منتدى أنا سوداني

ازيكم يا ناس حبابكم الف يا اخوانا عاوزين نناقش موضوع شايفاهو مهم ولازم ناخد فيهو وقفه لماذا اصبح الصدق عيب في زمننا واصبحت الثقه والصراحه معدومتين تماما يا تري العيب فينا ولا في الزمن وعاوزين كل واحد وبكل صراحه وشجاعه يورينا هو صادق بنسبه كم وتذكروا ان الكمال لله وحده


انا شخصيا صادقه الي حد ما لكن برضو حادي نفسي 90 % لانو زي ما قلت ليكم الكمال لله وحده

[align=center]فعلا الكمال لله ..

لكن اظن انو الناس تحدد ان كنت صادقة او لا لا

بس انا ما بكزب و ما بحبو و لا بحب الناس الكزابة

و تسلمي على الموصوع الراقي[/align]

مريم أمة الرحمن كتب:

[3mr=backgrounds/16.gif]حبيبتى فى الله
أولاً : اشكرك على الموضوع الجميل ده
ثانيًا: صادقة بإذن الله تعالى بنسبة 99.9%
لانه من المفروض ان المسلم لا يكذب ابدًا،فإذا كذب انسان على انسان أخر فمعنى هذا انه يخاف من هذا الإنسان أو كما يقولون يخاف على مشاعره
فسبحان الله يخاف من العبد ولا يخاف من الله عزوجل[/3mr]

ماشاءالله عليك بالجد ولو الناس بقت زيك حنعيش في جنه.

أبعاج كتب:والحمد لله بقدر الامكان أكون صادقا

اها بقدر الامكان دي زاتها المجننانا ليه ما نكون صادقين في كل الاحوال ده السؤال؟

ضياء الروووح كتب:يعني امممممممممم زي 88 في المئه ويسلمووووووووو

والله الصراحه راحه 88 دي ما شايفها شويه اقعد مع نفسك وشوف النقص ده من شنو ويا ريت تحله

الفرح المهاجر كتب:بحاول اكمل والكمال لله

صح الكمال للله انت حاول وربنا بيساعدك وانشاءالله ربنا يتم ليك الفي مرادك قول امييييييييييين

Mr.POGIz كتب:

انا حاسس اني دايما صادق لكن احيانا لازم الزول يكذب ( كذب ابيض)



يعني تقريبا تقريبا 95 % والباقي ضرايب صدقيني

ده فهم الناس مافي حاجه اسمها كزب ابيض وكزب اسود دي مسميات نحن ابتدعناها عشان نتماشي مع الحياه ونمشي امورنا ومواضيعنا لكن بعدين كيف يوم الحساب حنقابل ربنا وقول شنو كزبه بيضاء والله دي كااااااارثه ليه ما نتوكل علي الله في امورنا مش علي خلق الله والكزب؟علي فكره كلامي ده ما معناها اني الشريف الرضي بس حابه اعرف ليه نحن بقينا كده

الباقين الما رديتوا ورونا مالكم مكملين الصدق عشان كده ما اشتغلتوا بالموضوع ولا خايفين تعترفوا بالحقيقه مستنياكم لسه فيكم الخير.