء 2009.8.12 1:46 am**

القروووووووووش مهمة خاصة في الزمن دا

لكن عن نفسي أستحالة أقبل بحد عشان قروشو بس

لانو الزواج حياة كاملة وطويلة ممكن القروش تمشي وتجي فيها

بس التفاهم والحب والمودة ما بمشو مع القروش

تحياتـــــــــــــي

مرسل: **الأربعاء 2009.8.12 1:57 am**

ممكن الغني يشتري الجميله بقروشو......((حتى لو كان شين
لكن من رايي انو الجميله من جد ما بتبيع نفسها عشان قروش....
وتقبل مروري

مرسل: **الأربعاء 2009.8.12 8:45 am**

رؤوف أنا برا غايتو ،،،الحمد لله أنا متزوج وعندي أمورة وأمور زي العسل ،،، عقبالك والجميع إن شاء الله ،،،

نااناا ـ مممممممممممم دليل علي إنك حلوة،،، بس فكري كويس ،،،حتى لو كتبت الفيلا باسمك؟

بشورة الأمورة ـ الزمن دا بتعملا والا لأ؟؟؟؟

مشكورين أحبابي على المرور

مرسل: **الأربعاء 2009.8.12 9:06 am**

منور عزيزي القلب الملك
كلامك فيه من الصحة الكثير
لكن زي ما بيقولوا اصباعك ما سوا
في ناس قبل ما بيسألوا عن العريس و خلقه و غيرها من الحاجات المهمه
بيسألوا كم حتدفع ؟ و كم دخلك ؟
والسبب مش زي ما فسرها البعض انو بيبيعوا بنتهم لا لا
ممكن عشان يأمون لها مستقبلها و يضمنوا ان حياة بنتهم بعد الزواج
حتكون مستقرة على الاقل من الناحيه الماديه.
.
بخصوص النقطة الي تكلمت فيها ان زوجة الغني دايماً حلوه
أنا بوافقك 100% لكن فين المشكله في دا
ممكن الرجل يكون غني و محترم في نفس الوقت
وقتها تكون البنت كسبت المال و الجمال

مرسل: **الأربعاء 2009.8.12 9:18 am**

القلب الملك كتب:يا جماعة سؤال كتير محيرني ،،

في أي مكان،،، كان هنا والا في السودان لازم تلقى زوجة الغني جميلة لامن غلط ودا لاحظتو بنسبة 90% ممكن أقول ،،،،

ما عارف أنا ،،، علاقة المرأة الجميلة بالرجل الغني كيف؟؟

الظاهر القروش بتدي للجاهل علم ،، وللأصلع شعر ،،، وللبدين رشاقة ،،، وللما وجيه وجاهة ،،،

طيب والما عندو أخلاق ،،،لا دي قوية ما أظنها بتحصل

صحي إنتو كدا يا بنات؟؟؟؟؟؟؟؟

يعني لما الراجل يكون عندو قروش كتييييييييييييرة صعب ترفضوه؟؟؟؟

غايتو أنا عرفتا حاجة ،،،، والا شنو يا شباب ؟؟؟؟؟؟؟؟؟ في واحد لاحظ معاي؟؟؟؟

ان الله جميل يحب الجمال عشان كده بدي الجميل كلي شيء

مرسل: **الأربعاء 2009.8.12 12:02 pm**

شكرا kimo وآمال الناس على المشاركة ،،،رأيكم مقدر جدا،،،

kimo لا ما في مشكلة طبعا بس أنا بقول ملاحظة ،،،

تسلموا أعزائي

مرسل: **الأربعاء 2009.8.12 7:18 pm**

ياقلب موضوعك في الصميم

موش الاغنياء نساءهم جميلات في برضو فقراء ونساءهم جميلات جدا

في نظري الرجل الغني مرتو بتكون مرتاحة
يعني لا عواسة لا فرك
تلقاها باردة وبعدين ضميرا مرتاح

والعكس للفقير الواحدة تلقاها مهمومة علي طول في ابسط الاشياء

يعني في النهاية القصة فكة

مرسل: **الأربعاء 2009.8.12 8:58 pm**

لانو الغنى ( كثرة الاموال) من الكماليات والجميلة عشان جمالها تستحق الافضل عشان كدة بترتبط بالاغنياء،،، لانها تستحق النعمة دى ( من وجهة نظر المجتمع)
منطق برضو مش كدة ؟؟؟

مرسل: **الخميس 2009.8.13 7:30 am**

[align=center]اخوى القلب مشكور على الطرح الحلو منك
بس انا بقول ليك علاقة البت الجميلة بى صاحب
المال هذة علاقة شبة قديمة ومنذ الازل لاكن لها سلبيلتها
كما نشاهد فى المسلسلات والافلام اغلبها زواج فاشل لعدة
اسباب منها عدم التوافق فى السن بين الزوجين هنا اتخلت
الموازين ابنت تكون غير مقتنعة بى الرجل بل هى مجبرة
من اهلها من اجل المال................. الخ
ولكم هذة الاسئلة
) هل زواج كبار السن من فتيات في سن بناتهم زواج عادل ؟؟

2) هل تعتبر هذه الزيجات في نظركم أنانية من الزوج ؟؟

3) هل ترون أن موافقة الاهل على مثل هذه الزيجات ظلم لبناتهم ؟؟

4) هل سيكون هناك توافق عقلي وفكري بين الزوجين ؟؟

5) هل تتفقون مع من يعتبرون هذا الزواج جريمة بشعة في حق الفتاة ؟؟

6) هل سيستطيع هذان الزوجان تكوين أسرة صالحة ؟؟

7) هل سوف يأثر ذلك سلبا على الأطفال ( إن وجدوا ) مستقبلا ؟؟[/align][/size]

مرسل: **الخميس 2009.8.13 7:55 am**

يعني في النهاية القصة فكة

شوتال / مشكور عزيزي الظاهر الموضوع الضحاكات "الفكة" زي ما قوتا،،،الله يرزقنا ليهن بخيرهن

مرسل: **الخميس 2009.8.13 7:59 am**

بت مختبرات ،،برضو راي ليش لا ،، بس الجميلة ممكن تتزوج المال لأنها جميلة بغض النظر عن أي حاجة تانية؟

مشكورة على المشاركة

مرسل: **الخميس 2009.8.13 8:09 am**

تحياتي الفرح المهاجر : مشاركة قيمة وأسئلة في الصميم

) هل زواج كبار السن من فتيات في سن بناتهم زواج عادل ؟؟

في عهد رسول الله صلى الله عليه وسلم لما تقدم عمر بن الخطاب ـ وهو من تعلم مكانته في الإسلام ـ لخطبة "فاطمة الزهراء" لم يجبه النبي صلى الله عليه وسلم ،، وزوجها لعلي "كرم الله وجهه"،،، مما يقال عامل السن كان حاسم ـ والله أعلم.

2) هل تعتبر هذه الزيجات في نظركم أنانية من الزوج ؟؟

أنا ما بتعتبرها أنانية من الزوج ،، هو رغب ،، والإنسان برغب في الجميل دائما ،، كم هي يانعة ورقيقة تلك الصغيرة ،،، ما بعتبره مسئول لأنه ليس من قرر النهاية وإنما عرض فاذا قبل أو لا.

3) هل ترون أن موافقة الاهل على مثل هذه الزيجات ظلم لبناتهم ؟؟

إذا كان من غير إذنها فهو ظلم.

4) هل سيكون هناك توافق عقلي وفكري بين الزوجين ؟؟

بتوقع عدم التوافق في معظم الأحيان ،،، ودا برجع لشخصية الزوجين ،، بس ممكن البت تكون صغيرة وتكون أكثر فهما وتقديرا للأمور من الزوج الذي يكبرها..

5) هل تتفقون مع من يعتبرون هذا الزواج جريمة بشعة في حق الفتاة ؟؟

إذا كان من غير رضاها ،،، نعم أتفق.

6) هل سيستطيع هذان الزوجان تكوين أسرة صالحة ؟؟

نفس الإجابة رقم (4)

7) هل سوف يأثر ذلك سلبا على الأطفال ( إن وجدوا ) مستقبلا ؟؟

الإجابة (4) ، الأطفال دائما يتأثرون بالمحيط ،، لأنهم يسجلوا ملاحظاتم وتنبي عليها شخصيات إما معتدلة ، متشددة أو ضعيفة ....

مرسل: **الاثنين 2009.8.17 9:20 am**

زمان بقولوا الله يديك واحد هايش وكباب درايش يعني القصة دي متاصله فينا من بدري ولا رايكم شنو؟؟

مرسل: **الاثنين 2009.8.17 1:18 pm**

مشكورة لا تنسى أخاك ،،، كباب درايش ممكن تكون القروش ،،، هايش دي ميزان ساي والا ليها معنى؟

مرسل: **الاثنين 2009.8.17 1:30 pm**

اخوى القلب مشكور على الطرح الحلو منك
بس انا بقول ليك علاقة البت الجميلة بى صاحب
المال هذة علاقة شبة قديمة ومنذ الازل لاكن لها سلبيلتها
كما نشاهد فى المسلسلات والافلام اغلبها زواج فاشل لعدة
اسباب منها عدم التوافق فى السن بين الزوجين هنا اتخلت
الموازين ابنت تكون غير مقتنعة بى الرجل بل هى مجبرة
من اهلها من اجل المال................. الخ

والله يا الفرح يا أخوي البنت ما دايما تكون مجبرة في بنات تلقى الراجل كبير وعندو قروش تجري وراه وتتحايل لحد ما تجيب أجلو
وغير كدا مرات تلقى واحدة أتقدمو ليها أتنين شاب وما عندو قروش واحد تاني كبير ووضعو المادي ممتاز
فهي تختار الكبير برغبتها هي ومن غير اي أجبار من الأهل

ولكم هذة الاسئلة
) هل زواج كبار السن من فتيات في سن بناتهم زواج عادل ؟؟
أذا كانت البنت مجبرة يعتبر ظلم أما أذا كان برضاها فلا يعتبر ظلم أبدا

2) هل تعتبر هذه الزيجات في نظركم أنانية من الزوج ؟؟
ممكن تكون انانية وممكن لاالله أعلم

3) هل ترون أن موافقة الاهل على مثل هذه الزيجات ظلم لبناتهم ؟؟
أذا كان من غير رضاء البنت فهو ظلم وظلم كبير جدا

4) هل سيكون هناك توافق عقلي وفكري بين الزوجين ؟؟
تقريبا حيكون في أختلافات في أشياء كثيرة
لكن دا برضو حيعتمد على شخصية الزوج والزوجة

5) هل تتفقون مع من يعتبرون هذا الزواج جريمة بشعة في حق الفتاة ؟؟
ممكن يعتبر جريمة في حالة الزواج من غير رضاء البنت لكن أذا هي موافقة يعتبر جريمة كيف؟؟

6) هل سيستطيع هذان الزوجان تكوين أسرة صالحة ؟؟
ممكن يكونو أسرة صالحة وفي أمثلة كتيرة في المجتمع

7) هل سوف يأثر ذلك سلبا على الأطفال ( إن وجدوا ) مستقبلا ؟؟
على حسب جو الاسرة والاتفاق والاختلاف بين الزوج والزوجة

مرسل: **الاثنين 2009.8.17 1:36 pm**

القلب الملك كتب:

ما عارف أنا ،،، علاقة المرأة الجميلة بالرجل الغني كيف؟؟

[grade="00008B FF6347 008000 4B0082"]يعني ,,
في راي المتواضع ,, بعد حذف النواقص والتوابع
وبي تشبيه بليغ بلاغة .. زي بلاغة ودابنعوف في تشبيه الكندشن بالخروف

أقول :
العلاقة دي زي علاقة " الكوز بالزير " أو علاقة " الجاهـ " بالكوز الوزير "
[/grade]

منتدى أنا سوداني

علاقة المرأة الجميلة بالرجل الغني ؟؟؟

علاقة المرأة الجميلة بالرجل الغني ؟؟؟

رد: علاقة المرأة الجميلة بالرجل الغني ؟؟؟

رد: علاقة المرأة الجميلة بالرجل الغني ؟؟؟

رد: علاقة المرأة الجميلة بالرجل الغني ؟؟؟

رد: علاقة المرأة الجميلة بالرجل الغني ؟؟؟

رد: علاقة المرأة الجميلة بالرجل الغني ؟؟؟

رد: علاقة المرأة الجميلة بالرجل الغني ؟؟؟

رد: علاقة المرأة الجميلة بالرجل الغني ؟؟؟

رد: علاقة المرأة الجميلة بالرجل الغني ؟؟؟

رد: علاقة المرأة الجميلة بالرجل الغني ؟؟؟

رد: علاقة المرأة الجميلة بالرجل الغني ؟؟؟

رد: علاقة المرأة الجميلة بالرجل الغني ؟؟؟

رد: علاقة المرأة الجميلة بالرجل الغني ؟؟؟

رد: علاقة المرأة الجميلة بالرجل الغني ؟؟؟

رد: علاقة المرأة الجميلة بالرجل الغني ؟؟؟

رد: علاقة المرأة الجميلة بالرجل الغني ؟؟؟

رد: علاقة المرأة الجميلة بالرجل الغني ؟؟؟

رد: علاقة المرأة الجميلة بالرجل الغني ؟؟؟

رد: علاقة المرأة الجميلة بالرجل الغني ؟؟؟

رد: علاقة المرأة الجميلة بالرجل الغني ؟؟؟