منتدى أنا سوداني

بنت مدني كتب:مافي احلى من السودان ولمة ناس السودان وجو السودان
اسه السعودية القاعدة فيها دي جوها كيف .؟
زي الزفت ولا كمان رطوبة تكوسي للنفس ما تلقيهو ...
اسه لو ما المكيفات دي بتقدرو تقعدو ....
اما السودان ياحلاتو وكمان اتخيلي لو قاعدة في غرفة
مفروشة بالرملة ومرشوشة بالموية وتفتحي المروحة والجو والله ولا احلى ....
وبعدين الجو الايام دي خريف يعني جو اوروبي .....
ياحليل السودان ادانا اقامة دايمة
لا كفيل لا جري وتجديد اقامة لا كلام فاضي ,,,,
لكن بس اهلنا الله يسامحهم اتغربو وعذبونا معاهم ,,,
والله لما امشي السودان والقى في المطار وصول مواطن لما بحس برعشة في جسمي
هنا يقولوا وافدين زي كأنو مجرمين .....
والناس بتقولي عليها ما نضيفة دي من جوة اطهر وانضف ناس ناس كلها حنية
لكن الناس بقت تحكم بالمظاهر ,,,, بتلقي الناس بره لابسة وقاشرة لكن من جوة زبالة وعفنة ,,,
ورمضان في السودان مافي احلى منو ,, لما الناس تقوم العصرية وتشتغل وتجهز مع بعض
ويتلملم الاهل ساعة الفطور ولا الرجال لما يفطرو في الشارع كلهم يفطرو مع بعض العندو يساعد الماعندو ,,,, ولا اللمة بعد صلاة الطراويح والونسة لحد لما ناس النوبة يجي يدقوا للسحور ,,,

السودان الكلام ما بخلص ,,,,,,,

ومعليش يااختي بطلي حنكشة ,,,ههههههه,,,

كل الود وعاطر التحايا ,,,

فارماس كتب:

لورد انتي سودانية ولا إسكيماوية

سبحان الله وبحمدة سبحان الله العظيم

قايتو جنس حكحكة أقصد جنس حنكشة

طيب انتي لو ما عجبك الوضع هناك

يلا ارجعي في طيارة الساعة عشرة

صباحاً قاعدة لحدي الان بتسوي في شنو ؟؟؟؟؟


وبسمة دي عاملة فيها حنكوشة كمان والله حيرتونا

ناانا كلامك مية مية ومافي أحلي من السودان في رمضان

ويلا نشوف باقي الحسكنيتات بقولوا شنو ؟؟؟

هوي يا بنات احسن تخلو الدلع وكل واحدة تعيش الواقع وتلزم التراب دا

وكل واحدة تحمد الله علي الوضع اللهي فية وتخلي التريقة واللا مبالا

ادهم كتب:

والله حاجه تحير
الواحد يقعد ليه سنتين فى المسعوديه اقصد السعوديه يقول ليك سودان شنو


غايتو جنس محن فى الدنيا دى

نااناا كتب:

صحي حنكشة

يابت رمضان في السودان مافي أحلى منو

صاح الحر والسخانة والتعب لكن والله لمت الأهل في الفطور والقعدة والناس الطيبة دي ما بتلقيها غيرفي السودان بس