صفحة 1 من 1
نحنا اولد بلد نقعد نقوم على كيفنا
مرسل: الثلاثاء 2009.7.21 10:07 pm
بواسطة اشواق حاره
رايكم شنوا يا جمعنا كل واحد يقول احلى حاجه فى السودان لانى انا وغيرى كثير ما بعرفوا لى حاجه عن السودان غير انه بلدنا وبلد جدودنا والسودان حلوا وخلاص انا من موليد ليبيا ووصراحه ما نزلت السودان الا 3 مرات بس يعنى ارجوكم كل واحد يقول اى جاحة ولو ضغيره عن السودان خاضه اللى عيشين فى السودان شكرا اشواق حاره 
رد: نحنا اولد بلد نقعد نقوم على كيفنا
مرسل: الأربعاء 2009.7.22 12:39 am
بواسطة نهـاد
أشواق حارة بوست جميل وفكرتو أحلى
وعلى كلا أنا لي سنتين من السودان وأكيد حيكون أتغير كتير
بس الشي البعرفو أن السودان رائع وجميل بالناس الفيهو وجميل بالنيل
تقبلي مروري وأنشاء الله لي رجعة وأشوف ناس السودان الموجودين هناك يحكو لينا عنو
رد: نحنا اولد بلد نقعد نقوم على كيفنا
مرسل: الأربعاء 2009.7.22 1:02 am
بواسطة اميرة بكلمتي رقيقة بهمستي
بوست حلو سلمت يداك
السودان حلو والاحلي ناس السودان
الطيبه والحنية بأهل السودان
بلد حلو بس عايز بعض التطورات
بس اهل السودان حلوين
صراحه بالوصف ماحنقدر نوصف ليك السودان
لازم انتي تروحي بنفسك وتشوفي الوضع بنفسك
تحياتي
[fot1]امورة[/fot1]
رد: نحنا اولد بلد نقعد نقوم على كيفنا
مرسل: الأربعاء 2009.7.22 2:20 am
بواسطة بسمة الحياة
لك التحية اشواق حارة
انا بالنسبة لي احلى حاجة في السودان هي طيبة اهلو
ودي حاجة ما بلقاها في كل البلدان
رد: نحنا اولد بلد نقعد نقوم على كيفنا
مرسل: الأربعاء 2009.7.22 9:09 am
بواسطة ابن عوف
يديك العافية
نحكى شنو عن السودان من اى ناحية حالة اقتصادية ولا مناطق السودان عاوزة شنو بالضبط
التغير اكيد تغير فى اشياء كثيرة تغيرت من معمار لبنية تحتية حددى عشان الفايدة تعم الجميع
ودمتى بود
رد: نحنا اولد بلد نقعد نقوم على كيفنا
مرسل: الأربعاء 2009.7.22 11:42 am
بواسطة مونتا بيه
والله يا عزيزى الغالى انت ما شفت السودان الا ثلاثة مرات
انت نص عمرك ضائع ولا اقول ليك انت عمرك كلو ضائع
وحقيقة اللى ما عاش ف السودان ما عاش
لو ما حضرت زمن السخانة والغبار .. والكتاحة .. على قول حبوبتى الله يطراها بالخير ما عاش
لو ما اتبهدلت واترصعت فى الشمس وانت منتظر المواصلات .. ما ضقت للحياة طعم
لو ما طلعت ليك مشوار وفى نص الطريق ضربتك مطرة جاااااااامدة مع الخريف الايام دى
وجريت ادسيت ليك فى برندة من برندات السوق العربى ديلك .. تكون انت ضائع ساى
لو ما استمتعت بى السخانة اللى بتفور الراس ديك وانت مواعد ليك واحد ولا واحدة
واتلطعت منتظر ساعة ولا ساعتين .. تكون ما استمتعت بى عمرك
لو ما اتلميت مع اصحابك بعد العشاء ومشيتو الدكان وظبطو ليكم فتة كااااااربة بى موية فول
ما فى صحن شرط تكون فى طشط
لو ما واعدت اصحابك ومشيتو عفراء تتصرمحو شوية وتشوفو الحاصل شنو فى الدنيا
يا حليل زمان وسنين زمان
الحقيقة دى ما طنقعة
لكن حاجات فقدتها جدا والله
رد: نحنا اولد بلد نقعد نقوم على كيفنا
مرسل: الأربعاء 2009.7.22 12:23 pm
بواسطة نهر المحبه
اه اه اه اه
لو كا بلدان العالم زي السودان بلدنا حبيبنا
مع وجود الحاجات القال عنها عمك مونتا بيه
بس بالجد جميل باهله وعفويتهم وطيبتهم
المابتلقيها في اي شعب
يتخيلي لازم تنزلي السودان بنفسك عشان تشوفي وتقتنعي
لانه مهما اتكلمنا عنه ماظنيت انه كفايه
