منتدى أنا سوداني

مرسل: **الأربعاء 2009.7.8 8:37 am**

المنتدي مالوا ياخوانا كله شباب صغار وانا زولة عمري 85 عام واصغر بنات ولدي اتخرجت السنة الفاتت من الجامعة وزواجها اليومين ديل يعني عايزة عواجز ذي كدة عشان اقدر اتكلم معاهم مافي يا ربي ولا القدري ماتوا . لاحولة ولا قوة موت في حلو مافي .

ويب

علينا نحنا الانتهينا

مرسل: **الأربعاء 2009.7.8 8:46 am**

ياهلا بأمال الناس:

يمكن الفي المنتدى أعمارهم صغيرة لكن الواحد فيه كان قام لكلام العجايز ما تقدري ليه وغير كدا القياس بقى بمستوى الفهم لانو العمر ما بحدد

تحياتي أمال واحتمال أجيكي راجعة

تخريمة:
يا حبوبة انت لابسة نظاراتك عشان الكمبيوتر ما بنفع مع عيونك بعدين تقومي تجنينيا عيوني وعيوني

مرسل: **الأربعاء 2009.7.8 9:17 am**

هي
حبوبة انتي بيجاي واحنا قاعدين نفتش في الحوش
قلنا الليلة حبوبة دي السكري ارتفع عنده ولا ماتت ولا ضاعت:D :D
خلاص خليك لحدي مايجي الغدا
لكن ماتطولي

عشان النظر باقي ليهو شوية بس
هههههههههههههه

مرسل: **الأربعاء 2009.7.8 9:46 am**

لكن عجوز مثقفه عديل

بتقعدي في النت لي متين انتي

وضهرك ده ما بوجعك ولا مسجل ليكي واحد من احفادك

ويقول ليكي ياحبوبه الزول ده قال ليكي كده تقومي تقولي

ليهو اكتب ليهو كده . وتديها نومه حبوبه حبوبه

الحفيد : مالك نايمه حسع لسع ما كملتي لي الكلام -
الحبوبه امال : كلام شنو يا ولدي

الحفيد : ماقلت ليكي الزول ده قال ليكي كده
الحبوبه امال : اها ياولدي اتزكرته

قول ليهو حبوبه عندها روشته بتاعت عريس

الحفيد / حبوبه اقول ليهو شنو كرهتيني النت زاتو
الحبوبه امال : ما قلت ليك قول ليهو حبوبه الدكتور كاتب ليها روشتة عريس

الحفيد/ خلاص كتبتها ليهو - عرس شنو ليكي ياحبوبه
الحبوبه امال : قلت شنو ياولد يا ما عندك ادب

الحفيد : لا قلت ليكي ياحبوبه جاري ازاكر
الحبوبه امال : اجري الجرايه شيل معاك مصيبتك ده زاتي مابقدر عليهو عمل لي زقلله في العيون

الحفيد / حبوبه قال ليكي هو العريس

الحبوبه امال : تعال لي ياجني حشاي تعال لي يالبلال قلت قال شنو سمعني ليها تاني خشمك فيهو السُكر والعسل

الحفيد / هههههههه حبوبه غشيتك قال ليكي تاني عرسي في الجنه
الحبوبه امال : تعرسكم انته وهو ام قرص اجري شوف مزاكرتك وين خليني انوم

مرسل: **الأربعاء 2009.7.8 10:44 am**

اصلوا الذمن بقي ذمن العجاويز والنت الزي نديتي امال الناس وباقي الجماعة ديل

لكن امال اصغرمني بشهرين وبعد دا ما بتطلع من محيط البيت وانا بمشي السوق وبشيل اولاد اولادي وبناتي وبشيل الفواتح واجلس علي النت

ادياك العافية ياآمال

مرسل: **الأربعاء 2009.7.8 10:44 am**

يا بنيتي نااناا والله العيون ابن تب تب ما بتعرفي ليك دكتور يسوي لي عدسات دايمة

ويا بنيتي Amal والله انا سامعي كلامكم كله وفتشكم في الراكوبة الا خفتي الراكبة تقي في راسي عشان كدي جريت اندست في الاويدة حقت وليدي الاشيتير اصلو قال لي بفتش ليك عريس يا حبوبة عشان كدي حرستو ما جاءني لليلة يكون بكذب علي ويا وليدي الاشيتير حفيدي جري وين ماني عارفي يكون يا ربي زهج مني منو البكنب لي تاني ياربي العريس مالو ماجاء عرف الضهير انحني والعيون بقن كعبات شوفوا لي واحد ذي كده امكن يرضي بحبوبتكم تعبت حالص بدور لي انيس وقول ليهو حبوبتنا مثقفة ماذي حبوبات زمان الما قرن

مرسل: **الأربعاء 2009.7.8 10:48 am**

كدي زحو لي كتي (كدي الضروس ما وقعن كلهن) انا من زمااان بفتش لي القدري والحمد لله لقيتا اها يا امولا قلت لي شنو والله شباب الماجي (مرقة جداد اقصد دجاج):D ديل ما فاهمين اي حاجة نحن ناس الفهم والراي هع هع هع

اها اذكري ايام كرومة وسرور الغنا الزمن داك مو سمح بالحيل

تقولي لي هسة ناس زهجان طوالي اجيب في غني الزمن الهسة وناس زمان احمد حسن جمعة وميرغني المامون الساعة الامسكو الطار واغنو ليك جدودنا زمااان وصونا علي الوطن والصوت مدور والزغروده فوق في السماء هسة الزغروده بقت اروغن والله مسيييخة زمان اكان والواحده ادتك شبال دا مايوم الهناء ويوم المني اتذكري يا امولا لمن اديتني شبال اه حليل ايام زمان الزمن الجميل والله شبالك لحدي الان ما نسيتو

تقبلي مروري

مرسل: **الأربعاء 2009.7.8 11:02 am**

خلاص يا ابو العزائم الحمد لله الوجدت لي نديد امكن اقدر اتونس معاك براحتي الا انا سمعي بقي تقيل وعيوني كعبات يا اخوي تطويل بالك معاي اكان ما سمعتك وما شفتك كويس بس في زول قال لي يوم داك بعد سن الستين الناس ترجي الموت ساكت عليك النبي ده ما بالغ يا اخوي ابو العزائم. الا عرفته انا ده زول حسود داير يحطم معنوياتنا ساكت قلتي ليهو انشاء الله يا ربي تموت انت لا حنة ولا ضريرة ولا سيرة ولا عديلة انا دايري اشوف جديد احفادي يا حقود

مرسل: **الأربعاء 2009.7.8 11:10 am**

هاها والله زكرتني يا اخوي سامي عادل انا امانة ماكنت راقصة وانت بس. كل الرجال الزمان كانو يجوا الحفلة ويجلسوا في السباتة ما يقوموا الا لمن يشوفوا امال الناس جاءت النبي عليك ما اذكرت ناس عثمان ومحمد احمد لما اشاكلوا فيني وطلعوا السكاكين وكله واحد يقول لي علي بالطلاق الا كان تدين انا شبال اول لكن كان اسمك شنو في الزمن داك انا سموني حاجة كلتوم دحين انت ماك حاج ابكر

مرسل: **الأربعاء 2009.7.8 11:12 am**

انتي كبير شديد والله

مرسل: **الأربعاء 2009.7.8 11:33 am**

طيب ياحبوبة

احكى لينا عن ايام زمان

نعمل ترابط اجيال ( بين الامس واليوم )

دمتى بعافية

مرسل: **الأربعاء 2009.7.8 11:34 am**

امال الناس باين عليكى مادورتى كويس العجايز الزى وزيك كتار بس مصبينين شويه وفى عمو الاشيتر اكبر منك بى كتير ولسه فى عمايلوا وعايزك تطمئنى العجايز اكتر من الشباب ودمتى بود

مرسل: **الأربعاء 2009.7.8 11:38 am**

يا حمودي وليدي كلمة كبيرة شوية علي . انت قدر ود حفيدي

ويا وليدي بنعوف والله نست حكاوي زمان كلها ياما ماها كانت كتيرة لكن الزمن طول خالص الا كان اذكرة حكوة بحكيها ليك

مرسل: **الأربعاء 2009.7.8 11:49 am**

لو دابرة الصدق العجايز انحنا

جنس تعب وجنس وجع اما حبوبتي لو شفتيها بلبس الراب تقول شابة في العشرين

ووووووووووووووب علينا انحنا ناس الزمن الضايع

مرسل: **الأربعاء 2009.7.8 11:51 am**

امال الناس كتب:يا حمودي وليدي كلمة كبيرة شوية علي . انت قدر ود حفيدي

ويا وليدي بنعوف والله نست حكاوي زمان كلها ياما ماها كانت كتيرة لكن الزمن طول خالص الا كان اذكرة حكوة بحكيها ليك

احكى يا حبوبة

الحكاوى بتجيب حكاوى

انتى احكى

مرسل: **الأربعاء 2009.7.8 12:22 pm**

ده مشكله

مرسل: **الأربعاء 2009.7.8 1:59 pm**

احسان يا بنية حشاي انا ذاتي لبست الروب الا مالي ما بقيت بنية العشرين

يا وليدي ود البورت وين المشكلة لعل ما في حبوبتك المسكينة دي

مرسل: **الأربعاء 2009.7.8 2:01 pm**

الله يطمنك يا اخوي اسامة خضر محمد علي يعني الزينا كتار لسة ما ماتوا ؟ الحمد لله وتاني الحمد لله

مرسل: **الأربعاء 2009.7.8 2:09 pm**

سمحي يا وليدي بنعوف كدي نذكر اي زمانك زمن كانت عائشة الفلاتية غنت لزوجي الله يرحمه ويقفر ليهوو باقي ما كان ضابط ايام فتحة كرن يلي عائشة الفلاتية غنت ليهم يجوا عادين انشاءالله عادين يالله يجوا عادين الفتحوا كرن بانين يالله بتعرف فتحة كرن انا ذاتي ماعارفاها الاسمعتي بيها اصلاً زمان باقي ما بخلونا نمرق الشارع ولا نعرف الاحداث الجديد شنو

مرسل: **الأربعاء 2009.7.8 3:23 pm**

امال الناس كتب:احسان يا بنية حشاي انا ذاتي لبست الروب الا مالي ما بقيت بنية العشرين

انا عندي فكري انتي شوف المقاس المناسب وكدا دي وصفة ماكدة :D

منتدى أنا سوداني

المنتدي مالـــــــوا .............................. .........

المنتدي مالـــــــوا .............................. .........

رد: المنتدي مالـــــــوا .............................. .........

رد: المنتدي مالـــــــوا .............................. .........

رد: المنتدي مالـــــــوا .............................. .........

رد: المنتدي مالـــــــوا .............................. .........

رد: المنتدي مالـــــــوا .............................. .........

رد: المنتدي مالـــــــوا .............................. .........

رد: المنتدي مالـــــــوا .............................. .........

رد: المنتدي مالـــــــوا .............................. .........

رد: المنتدي مالـــــــوا .............................. .........

رد: المنتدي مالـــــــوا .............................. .........

رد: المنتدي مالـــــــوا .............................. .........

رد: المنتدي مالـــــــوا .............................. .........

رد: المنتدي مالـــــــوا .............................. .........

رد: المنتدي مالـــــــوا .............................. .........

رد: المنتدي مالـــــــوا .............................. .........

رد: المنتدي مالـــــــوا .............................. .........

رد: المنتدي مالـــــــوا .............................. .........

رد: المنتدي مالـــــــوا .............................. .........

رد: المنتدي مالـــــــوا .............................. .........