منتدى أنا سوداني

مرسل: **الثلاثاء 2009.7.21 11:04 am**

[frame="9 80"]لما شفتك قلبي رف
نومي فر وراسي لفا
ليه لأنك زوق وخفه
زاينك جمال وأدب وعفه
قلت بس ياروح خلاص .. لي سفيني لقيلي مرفا
وبي وجودك إنتي جنبي .. باكر الأيام حتصفا

وجيتي إنتي تقولي لا لا ..
أصلو في الجب ما بفكر
ولو هويت ما بهوى غيرك .. إلا لكين نحن أصغر
ماالعلاقه البيننا سامية .. إحن أخوان ويمكن أكتر
حاول أنسى ودوس قليبك .. وكيف أسوي الغلبو عنتر

وغبت عنك ..
شلت ريدي مشيت برايا
ودست قلبي عشان هنايه
وجيت عليك شايل كلامك
الصداقة دي أسمى غايه
ولسه انتي تقولي لا لا

وتاني غبت وجيت لقيتك
قلتي لي حالك تغير
فوق رويسك أشوف هموم
كل يوم بتزيد وتكبر
والمشاريع القديمه
أجلها وعليها أصبر[bdr][/bdr]

وكان فؤادي انا لما دسته إحتضر ونذف وودَر ..
وين أختو الليله ريدك .. مات قليبي وراح وبحَر ..

وقلت لا لا .. قلت لا لا[/frame]

مرسل: **الاثنين 2009.8.3 1:35 pm**

تسلم اناملك على الطرح الجميل تخريمه ده شاكوش جامد والله هههههههههههههههههههههههه تعيش وتاخد غيرها

مرسل: **الاثنين 2009.8.3 1:37 pm**

عجيب يا ود .. واصل .. ربنا يديك العافية ..

تحياااااااااتي

مرسل: **الاثنين 2009.8.3 4:00 pm**

كلام جميل ...... نريد المزيد
مشكووووووووور

منتدى أنا سوداني

بتقولي لا

بتقولي لا

رد: بتقولي لا

رد: بتقولي لا

رد: بتقولي لا