منتدى أنا سوداني

السلام عليكم ورحمة الله تعالى وبركاته
كيف الحال ان شاء الله تكونو بخير وعافية

انا الحقيقة كنت دايرة استشيركم في موضوع طرحتو علي احدى زميلاتي او بالاحرى هو سؤال لاكين انا الصراحةماعرفت ارد ليها بشنو او اقول ليها شنو فحبيت اشارككم بالموضوع لانو انا عارفة اني حلقا عندكم الجواب ....
السؤال اللي طرحتو علي ...... قالت لي ينفع اكلم اولاد في المسنجر ؟؟!! طبعا الرد اللي انا رديتو قلتا ليها لا طبعا قامت قالت لي انو الاولاد البتكلمهم بعرفوها او ببقوليها او حاجة زي كده .... فانا ما عرفت ارد ليها بشنو وقلت ليها والله ما اقدر اقول ليكي حلال ولا حرام لانو انا ما عالمة بي حكموا فقلت ليها خلاص بسال ليكي ولقيت انو المنتدى الاسلامي احسن مكان ممكن القى ليها فيهو جواااب
فياريت يعني تساعدوني علشان اوصل ليها الحكم الشرعي الصحيح وتكونو انتو في الاخر الكسبانين


وفي النهاية اتمنى اني القى الرد منكم قريب لانها مستنياني ارد عليها

مع تحياتي :
اختكم :
بت الشيخ

بت الشيخ احيك على طرحك الموضوع دا
ودي نقطة مهمة جدا لازم تنتبهي ليها وتنبهي صاحبتك برضو
طبعا مافي زول يقدر يشك ان الخلوة محرمة
ومعروف الحديث الصحيح عن الرسول صلى الله عليه وسلم : ( ماخلا رجل بإمراءة إلا وكان الشيطان ثالثهما).

والماسنجر مادام الزول بكلم زولة مابقت خلوة طوالي مادايرا ليها كلام لكن انا بشوف الأفضل انه لو في صلة رحم تكون بالمراسلة بالبريد الإلكتروني .... هذا والله اعلم

لا يابت الشيخ انت لو دايرة تتكلمي مع الاولاد ممكن تتكلم لكن يكون الاولاد النت معاهم عارفة سلوكهم كويس وعارفاهم من وين

ولكي اجمل التهاني من lucky boy618

يلا باي

مشكورة بت الشيخ لطرح السؤال .


هنا نسأل ما الهدف من المستجر ؟
الرد هو التواصل . بس فى حاجه هل كل الناس عاملنو من اجل التواصل بالاهل والاقربين ام من اجل مأرب اخرى ؟

فإن كان من اجل التواصل الأٌسرى فهذا ليس به حرج لانو صلة الرحم من وصيانا . وإن كان من اجل هدف اخر فهذا مردود للهدف نفسه ان كان الهدف غير نبيل فبالتاكيد حرام قطعاً . والله اعلم

السلام عليكم
كيف الحال ؟؟؟؟
احب اشكر الاخوان الشاركوني في ايجاد الجواب المناسب لصحبتي وهي انشاء الله لمن تعرف اكيد حتدعو ليكم وانا ان شاء الله احاول اوصل ليها الرد في اقرب فرصة

وجزاكم الله الف خير وجعله في ميزان حسناتكم



مع تحياتي :
اختكم :
بت الشيخ