منتدى أنا سوداني

السلام عليكم
كيف الحال ؟؟؟؟
انشاء الله كلكم بخير .... يارب
طبعا من اسم الوضوع انا عندي مشكلة ..... واي زول عندو لي حل حبابو عشرة
ومشكلتي هي انو انا شعري ما بطول ... من كم سنة الحكاية دي وانا ما خليت زيت ما خليت حبوب ما جربتها ... بس ما في اي حاجة نافعة ..... وطبعا المشكلة دي ماثرة في نفسياتي شديد ..... وزي ما بقولو :( تاج المراة شعرها ) فانا حبيت اشارككم بالمشكلة دي عل وعسى زول يجد لي حل سريع لانو انا بصراحة اتعقدتا من شعري ده

وشكرا للي حيقرا موضوعي ده ويجد لي حل
والما بلقا لي حل وقرا الموضوع برضو كتر خيرو انو قراهو


وتقبلو مني خالص الود والاحترام
اختكم :
بت الشيخ

لختى بت الشيخ الشعر ما مقياس للمرأة وين راحت الاخلاق والطيبة وخفى الدم بس انشاء الله تلقى الحل و انا شايف مافى احسن من زيت الكركار

نفس المشكلة دي عند بنات أختي وطبعاً الشعر صاح جميل لكن في حاجات في المرأة اجمل منه وأكيد يا بت الشيخ هي موجودة فيك لا تكترثي وانسي وان شاء الله براه حا يقوم يطول لكن أوعي من المصائيب اللافي دي والله الشعر العندك ممكن تفقديه وانا خالتي بقت هسي زي رونالدو بسبب سماعها لي احدى صيدقاتها بعمل مجموعة من الزيوت على شعرها والله يا بت الشيخ مرضتت وقربت تموت عديل لكن ربنا ستر والشعر الكان عندنا هسي بقى مافي .. دي نصيحة اخوية خلي شعرك زي ما الله خلقو ليك وان شاء الله الجمال الفيك كتير لك التحية..

بت الشيخ كتب:السلام عليكم
كيف الحال ؟؟؟؟
انشاء الله كلكم بخير .... يارب
طبعا من اسم الوضوع انا عندي مشكلة ..... واي زول عندو لي حل حبابو عشرة
ومشكلتي هي انو انا شعري ما بطول ... من كم سنة الحكاية دي وانا ما خليت زيت ما خليت حبوب ما جربتها ... بس ما في اي حاجة نافعة ..... وطبعا المشكلة دي ماثرة في نفسياتي شديد ..... وزي ما بقولو :( تاج المراة شعرها ) فانا حبيت اشارككم بالمشكلة دي عل وعسى زول يجد لي حل سريع لانو انا بصراحة اتعقدتا من شعري ده

وشكرا للي حيقرا موضوعي ده ويجد لي حل
والما بلقا لي حل وقرا الموضوع برضو كتر خيرو انو قراهو




وتقبلو مني خالص الود والاحترام
اختكم :
بت الشيخ

بت الشيخ لكي التحية وانت تشركينا معك
مراجعة طبيب اخصائي جلدية اكيد هي الحل ...
لانه الوحيد القادر على تحديد المشكلة ...
لأنها ممكن تكون عضوية ..كنقص الفيتمينات او خلل بالغدد او.... او
وممكن كمان تكون نفسية زي القلق الكثير....او الاضطراب...او ...او
بدليل انك جربت ادوية وما ادت لنتيجة
ده اولا
تانيا
كم من امراءة امتلكت شعرا جميلا...وكانت قبيحة عند الله والناس

الشعر شيء مكمل لجمال المراءة.... لكن الدواخل السمحة هي
الأجمل ....

وتقبلي مروري

السلام عليكم
كيفكم كلكم كده ؟؟؟؟
ان شاء الله بخير
انا بس كنت دايرة اشكر الاخوان شديد واقول ليكم صح انو الشعر ما كل حاجة في المراة زي ما قلتو وانا معاكم في الحتة دي بس انا لما اشوف البنات الفي سني شعرم بيطول وانا لاء ده حاجة بتحز في نفسي وانا احمد الله عالشعر العندي ده لانو في غيري محرومين منو ...... :)
وبحب اشكركم شديـــــــــــــــــــــــــــــد لانكم رفعتو من روحي المعنوية


وشكرا عالمرور
مع تحيات :
اختكم :
بت الشيخ

سمعت معلومة عن زيت الزيتون انه يطول الشعر لو التزم به

ونقلت ليك مقالة احتمال تلقي فيها المفيد

--------------------
ما الذي يطيل الشعر وما الذي يسبب تساقطه؟

د. محمد حسن
تنمو الشعرة بمعدل 1 سم في الشهر تقريبا. ولكل شعرة فترة نمو تستمر من سنتين إلى 6 سنوات، ثم تتوقف عن النمو فترة أخرى قبل أن تسقط تسمى فترة السكون، وهي فترة قد تطول أو تقصر، ثم تسقط الشعرة لتنمو في مكانها شعرة جديدة أخرى وهكذا، أي في الوقت الذي تسقط فيه شعرة من الرأس، هناك شعرة جديدة بدلا منها. وتستمر هذه الدورة إلى ما شاء الله.
لماذا يكون الشعر طويلاً لدى بعض الإناث ويكون قصيراً لدى البعض الآخر؟ لكل أنثى جينات خاصة بها، ومنها تلك الخاصة بالشعر، فكما ذكرنا أن عمر الشعرة يتفاوت بين 2 و6 سنوات، وأن الشعرة تنمو بمعدل 1سم كل شهر، إذن سيزداد طول الشعرة في السنة 12سم. فان كان عمر الشعرة سنتين فقط، فأطول شعرة ستبلغ 12*2=24 سم ثم تسقط في نهاية السنتين، وإن كان عمر الشعرة 6 سنوات فسيكون طول الشعر 12*6=72سم ثم تسقط لتنمو شعرة جديدة في موضعها.
أي المستحضرات التي تطيل الشعر؟ لا توجد مستحضرات، حتى الآن، تستطيع إطالة الشعر الطبيعي السليم. فالشعر الذي يستمر في النمو مدة 6 سنوات تقريبا أطول من الشعر الذي لا ينمو إلا عامين تقريبا. ولا فائدة من كل المستحضرات الخاصة بإطالة الشعر، ويجب على المرأة أن لا تكون سلعة في يد المحتالين الذين يستغلون رغبتها في ذلك.
ما هي أسباب سقوط الشعر؟ ليكن معلوماً لكل امرأة، أن هناك ما بين 20 - 100 شعرة تسقط يوميا، وتحل محلها شعرات جديدة، وهو أمر عادي، كما تسقط خلايا أخرى في الجسم، وتحل محلها خلايا جديدة يوميا.
هناك أسباب عديدة تقف وراء سقوط الشعر وعدم غزارته، ومنها العوامل الجينية مع زيادة الهرمونات الذكرية، أو زيادة تحسس مستقبلاتها في بصيلة الشعر. وعادة ما توجد نسبة ضئيلة من الهرمونات الذكرية في جسم المرأة، فإن زادت عن مستواها العادي، أو زاد تحسس مستقبلاتها في بصيلات الشعر، أدت إلى سقوط شعر الرأس، وظهور الشعر في الوجه وأماكن غير مرغوب فيها مثل الصدر.
نقص مستوى الإستروجين يؤدي إلى تساقط الشعر عندما يقل مستوى الإستروجين في جسم المرأة يؤدي إلى تساقط الشعر مثلما يحصل عند نهاية الحمل، أو بعد شهرين لثلاثة أشهر من التوقف عن تناول حبوب منع الحمل الهرمونية. ولكن لا يلبث هذا التساقط إلا أن يتوقف، ثم يعود الشعر إلى سابق وضعه. ولكن نقص الإستروجين المرافق لسن توقف الطمث يؤدي إلى مشاكل دائمة في الشعر.
على المرأة التي تعاني من سقوط الشعر، أن تراجع طبيبة الأمراض الجلدية للوقوف على أسباب سقوط الشعر قبل أن تمد يدها إلى أي مستحضر مهما كان مقنعا أو مغريا، لان أسبابا عديدة تقف وراء سقوط الشعر مثل: اضطراب أيضي وظيفي داخل الجسم، مثل الحمل، أو الانفعالات النفسية القوية، أو نظام غذائي قاس، أو فقر الدم، أو نقص في هرمونات الغدة الدرقية، عمليات جراحية كبيرة، تجرثم شديد، حمى شديدة. أو أدوية مثل الجرعات العالية من فيتامين أ أو هـ، أو نقص الحديد، أو استخدام بعض أنواع أدوية الكآبة أو المضادات الحيوية، أو الأمفيتامين، وأدوية المفاصل أو الدم أو الغدة الدرقية، أو المعالجة الكيماوية، لكن هذا النوع من سقوط الشعر يعتبر مؤقتا، وعند زوال السبب يعود نمو الشعر كما كان من جديد.
لا يوجد صلع عند النساء بمعنى الكلمة، أو كما هو الحال عند الرجال، فصلع الرجال واضح، أما الشعر في النساء فيبقى كما هو، ويغطي كل الرأس، لكن قُطْر الشعرة يقل عما كان علية، فيبدو خفيفاً، خصوصا في منطقة الجبهة ومقدمة الرأس، وأكثر ما يحدث ذلك في الأربعينات، أي بعد نقص هرمون الإستروجين، لان الإستروجين يقلل من تأثير الهرمون الذكري الموجود في الجلد ومنطقة بصيلة الشعرة. لكن بصيلة الشعرة تصل إلى الضمور التام عندما تبلغ المرأة 80-90 عاما، وتتوقف عن إنتاج الشعر تماما.
العلاج يعتبر عقار مينوكسيديل 2% topical minoxidil2% من أفضل ما يستخدم خارجيا يوميا لعلاج تساقط الشعر عند النساء. أما عقار بروبيشياPropecia الذي يحتوي على مادة فيناسترايد Finasteride فلم ينجح في علاج سقوط الشعر عند النساء، وهو خطر على الحوامل أو من هن معرضات للحمل. ولكن هناك أدوية أخرى قد تفيد بعض النساء مثل عقار سبيرونولاكتون spironolactone ويوصف من قبل الطبيبة، لأنه يؤخذ عن طريق الفم، وتظهر فاعليته بعد عدة شهور، وله آثار جانبية قد لا يلائم كل امرأة. وكان أكثر فائدة لدى النساء اللواتي استخدمنه قبل سن انقطاع الطمث، أما في هذا السن فيمكن إعطائه مع بعض أنواع حبوب تحتوي على هرمونات أنثوية.
وليكن معلوما لكل امرأة أن كل ما تجريه على شعرها بداية من استعمال الشامبو أو تجفيف الشعر بالأجهزة التي تولد حرارة عالية، أو فرد الشعر أو تجعيده أو تمليسه، واستخدام المستحضرات المختلفة والمتعددة قد تهلك شعرها بيديها. أما الاستعمال المنظم لصبغة الشعر فقد لا يؤذي الشعر كما يشاع من حين لآخر.

أيوه خليك كدة يا بت الشيخ كدة تعجبيني خلي روحك المعنوية دائماً فوق!!

السلااااااااام عليكم
كيف الحال انشاء الله تمام !!!!!

الصراااااحة يا جماعة ما عارفة اقول شنو ......... فعلا اقنعتوني وما عارفة اشكركم كيف
واحب اشكر الاخ حليم لانك تعبتا نفسك ولقيت لي المقال ده ( كتر الف خيرك )
وما انساك كمان يا اخ منير لانك بتشجعني بكلامك
وفي النهاية احب اشكر كل من ادلى برايو وساعدني في التخلص من المحنة دي
شكرااااااااااااااااااااااا ليكم وان شاء الله في ميزان حسناتكم ...... ياااااااارب


مع خالص الحب والامتنان :
اختكم :
بت الشيخ

بت الشيخ
ماتشيلي هم ........... الاخلاق وجمال الروح احلى منهم مافي
وماصح انتي بنت ... كدا كدا حتعجبيهم :079:
مع تحياتي

السلام عليكم

بنت الشيخ انا عندي الحل

ركعتين باليل ودعاء صادق لرب الارض والسماء للخالق الخلقك وخلق شعرك بس خليك موقنة بالاجابة

(اوقالربكم ادعوني استجب لكم )

وانحنا حندعو ليكي كمان
ولايهمك اهم حاجة الاخلاق والطيبة وانتي كلك اخلاق وطيبة

السلام عليكم
كيفكم كده ؟؟؟
تسلم يااا " الطود الشامخ "
وان شاء الله في ميزان حسناتكم جميعا ياااارب ...
والله يخليكم لي ياا ناس المنتدى


وتقبلو مني فائق الود والاحتراام
اختكم :
بت الشيخ

السلااااام عليكم
كيفكم كده ؟؟ ان شاء الله تمام
الصرااحة مشكور يا اخ نور وانا ما عارفة ازا كنت بقدر احدد ليك مشكلتي بالضبط لاكين بحاول ان شاء الله ....
وعلى فكرة انا شعري لما كنت صغيرة كان طويل وغزير لاكين للاسف احنا انتقلنا من منطقة لي منطقة تانية وبدا شعري يتقصف ويتساقط لحدي ما بقى خفيف شديد وما بيطول
في مشكلة بتواجهني انو الوالدة ما راضية تخليني اقصو لانها قالت لي هو قصير لما تقصيهو حيمشي وين !!!!:( وانا البقول ليهو عن مشكلتي يقول لي قصيهو لاكين اسوي شنو ؟؟!!!:(
واعتقد انو الضغوطات والهموم ليها اثر كبير .... وعندي قشرة خفيفة
وانا الصرااحة ما بقدر احكم على نفسي ازا كان عندي حاجة تانية غير الحاجات دي لاني ما متاكدة

وشكراا ليكم كلكم وخاصة لاخ نور لانك حتديني العلاج

مع تحياتي

تسلم يا اخ نور يديك العافية
وان شاء الله في ميزان حسناتك ......... ياااارب:)

تحياتي الخالصة

السلاااام عليكم
الصرااااحة ما عارفة اشكركم كيف لكن والله فعلا حسستوني اني وسط اهلي بتشجيعكم لي ومحاولتكم لرفع معنوياتي ..... وفعلا محاولتكم نجحت واقنعتوني باني ارضى بالكتبو لي ربناوانا الحمدلله راضية .... وما في مانع من تجربة الوصفاات اللي ادوني ليها اخواني في المنتدى
ويديكم العافية وان شاء الله كل حرف كتبتوهو يتحسب ليكم اجر في ميزان حساناتكم


مع تحياتي :
اختكم الممتنة :
بت الشيخ :)

بت الشيخ اختي العسل
مالك انا لمن سافرت ما خليتك ساندرا بولك
دي العين لكن ما تشيلي هم بكره الزمن ليك يبتسم
كديه جربي زيت الصبار ولا فاتيكا
انا داير ارجع القاك قمر 17

تسلم ياااااكيمو
وان شاء الله الله يسمع منك
ان شاء الله حعمل بجميع النصااائح
وشكرااا عل المروور الحلو ده :p