منتدى أنا سوداني

في الأونه الأخيره لاحظنا ولادة قنوات فضائيه سودانيه جديده
تحمل الصور السودانيه لأرض وحضارة و ثقافة بلادي وذلك...
من خلال الاعلانات التروجيه لكل منها و دي حاجه مشرفه جدا لينا
بعد أن شوهة الفضائيه السودانيه صورتنا الحقيقيه ......
رغم انو النيل الأزرق عدلت الصوره ورجعت حصرت القناه
ميزة القنوات الجديده متاحه للجميع بلا اشتراكات لغاية اللحظه
صح انو لسه ما شفنه منهم حاجه غير الاعلانات التروجيه لكن شكلها مشرفه
ونتمنى انها تقدر توصل الصوره الحقيقيه للسودان..... وتبعدنا عن اللقاءات الكتيره
الممله ومكرره وبدون أي هدف أوفائده ، وتريحنا شويه من الألوان الكتيره
و مزعجه في الديكوراللي مامكن يقيم غير انو سيء وبعيد كل البعد عن الفن والذوق
في الوقت اللي بتتردد قصة فنان سوداني قدم مهر عباره عن لوحات فنيه من صنعه

عموما: نتمنى للفضائيات السودانيه الجديده كل التوفيق وانها تقدر تثبت نفسها وتشرفنا
ان شاء الله وتنقذ ما يمكن انقاذه

والله نحن نتمنى اختي عاشقة وبالذات نريد قناة تخرجنا من الروتين الممل

والله قناوات بدون برامج وخطط مدروسة حا تبقى لينا كلام فاضي وفارغ واهدار للأموال والطاقات زي النيل الأزرق وغيرها ..
وقناوات تحب تعيش تجارياً وتعمل على اظهار ناس معينين اخير عدمها ..

قنوات من داخل السودان ومن خارجية نتمنى ان تعكس وجة السودان المشرق وتكون وسيلة لنشر الثقافة السودانية لا العكس............
شكرا عاشقة...

hamza كتب:
قنوات من داخل السودان ومن خارجية نتمنى ان تعكس وجة السودان المشرق وتكون وسيلة لنشر الثقافة السودانية لا العكس............
شكرا عاشقة...

مشكور حمزه على المرور.....وكلنا بنتمنى ذلك

الصلاة والسلام على أشرف الأنبياء والمرسلين سيدنا محمد وعلى آله وصحبه أجمعين
القائمين على أمر التلفزيون القومي الآن يسعون لفصل البث العالم عن الأرضي وهذه خطوة ممتازة والقناوات الجديدة انا بعتبرها إجتهادات شخصية والقناة الفضائية تحتاج إمكانيات عالية وتقنية وكوادر مؤهلة بمنهجية علمية . إذا لم يعملوا بخطط وأهداف على الأرض السلام .وكأنك يازيد لا غزيت ولا شفت الغزو

[frame="7 80"]والله كلام جيمل جدا جد
بس علي الله القنوات تقدر تضيف حاجه جدديه وتبعد عن البري البري كرهنا تلفزيونا
كل ما تفتح التلفزيون تلقي في زول قاعد يبري ويقد في الناس
والخوف كل الخوف من التشفير و ما ادراك ما التشفير
تقبلي مروري عاشقه .............عيد العزيز [/frame]

جذاب وما كذاب كتب:[frame="7 80"]والله كلام جيمل جدا جد
بس علي الله القنوات تقدر تضيف حاجه جدديه وتبعد عن البري البري كرهنا تلفزيونا
كل ما تفتح التلفزيون تلقي في زول قاعد يبري ويقد في الناس
والخوف كل الخوف من التشفير و ما ادراك ما التشفير
تقبلي مروري عاشقه .............عيد العزيز [/frame]

جذاب وما كذاب .....فعلا كلامك جذاب وما كذاب .... لان البرى هو لغة الاذاعة .... بينما الصورة وسرعة الايقاع الداخلى هى لغة التلفزيون