من غير سؤآل

[ود بدر]

من غير سؤآل
غاصت مشاعرك جوه
فى عمق الفؤآد
من غير ميعاد
زفت حروفك احلى انواع العناد
ومرقت فوقك شان اجيك
ولمحت عينيك فى البعاد
وقلعت اوتادى وجنازير الحديد
وربطت اشرعه الاغانى
سافرت فوقك
وعرفت انواع المعانى
وعرفت انى قدر مساحتك بشتهيك
مشتاق عيونك فى عيونى
ومسار شجونك فى شجونى
محتاج عيونك شان اهدم كل سجونى
محتاج دموعك شان اطهر كل درونى
محتاج اليك ....من غير سؤآل
احضن همومى على همومك
واضم قليبى على رموشك
واشتهيك
بالجد عواطفى بتصطفيك
يا جايه من عمق الحقيقه
وعارفه كيف قطر الفجيعه الفيها روحى
يا شايله صمتك فوق ترابك
وحاسه بى نبض الكلام
ياعايشه فيهم وعايشه فينى
محتاج اليك......من غير سؤآل
19/12/2006
سنار

[شوتال]

من دون تعليق


قصيدة جميلة


تسلم