منتدى أنا سوداني

صحي يا التهامي التطاول علي السودان كتر ولابد من حسمه حسماً كاملاً والحرابة يانا اهلا واهلاً ومرحب بالموت في شان الوطن والعرض ولو ولعت يانا زادا ومافي الزينا ومرحب حباب الشينه ومرحب حباب الشر محل ما بتق .
لكين العقل والمنطق لازم يسبقوا السلاح وان عجز العقل بعد دا التتكلم البندقية.

الصلاة والسلام على أشرف الأنبياء والمرسلين سيدنا محمد وعلى آله وصحبه أجمعين
أخي تهامي تحياتي
قد كانت لي تجربة في الحرب الأهلية في جنوبنا الحبيب وإن الحرب ويلات ويلات وهناك في الغابات كانت الجراح وفقد الأرواح بالملايين وكيف في حرب مكشوفه
إننا ندعوا الله ليلاً ونهاراً أن يجنبنا ويلات الحروب ولو الأمر بالتمني فإننا نتمني بأن لا تخرج طلقة واحدة ونتمي أن تحل كل أمورنا سلماً ونستفيد من قيمة هذه الرصاصة في التنمية
فالوطن محتاج لتنمية كثيرة ومحتاج لكل دينار أو جنية .
ومشكور على غيرتك على الوطن ولكن لنستخدم ساس يسوس لنملك زمام الأمور.

يا تهامى عنك الحق والله ( فمن اعتدى عليكم فاعتدو عليه كما اعتدا عليكم)

احييك على اهتمامك بقضايا الوطن ياتهامى,لكن مشكلة الوطن الحقيقية اضحت في ابناء الوطن انفسهم اللذين انغمسوا في الخلافات والمكايدات مما ادى الى تفكك الرابط الوطنى بينهم تاركين قضايا الوطن الملحه خلف ظهورهم .فاصبح الجرذان امثال ديبي يجرؤون علي التعدي علي سوداننا الحبيب ناهيك عن ما يسمى بالدول الكبرى والمخابرات العالمية.وسيظل هذا حال الوطن بل يصل الى اسوأ من ذلك ما لم ننتبه وصحو من غفلتنا هذه,واخيراً نتمنى هذا الوطن الرفعة والصمود ولابنائه التوحد والانسجام كل ذلك بعون الله تغالى.

[frame="7 80"]شكرا لك الاخ تهامي علي هذه اللفته البارعه
لقد اصبح الوطن كالاسد الجريح الذي تتهاوشه الضباع من كل حدب وصوب
بس اللله يكن في العون [/frame]

المشاكل تحف السودان من كل جانب وما ان وجد مشعلي الفتن ثغرة في بلد لا وتكالبو علية واشعلوها نار فـــتنة لتاكل الاخضر واليابس نسأل اللة ان يجنب السودان الفتن ماظهر منها ومابطن................
شكرا اخ تهامي على الغيرة على وطنا الحبيب.................

نعم كثرة علينا المصائب ولكن نصبر علي مااصابنا وهي ابتلأعات وعلينا ان نتريس في الرد كيف
ومتي ؟
وعلينا كسودانيين ان نتوحد لان في الوحده النصر وعلي كل منا ان يقدم مصحلة الوطن علي مصلحتة الشخصيه . و نبز القبليه والجهويه حتي نتمكن من رد الاعداء وبناء وطننا الحبيب .

السلام عليكم

شباب لو ما بس ساكت الاقدار المشاكل مالنا بيها


مش التشاديين ديل جونا لحدي عندنا و قالو معليش
و وضحو كيف كيف انو كان خطأ غير مقصود


و هسي قبل كم يوم عملو اتفاق صلح في السعوديه رعايه الملك عبدالله
طيب خلاص بعد ده
الشغلانه ما حقاره زي كلنا كنا قايلين و لا رجاله


زول هرش منك و جاك لحدي بيتكم بترجاك تسامحو وتغفر ليهو
و من شيم الرجال العفو عند المقدره
و سمحه المقدره

و كفي الله المؤمنين شر القتال