منتدى أنا سوداني

انا من وجهة نظري هو عااادى بس لو كان معاهو محرم يكون احسن لكن بصراحه انا لو قالو لي سافري دولة تانية براكي مستحييييييييييييييييييييييييييييييل

ودالدسـوقي كتب:

الموضـوع هـو اغـتراب المراءة السـودانيـة ... واعرف جـيدا انو الاخوان
المتواجـدين باقطـار العـرب لاتؤثر عـليهم هذه المعضـله ... فالمتواجـدين
هـناك غالبا مايكـون الاغـتراب عـائلي او بمحـرم
...

شي اود توضيحـه السـودانيات هـنا مثال الاحـترام وانا شخصـيا افتخر بهن.
ولكنني .....

وانتظـر ارائكـم جمـيعا وخاصـة المتواجـدين بالسـودان وحتي والدتي
ولكم ودي[/B]

.

لمست وتر ...
انا اخترت الجزئية دي من كلامك لأنو عندي فيه وقفة زيادة حبة ... ولو سمح السادة القراء من غير زعل
حقيقة انا سافرت كتير .. وبتعامل بمقولة دع الخلق للخالق ... لكن في الغربة لم تلقى سوداني من الجنسين كأنك لمست السحاب ..
فما بالك لم سوداني تاني يتصل يقول ليك والله انتو ناس جداد في البلد وشايف الناس كبسوا عليكم اعملوا حسابكم ديل معروفين ب كيت وكيت و,,,,
والا تمشي السوق وتحس من كلام التاجر انو عندو ليك عرض خاص شان انتي سودانية ...
والا يجي يتحرش بيك سوداني في السوق والحضرمي يثبتو (دي خارج النص معلش)

والكلام ده في بلاد عربية .. طالبات وموظفات وحمانا الله ربات بيوت ... وانا متأكدة نسبة اعوجاج الطالبات والموظفات في البلدان الاوروبية ح تكون أقل من هنا .. ليه؟ لانو الازدحام وضغوط الدراسة بتقلل فرص الصياعة ...

اخوي درس في الخارج وهو متعصب وضد الموضوع ده نهائي ... انا كنت دائما على نقيضه ...

في رأي المتواضع المجتمع السوداني ككل دخلتو مجموعة متغيرات شقلبت كيانو .. وفي حوجة لي وقفة لكن للأسف الناس خايفة تقيف شان القطر ما يدوس عليها ... وقطر السناحة ده وادينا لا وين الله أعلم ..

ودالدسوقي نأسف ع التخاريف والاطالة .. علة ياهو شغل الحبوبات وبجيك تاني

ودالدرديري كتب:

تغترب بـ دعم ذاتي من نفسها وبطريقتها الخاصة لتبحث عن عمل ..... دي أنا مامعاها والله

ياخوانا الغربة دي الرجال ماقادرين عليها تقول لي النسوان وكمان يمشن براهن لا ضل راجل لاحيطه ؟؟
ومابتسلم من القيل والقال حتى وإن كانت بريئة ولاذنب لها
وقدامنا وشايفين بعيوننا يعني لاسمعنا ولاجابوهو لينا

طبعا من شاف ليس كمن سمع وانت ياودالدرديرى مغترب واكيد ترى بنفسك

طبعا فكرة الاغتراب بدعم ذاتى دى مرفوضة ولو القيت نظرة ستجد غالبية المغتربات السودانيات (خاصة فى دول الخليج) بيكون معها اخوها او شخص من الاسرة (ليس الزوج ) وديل الانا بعرفهم
يعنى ممكن تجد غالبية المغتربات من الدول العربية (سوريا ولبنان خاصة بتجدهن لوحدهن وده حسب ماقراءت ولكن العكس ممكن يكون فى المغتربات السودانيات (يمكن لانو فى الغالب الرجل السودانى لايرضى بان تكون ابنته او اخته لوحدها فى الغربة ودى حسنة وقلة من يرضون بذلك )


وياود الدسوقى (هى غربة وبورة دى والله يبقى انتحار عديييل )

اخي ود الدسوقي بعد السلام والتحية
اولا اشكرك على اهتمامك بالمرأة السودانية وخوفك عليها
في رأيي اغتراب المرأة لوحدها في بلد غير السودان ربما يدخلها في مشاكل هي في غني عنها وذلك للأسباب الاتية: -
1- عدم وجود محرم
2- اختلاف العادات والتقاليد حتي ولو كانت من اسرة محافظه وذهبت من اجل هدف معينه ذلك المجتمع الذي تذهب اليه لايرحمها سواءا كان عملا او دراسة
3- وربما تتعرض لمشاكل هي في غني عنها لذلك اطلب من المرأة السودانية بالذات ان تبحث عن العمل والدراسة في بلدها لان المرأة والسودانية بالذات عزيزة كريمة عظيمة في بلدها ولا ارضي لها باي زلة او اهانه في البلاد الاخري مهما كان

توحه عبده

حبوبة كتب:
في كثير من ألحايين يخونني التعبير في ايصال رسالتي ..
وقد يكون السبب شطحاتي الانفعالية ..

تحياتــــــــــــــــــــــــــــــــــــي

والله انا ضد اغتراب المراة لوحدها نحنا ياخوانا شرقين وعاداتنا وتقاليدنا مسيطرة علينا واسرنا المحافظة مهما تطورت العولمة ووصلنا القمر برضو سودانين

شي عادي مررررره عادي بس اذا لم يكن لها ابناء