منتدى أنا سوداني

الفصة هي من الواقع السوداني ومن عاداتنا في الاعياد لمن نمشي لي زول نعيد علية وما نلقاو بنقوم بنكتب في باب بيتو ( حضرت ولم اجدك فلان أو فلان والأولاد وكدة ) أها في عيد من الاعياد دي سوقت أولادي ومشينا لي واحد صاحبنا أسمو الحسن مالقيناهو لكن لقينا مرتو واٍسمها علوية وأمو وأولادو وقعدنا معاهم مسافة ورجعنا البيت ولما وصلت البيت لقيت الحسن كاتب لي في باب البيت
( حضرت ولم أجدك الحسن ، أم الحسن، علوية ، وأسماء الأولاد كلهم فرداً فردا ) :p

بتحصل كتير

[frame="2 80"]ههههههههههههههههههه
حلوة يازول الراجل لقاك ماقاعد قال ازود البهار شوية [/frame]

انا حصلت لي قصة مشابهة وهي انو لاقيت شخص عزيز جدا علي واستحيت اقول ليه ماجيكم في البيت قلت ليه
- الرشيد وين انت جيتك في البيت قلت افطر معاك وابارك ليك العيد لكن حوامتك دي مابتخليها
قال لي - جيتني وين
قلت بكل ثقة - في البيت يعني وين
قال لي - والله انا من يوم التيسوعة عندي حمي مامرقت اكان هسع
بقيت قدر السمسمة حلفت ما اجامل تاني بالكضب